Category Archives: Pantasya Balita

Lahat ng Uri ng Sasakyan, Ipagbabawal na sa Maynila

Pasay, Philippines – Ipagbabawal na ng Malakanyang ang lahat ng uri ng de-makinang sasakyan sa loob ng Kamaynilaan upang masolusyonan ang mabigat na trapiko sa lungsod.

Ito ang binanggit ni Department of Transportation (DOTr) Sec. Arthur Tugade sa isang presscon na dinaluhan din ng mga pinuno ng MMDA, NEDA, DPWH at iba pang mga opisyal ng lokal na pamahalaan.

“Ipinapapangako ko po sa inyo, sa oras na maaprubahan ang Emergency Powers na hinihiling natin sa Senado, ipagbabawal na po natin ang lahat ng uri ng sasakyang gumagamit ng motor o anumang klase ng makina.”

“Hindi lang po mawawala ang traffic jam, kundi pati mga aksidente sa kalsada, kasama na ang road rage, mawawala na pong lahat yan. Dahil hindi na po natin papayagan ang lahat ng sasakyan na tumakbo sa loob ng Maynila.”

“Wala nang mga barumbadong tsuper ng PUV, wala nang mga rapist na taxi driver, mga kriminal na riding in tandem, mga walang modong government vehicles, pati mga nagka-counter flow, mawawala na lahat yan.” komento ng Kalihim ng Transportasyon.

Sinusuportahan ng maraming ahensya ng Pamahalaan ang planong ito ng DOTr kabilang na ang LTFRB at LTO.

“Di na po kami magkakaroon ng lag sa pag-issue ng mga lisensya at plaka kasi wala na kaming i-issuehan nito. Kaya lang mababawasan yung delihensya namin. Uy, wag mong isali sa report mo ‘yan ha?” – saad ng isang LTO officer na ayaw ibigay ang kanyang pangalan dahil tinatamad siya.

Wala namang nagbigay ng komento kung ano ang ipapalit sa mga ambulansya, firetrucks, garbage trucks at police patrol cars.

Ang desisyong ito ay bunsod nang mapansing napakaluwag ng mga kalsada sa buong Metro Manila tuwing Mahal na Araw, Pasko at Bagong Taon, maging nitong nakalipas na ASEAN Summit.

*******************************************************************

Paunawa: Ang balita pong ito ay kathang-isip at gawa-gawa lamang.

Advertisements

Paggamit ng Internet, Ipagbabawal sa Lahat ng Government Workers

internet surfing while working

Davao City – Ipagbabawal ng bagong administrasyon ang paggamit ng internet sa lahat ng opisina ng gobyerno sa buong bansa.

Ito ang inihayag ng incoming Presidential Spokesman Sal Panelo sa isang late night media conference na ginanap sa Lungsod ng Davao kamakailan.

“Ang oras na binabayaran sa mga empleyado ng gobyerno ay hindi dapat inaaksaya sa pag-iinternet gaya ng Facebook, Twitter, Instagram o kung anu-ano pa. Dapat nilang sulitin ang ibinabayad sa kanila ng taumbayan!”, saad ni Panelo.

Nakuha diumano ng bagong administrasyon ang ideya sa bagong patakaran na ipapatupad ng Singapore sa kanyang mga government offices.

Read: Singapore to cut internet access to government workers

“Makakatulong ng malaki ang bagong kautusang ito sa pagpapabuti ng serbisyo ng mga sangay ng gobyerno sa buong bansa.” pahabol ng incoming spokesman.

*******************************************************

Advisory: Ang balitang ito ay kathang-isip at gawa-gawa lamang.

Millenials, Gustong Pagsisihan Ang Pagboto Kay Duterte

16th pangulo ng bansa

Intramuros, Manila – Nais pagsisihan ng ilang grupo ng mga kabataang botante ang pagboto nila kay presumptive President-elect Rodrigo Duterte sa nakaraang halalan.

Ngayon pa lamang ay pinaplano na diumano ng inaasahang bagong uupo na Pangulo ang pagpapatupad ng curfew sa mga kabataan, ang pagbabawal ng pag-inom (ng alcoholic beverages) sa mga pampublikong lugar at pag-ban sa mga maiingay na karaoke.

“Napaka-KJ naman pala ni Duterte!”, alma ng isang 27 anyos na empleyadong umamin na ikinampanya at ibinoto ang maangas na Mayor ng Davao.

“Akala ba namin eh mga kriminal ang pupuksain n’ya? Bakit pati pagsasaya namin, gusto n’ya pakialaman?”, tanong naman ng isang first time voter na estudyante.

 Sinabi naman ng kampo ni Duterte, sa pamamagitan ng kanyang spokesman, na dahil gusto ng mga Pilipino ng pagbabago, uumpisahan ito ng bagong Pamahalaan sa pagtuturo ng disiplina.

************************************

Paunawa: Ang balitang ito ay kathang-isip at gawa-gawa lamang.

Survey Result: Nais Ibalik ng mga Pilipino ang Martial Law

Manila, Philippines – Nais ibalik ng maraming Pilipino ang Batas Militar sa buong Pilipinas. Ito ang lumabas na resulta sa pinagsamang survey na isinagawa ng Pulse Asia at SWS nitong Abril, 2016.

Matapos tanungin ang may 10,0000 respondents sa iba’t ibang bahagi ng Pilipinas, lumilitaw na marami sa mga Pilipino ang nais ipatupad ang Martial Law sa buong bansa.

“Hindi naman po naipapatupad ng maayos yung batas natin sa Pilipinas eh kaya dapat pagpapatayin na lang agad yung mga kriminal sa bansa natin.”, ang isinaad na opinyon ng isang respondent.

“Kung hindi istriktong didisiplinahin ang mga Pilipino, walang mangyayari sa ‘tin.”, ang pahayag naman ng isang negosyanteng tumugon din sa nasabing survey.

Sa nasabing survey, 85% ang nagsabing nais nilang ibalik ang Martial Law, Diktaduryang Pamamahala o anumang uri ng Kamay na Bakal na sistema. Samantala, 10% ang hindi pabor dito at 5% naman ang hindi alam kung ano ang isasagot.

Ito rin ang pinaniniwalaang dahilan ng ilang mga political analyst kung bakit mataas ang kasalukuyang rating ni Duterte at Marcos para sa kandidatura nila sa pagka-Presidente at Bise-Presidente.

duterte at marcos
photo from inquirer.net

***********************************************************

Paunawa: Ang balitang ito ay kathang-isip at gawa-gawa lamang.

Funeral Service Businesses, Patok sa Pilipinas

Mandaluyong, Philippines – Naghahanap ka ba ng magandang negosyo? Kasalukuyang umuunlad diumano ang mga funeral businesses sa bansa ayon sa Business Insider Asia.

pilipinas funeral service
patuk na patok na negosyo sa Pilipinas ang funeral services

Bukod sa mga punerarya, nakikita ring nagbu-boom ang business ng mga sementeryo at cremation services para sa mga bangkay.

Nagkakaroon na rin ng mataas na demand para sa mga sepulturero at embalsamador na dumoble ang monthly salary at benefits kumpara sa standard compensation nitong nakalipas na limang taon.

Sa isang panayam ng The Pinoy Site, sinabi ni Mang Kandoy, 51, embalsamador, “Opo, totoo pong malaki ang kita naming mga embalsamador at hindi kami nawawalan ng trabaho. Nagpapadami po sa trabaho namin yung mataas na antas ng krimen sa bansa natin ngayon.”

Kinumpirma naman ng isang cremation service owner na 60% ng mga bangkay na kanilang kini-cremate buwan-buwan ay namamatay sa kriminalidad kagaya ng mga biktima ng riding in tandem, rape slay, away kalye at iba pang mga gun related at drug related violence.

Tinuran ng mga funeral service owners na ang natitirang 40% sa kanilang mga “kliyente” ay yung mga namatay sa aksidente, sakuna o sakit.

Itinanggi naman ng PNP na tumataas ang kriminalidad sa bansa at iginiit na isolated cases lamang ang lahat ng krimeng nangyayari sa Pilipinas.

Inaasahan ng mga funeral service owners na lalong magbu-boom ang kanilang business ngayong papalapit na ang 2016 elections dahilan sa tradisyunal na tumataas ang rate ng violence sa lahat ng parte ng bansa tuwing eleksiyon.

********************************************

Note: Ang balitang ito ay walang katotohanan at kathang-isip lamang.

Pacquiao, Nakiusap sa Publiko: ‘Wag N’yo Na Akong Iboto, PLEASE!

General Santos City, Saranggani – Nakiusap ang People’s Champ Manny Pacquiao sa madlang tao sa pamamagitan ng isang press conference na huwag na siyang iboto ulit sa susunod na eleksiyon.

Manny Pacquiao
si Cong. Manny Pacquiao

“Kumakandidato lang po ako bilang pabor sa aking mga kaibigan, kaya tatanawin ko pong malaking utang na loob kung hindi ninyo ako iboboto sa anumang posisyon sa Pamahalaan.” saad ng dating 8 division world champion sa harap ng mga media men.

Si Manny Pacquiao (buong pangalan: Emmanuel Dapidran Pacquiao) ay kasalukuyang naglilingkod ng kanyang 2nd term bilang kongresman ng nag-iisang distrito ng Saranggani kung saan siya ay nanalo nuong 2010 at 2013 May National Elections. Subalit bukod dito, si Pacquiao ay isa ring full time boxing champion, full time basketball coach, tv host, recording artist, movie actor, commercial model, negosyante at isa sa mga paboritong target ni Kim Henares ng BIR.

Sa tala ng House of Representatives, ang Pambansang Kamao ay isa sa mga may pinakamataas na bilang ng absences sa hanay ng mga Kongressman.

Idinagdag pa ng kasalukuyang Kia Sonteros Coach na hindi makakatulong sa bansa kung isa na namang celebrity ang iuupo ng taumbayan upang mamuno sa kanila.

“Muli po akong tatakbo sa 2016 National Elections para naman sa pagka-Senador, bilang tulong sa aking mga kaibigan sa United Nationalist Alliance (UNA) Party. Subalit ipinapakiusap ko po na huwag na ninyo akong iboto. Sapat na po yung pumunta kayo sa aming mga miting-de-avance at magpakita ng suporta sa aking mga ka-Partido sa UNA.

Isa po akong celebrity na abala sa maraming bagay. Hindi ko po magagampanan ang aking mga administrative duties sa Pamahalaan dahil sa dami na ng aking mga responsibilidad. Hindi ko na rin po kelangan ng karagdagang pera o ng kapangyarihan. Masaya na po ako sa katayuan ko sa buhay.

Para sa lahat ng aking mga fans at minamahal na mga kababayan, huwag na po ninyo akong iboto ulit.”

**************************************************

Advisory: Ang balitang ito ay kathang-isip at gawa-gawa lamang.

Korte Suprema ng Pilipinas, Bubuwagin

pagpupulong ng pangulo
Kuha mula sa facebook page ng Pangulo…

Ito ang ipinahayag ng Pangulo kahapon sa pagpupulong na isinagawa kasama ang mga miyembro ng Kataas-taasang Hukuman ng bansa.

Sinabi ng Pangulo na wala nang nakikitang silbi ang Pamahalaan sa Mataas na Korte dahilan sa panay na pagkontra ng huli sa mga desisyon ng Pangulo. Kasama na dito ang desisyon ng Korte Suprema na unconstitional ang Disbursement Acceleration Program (DAP) funds at ang mga nakalipas na pag-TRO ng Korte sa mga bagong batas na inaprubahan na ng Mababang Kapulungan, ng Senado at ng Pangulo.

“Ang hangad natin ay pagbabago, subalit wala kayong ginawa kundi pigilan ito.”, sabi ng Pangulo sa kanyang speech.

“Matatapos na lang ang term ko, ganito pa rin ang Pilipinas. Ano ba ang ginawa ko sa inyo at parati na lang ninyo akong kinokontra?”, dagdag pa ng Pangulo.

Ang hindi magandang relasyon ng Korte Suprema at ng ibang sangay ng Pamahalaan ay sinasabing nag-ugat nang bawasan ng Department of Budget and Finance ang taunang budget ng Korte Suprema.

Nakadagdag pa daw dito ay ang pagpili ng Pangulo sa isang batang Chief Justice na si CJ Sereno kung saan nagdulot ng hinanakit sa mga mas nakatatandang miyembro ng Korte.

Ang tuluyang pagbuwag sa Korte Suprema ay inaasahang maipapatupad bago matapos ang taong 2014.

Ang mga maiiwang responsibilidad nito ay paghahati-hatian ng mga Regional Trial Courts sa iba’t ibang lalawigan ng bansa, ng Mababang Kapulungan, ng Senado at ng Office of the President.

Samantala, ang interpretasyon ng mga bagong ipapatupad na batas, kung naayon ba ito sa ating Konstitusyon o hindi, ay pagbobotohan na lamang daw ng mga mamamayan ng Pilipinas sa pamamagitan ng online voting.

*****************************************************
Paunawa: Ang balitang ito ay kathang-isip at gawa-gawa lamang.

Propeta, Ibinunyag Ang Mga Mananalo sa 2016

House of Congress, Manila – Isang kontrobersyal na manghuhula na tinagurian ang kanyang sarili bilang “Ang Propeta”, ang nagbunyag ng kaniyang premonisyon sa resulta ng magaganap na halalan sa Pilipinas sa taong 2016.

ang propeta
image copyright: marvel studios

Ang manghuhulang ito na siya ring walang palyang nagpahayag ng mga nanalo sa halalan nuong 2013 ay ayaw pa ring magpakilala sa publiko magpa-hanggang ngayon. Sa kabila ito ng kanyang natatanging kakayahan na hulaan ang mga magaganap sa hinaharap.

“Kahit sino naman eh kayang hulaan yung mga mananalo sa halalan sa Pilipinas eh. Tingnan mo lang kung anong klaseng mga botante at pulitiko meron tayo, magagawa n’yo rin yung ginagagawa ko.” pahayag ng kontrobersyal na manghuhula sa isang panayam.

Narito ang ibinunyag na listahan ng mga mananalo sa halalan sa 2016 para sa pagka-Pangulo, Bise-Presidente at mga Senador ayon sa “Ang Propeta”.

President – Jejomar Binay
Vice President– Ramon “Bong” Revilla, Jr.

12 Senators:

Vicente “Tito” Sotto III
Ferdinand “Bongbong” Marcos, Jr.
Imee Marcos
Kristina Bernadette “Kris” Cojuangco Aquino
Juan Ponce Enrile
Juan “Jack” Ponce Enrile, Jr.
Jeorge “ER” Ejercito Estregan
Manny Pacquiao
Jejomar Erwin “Junjun” Binay
Lani Mercado – Revilla
Jinggoy Estrada
Andal Ampatuan, Sr.

Hinulaan din ng “Ang Propeta” na magagawa pa ring mangampanya ng mga pulitiko kahit sangkot sila sa iba’t ibang kasong kriminal o kahit nakakulong man sila. At makakakuha pa rin daw sila ng sapat na boto upang manalo.

Ibinunyag din ng nasabing manghuhula na mula 2016 ay lalo pang dadami ang mga miyembro ng National People’s Army at ng Abu Sayyaf. Dadami rin daw umano ang mga Pilipinong mag-i-immigrate sa ibang bansa na nangangakong hindi na muling babalik sa Pilipinas magpakailanman.

***********************************************************************

Paunawa: Ang balitang ito ay kathang-isip at gawa-gawa lamang.

FOR SALE: The Philippine Islands

philippines for sale

Interested? See details below!

FOR SALE!!!
The Philippine Islands

You have the choice to purchase several groups of islands or the entire archipelago, whichever is suited to your budget.

The archipelago is surrounded by a vast body of water rich in minerals and abundant with aquatic resources. The main land has tropical weather and the climate is warm all year through. The islands are well known for their agricultural and farm produce due to its very favorable weather condition.

A large portion of the country’s population belongs to the working age group and with proper management and compensation, these people can be among the most skilled and competent workers around the globe.

The archipelago’s 7,107 islands, breath-taking beautiful sceneries and wealth of natural resources will not disappoint any potential owner.

Reason for selling the islands is because the country does not know how to manage itself. It has been struggling for almost 70 years now but to no avail. It is just now that the country realized it is time to give up.

GENERAL PROPERTY INFORMATION

LOCATION:
South East Asia; East of Vietnam, North of Indonesia and South of Japan

TOTAL TERRITORIAL AREA:
300,000 sq. km.

PROPERTY TYPE:
Archipelago

SPECIAL FEATURES:
– strategic location for commerce along the Pacific Ocean
– 3 to 5 hours by plane from mainland Asia
– warm, tropical climate throughout the year
– an unbelievable abundance in natural (land and aquatic) resources
– large young population

PRICE:
Negotiable

CONTACT INFORMATION

Contact Numbers:
0912-345-6789 (International: +63-912-345-6789)
Look for Leklek

Email Address:
pilipinasforsale@gmail.com

*** ONLY DIRECT BUYERS MAY INQUIRE ***

Asteroid, Bumagsak sa NAIA Terminal 1

Nakapunta ka na ba sa Terminal 1 ng NAIA? International airport natin ito na nasa Maynila.

Ito ang unang-unang mabubungaran ng mga turistang dayuhan na naniniwalang maganda ang Pilipinas.

Pero sa kasamaang palad, ang airport na ito ay hindi maalis-alis sa ranking ng mga worst airports in the whole wide Earth dito sa ating Milky Way Galaxy.

naia worst airport

Nakakahiya. Kahiya-hiya talaga na “It’s More Fun in the Philippines” tayo ng “It’s More Fun in the Philippines” pero etong nanlilimahid na airport ang isasalubong natin sa mga bisita natin.

Nakakahiya man, hindi yata ito madalas gamitin ng mga pinuno natin sa Pamahalaan kaya hindi sila masyadong affected sa bagay na ito eh. O baka kapalan muks na lang talaga.

Alumpihit kasi lagi ang Pamahalaan na bigyan ng total make-over ang airport natin gaya nung total makeover na ginawa ni Miley Cyrus sa kanyang sarili. Pero para sa ating airport, syempre in a nice and karespe-respeto way.

Hind po, hindi po ako hater ni Miley Cyrus.
Going back to our topic…

Sa tingin ko, ang pinakamabilis na paraan para ma-renovate ang NAIA Terminal 1 ay pag tinamaan ito ng isang asteroid. Yung tamang laki lang ng asteroid na hindi gugunawin ang buong Pilipinas o buong Maynila.

Yung tamang laki lang na lilikha ng sapat na damage sa airport para hindi na ito magamit pa ulit magpakailanman kapag hindi inayos.

Kaya simulan na po natin ipagdasal na tamaan ng asteroid ang NAIA 1 pero without casualties of course. At hopefully, gumising tayo isang umaga na may balita na gaya nung nasa baba.

***********************************************************************************

Asteroid, Bumagsak sa NAIA Terminal 1!
 
MANILA – Isang bulalakaw o asteroid ang bumagsak at sumira sa runway at ilang bahagi ng gusali ng NAIA Terminal 1 kaninang madaling araw. Walang inulat na namatay sa nangyaring insidente subalit ilang mga crew ang napabalitang tinamaan ng mga tumilamsik na bato at alikabok mula sa pagbagsak ng bulalakaw.
 
Dahil sa pangyayaring ito, lahat ng mga flight paalis at parating ng NAIA Terminal 1 ang nakansela at na-reschedule papunta sa NAIA Terminal 2 at 3 pati na rin sa Clark at Subic Airport.
 
Imbes na mainis, maraming sa mga paalis na pasahero ang nagbunyi sa pangyayari. “At last! Nawasak na rin ang airport na ito!”, tuwang-tuwang sigaw ng isang OFW na paalis papuntang Saudi.
 
“Dininig ng langit ang aking panalangin!” sabi naman ng isang balikbayan na papuntang Amerika.
 
Isang dayuhan naman ang nagsabi na, “This is the greatest thing I have witnessed in this country!”.
 
Sasagutin ng mga Airlines at ng NAIA ang rescheduling ng mga pasahero at paglilipat sa kanila sa ibang airport.
 
Kinumpirma ni Manila International Authority GM Jose Honrado na hindi na maaaring magamit pang muli ang Terminal 1 kaya’t imbes na ipaayos ito ay gagamitin na lang ang pera para i-expand ang NAIA Terminal 2 at Terminal 3 pati na rin ang mga iba pang airport sa mga kalapit na lalawigan.
 
Ipinapanukala naman ng DOTC na taniman ng maraming puno ang dating lugar ng Terminal 1 upang langhapin ang polusyon ng Maynila.
 
-RP
 

Related Articles:

Religious Endorsement at Pre-election Surveys, Ipagbabawal

Isang panukalang batas, ang Religious Endorsement and Pre-election Surveys Prohibition Bill of 2013 ang nais isulong ng Kamara sa pagbubukas ng ika-16 Kongreso ngayong Hulyo.

Nilalayon ng panukalang batas na proteksyunan ang mga mamamayan mula sa impluwensya ng kanilang religious leaders sa pagpili ng kandidatong iboboto sa panahon ng halalan.

Nais din ipagbawal ng bill na ito ang pag-survey sa popularidad ng mga kandidato simula anim na buwan bago ang national elections. Layunin nito na pigilin ang anumang organisasyon na magsagawa ng mga survey sa mga kandidato at ipahayag ang resulta nito sa publiko.

Maaari umanong maka-impluwensya sa desisyon ng mga mamamayan sa pagpili ng ibobotong kandidato ang resulta ng mga survey na ito.

sixto brillantes
yahoo news picture

Sa isang panayam ay sinabi ni Comelec Chairman Sixto Brillantes, “Ang kalayaan ng isang tao na pumili ng iboboto nang walang kinatatakutang pamimilit o anumang uri ng pananakot ay isang karapatan na dapat tamasahin ng sinumang mamamayan ng isang demokratikong bansa.”

Ayon sa mga ulat na nasagap ng COMELEC, naging focus sa paggastos ng mga kandidato nitong nakalipas na 2013 elections ang mapataas ang kanilang ranking sa mga survey at makuha ang endorso ng mga religious leaders. Ilang mga organisasyon din ang nagsabing ibinabase lang ng ilang religious sector ang kanilang endorsement sa kung sino ang mga nasa taas ng survey rankings.

Maraming pulitiko, NGO’s, ahensya ng pamahalaan at pangkaraniwang mga mamamayan ang natutuwa sa panukalang batas na ito. Matagal na umanong namamayagpag ang makapangyarihang impluwensya ng mga religious leaders sa kanilang mga nasasakupang miyembro.

Bagama’t sinasabi ng mga sekta ng relihiyon na hindi sapilitan ang pagboto sa pinili nitong kandidato, marami pa ring napapa-ulat na pananakot at pangongonsensya ang nangyayari sa loob ng komunidad ng iba’t ibang religious groups. Iba’t ibang pressure umano ang nararanasan ng miyembrong ayaw sumunod sa religious endorsement ng inaanibang relihiyon.

Naniniwala ang Kongreso na kakatigan ng Korte Suprema ang panukalang batas dahil sinusuportahan nito ang nakasaad sa Konstitusyon tungkol sa paghihiwalay ng Simbahan at Pamahalaan.

Sa pamamagitan ng bill na ito, maaari nang ireklamo ang anumang religious sect o anumang organisasyon na tahasang gumagawa ng mga bagay na maaaring makaapekto sa desisyon ng isang indibidwal sa pagpili ng kandidato.

Bagamat nakinabang sa religious vote nung 2010, naniniwala ang maraming mambabatas na hindi ivi-veto ng Pangulo ang panukalang batas sakaling makapasa ito sa una at ikalawang pagbasa.

**********************************************************************************************
Sa kasamaang palad, ang balitang ito ay kathang-isip at gawa-gawa lamang.

Pork Barrel, Ilalaan sa Pagsugpo ng Krimen

Manila, Philippines – Limang Senador at dalawampung Kongresista na magtatapos ang term sa 2016 ang nagpahayag na ilalaan ang tatlong taong (3 years!) halaga ng kani-kaniyang Priority Development Assistance Fund (PDAF) o “Pork Barrel” upang labanan ang lumalalang karahasan at krimen sa bansa.

Bawat Senador ay mayroong 200 milyong piso na PDAF samantalang 70 milyong piso naman ang nakalaan para sa bawat Kongresista taun-taon. Ang halagang ilalaan ng mga nabanggit na mambabatas upang labanan ang krimen ay aabot sa 7.2 bilyong piso bukod pa sa budget na ilalaan ng Pamahalaan.

Ilan sa mga paggagamitan ng budget ay:

1. pagpapatayo ng malalaking kulungan sa mga isla ng Babuyan Islands
2. paglalagay ng maraming CCTV camera sa lahat ng pampublikong lugar
3. pagdagdag ng allowance at incentives para sa mga pulis
4. pagbuo ng Philippine Undercover Specialist Agents (P.U.S.A.)

Bago magtapos ang termino, nangako ang ilang mga mambabatas na makikipagtulungan ang Kongreso at Senado sa PNP at AFP upang makabuo ng isang grupo na tutugis at huhuli sa mga kriminal ng bansa.

Ang bagong grupo na ito ay bubuuin ng mga piling indibidwal na dadalhin sa ibang bansa upang bigyan ng training sa iba’t ibang larangan ng martial arts, paggamit ng mga sandata, pagmamaneho ng iba’t ibang uri ng sasakyan, survival skills, page-espiya at pagluluto ng iba’t ibang putahe gaya ng lumpia at embutido.

p.u.s.a
concept uniform para sa p.u.s.a.

Ayon sa ilang sources, ang mga piling indibidwal na ito ay itatago mula sa publiko at media. Sabi pa ng isang PNP staff na ayaw magpakilala dahil wala siyang awtoridad para magsalita sa bagay na ito (pero gusto pa ring magsalita), ang mga pipiliing miyembro ng P.U.S.A. ay mayroong IQ na hindi bababa sa 130 at nakakapagsasalita ng iba’t ibang lenggwahe at iba’t ibang dayalekto ng Pilipinas.

Layunin ng bagong grupo na tahimik at mabilis na dalhin sa hustisya ang lahat ng kriminal na elemento at salot ng lipunan maliit man o malaki. Mula sa mga gun for hire killers hanggang sa malalaking sindikato ng droga, robbery, carnapping, prostitusyon, smuggling at iba pang mga nagsasagawa ng illegal activities sa bansa.

Sinabi ng mga mambabatas na nakahanda silang i-depensa ang planong ito sa Commission on Human Rights at sa Korte Suprema.

********************************************************************************

Ang balitang ito ay kathang-isip at gawa-gawa lamang.