All posts by ResidentPatriot

Male, Engineer, Artist, Writer, tumatanggap din ng labada tuwing Sabado...

Mga Pwede Mong Gawin Habang Naghihintay

mga pwedeng gawin habang naghihintayNaghihintay ka bang makita o dumating ang iyong one true and perfect love? Well, bad news. Hindi tungkol dun ang article na ito.

Ang paghihintay na tatalakayin dito ay tungkol sa paghihihintay na ginagagawa nating lahat sa araw-araw nating buhay. Paghihintay sa pila, paghihintay sa kasama, paghihintay mabakante ang C.R., paghihintay sa trapik, etc.

Ang daming activity sa buhay natin ang involved ang paghihintay at kung aaksayahin natin ito nang walang ibang ginagawa kundi tumunganga, napakaraming oras at oportunidad ang inaaksaya natin.

Mas marami pang importanteng bagay sa buhay natin ang dapat nating ginagawa kesa magbayad ng tubig, kesa hintayin yung ka-eyeball mong dalawang oras lagi kung ma-late, kesa hintayin yung nanay mong magsukat nang magsukat ng mga sapatos na hindi naman nya bibilhin, at kung anu-ano pang mga paghihintay na kahit ayaw nating gawin eh hindi natin maiwasan.

Narito ang ilang tips kung paano maging produktibo habang naghihintay.

 1) Magbasa

readNasa sa iyo na kung ano ang gusto mong basahin; fiction, inspirational, self-help, textbooks, company/school report, email, text messages, love letter, etc. Magiging produktibo ang oras mo sa paghihintay kung magbabasa ka imbes na nakatunganga lang na naghihintay. Kung parte ng trabaho mo ang magbasa, pwede kang magdala ng ilang mga dapat mong basahin habang naghihintay. Mababawasan nito ang mga dapat mong gawing trabaho. Kung may mga messages ka rin na hindi pa nababasa, ito ang chance mong bawasan yung mga mensaheng matagal nang naka-stock sa cellphone mo. Ito rin ang chance mong bawasan yung mga librong matagal mo nang gustong basahin.

 

2) Makinig

listenBukod sa pakikinig ng music o balita, maaaring maging produktibo ang iyong paghihintay kung nadadagdagan ang kaalaman mo sa pinapakinggan mo. Subukan mong makinig para matuto ng bagong lenggwahe, mag-aral ng negosyo, mag-aral ng communication skills, logical thinking, etc. Marami kang pwedeng makuhang libreng impormasyon sa podcast o sa YouTube. Pwede ka ring mag-record ng mga in-attendan mong seminar, lecture o meeting at pakinggan ito habang naghihintay para ma-review ang mga natutunan mo. Siguraduhin mo lang na gumamit ng earphones para di makaistorbo sa iba. Pero syempre, kung nagmamaneho ka at mag-isa ka lang naman sa loob ng sasakyan, di mo na kelangang gumamit ng earphones.

 

3) Manood

watchPara maging produktibo ang iyong oras habang naghihintay pwede kang manood ng mga educational, instructional, informative, self-help o inspirational videos. Kung nagco-commute ka, siguraduhin mo lang na naka-earphone ka para di ka makaperwisyo ng ibang tao.

 

4) Magsulat

writeKung estudyante ka, blogger, author, writer, speaker, teacher o nasa anumang field na nangangailangang magsulat, pwede kang gumawa ng mga draft ng iyong sinusulat habang naghihintay. Kelangan mo lang ng panulat at masusulatan. Pagdating sa bahay, eskwela o pinagta-trabahuhan, pwede mo na itong i-finalize.

 

5) Check your checklist

checklistSinasabi ng ilang mga pag-aaral (link) na isa sa mga gawain ng mga taong matagumpay (successful) ay ang pagpa-plano. Habang naghihintay, tsekin mo ang iyong checklist ng mga dapat gawin. Kung wala ka pang checklist ng mga dapat mong gawin, gumawa ka. Pwede mong planuhin ang lahat ng dapat mong gawin sa isang araw, isang linggo, isang buwan, isang taon, limang taon, and so on and so forth. Then, ilista mo ang lahat ng dapat mong gawin. Habang naghihintay, pwede mo i-revise ang iyong checklist. Kapag nagpa-plano tayo ng mga gagawin natin, nababawasan ang mga oras na naitatapon sa mga walang kwentang bagay. Nakakagaan din ng loob kapag nakikita nating organized at alam natin kung anu-ano ang dapat nating gawin.

 

6) Mag-reklamo sa social media

magreklamoPinaghihintay ka ba nang matagal ng LTO, ng SSS, ng DFA, ng DPWH o ng anumang government agency? Trapik ba sa EDSA? Huminto ba ang LRT/MRT? Well, then take a picture at i-hashtag mo na ‘yan! I-bayan patrol mo, i-brigada mo, isumbong mo kay Tulfo, whatever. I-post mo na yang sitwasyon mo at baka sakaling matawag yung pansin ng mga kinauukulan at baka sakaling ma-pressure silang humanap ng solusyon. Kapag mas maraming nagre-reklamo sa Social Media, mas nae-engganyo mag-trabaho ang mga awtoridad. Kaya i-post na yang paghihintay mo.

 

7) Finish other pending tasks

other tasksKung may iba ka pang dapat tapusin o lakarin na pwede mo namang isabay habang naghihintay, gawin mo na ito. Kung may number ka at tingin mo ay matagal-tagal pa bago ka matawag, mag-paalam ka lang sandali sa mga kasama mo sa pila na babalik ka rin agad. Sa ganitong paraan, pwedeng umalis ka muna sandali sa pila para mag-grocery, magpagupit ng buhok, manood ng sine, magpa-massage, kumain, magkape, etc.

 

8) Text or call people

make callsKung lagi ka na lang nagdadahilan na wala kang oras kaya di ka nagte-text o tumatawag sa maraming mga tao, eto na ang pagkakataon mo. Habang naghihintay, kontakin ang nanay, tatay, tito, tita, lolo, lola, katrabaho, boss, kaklase, kaibigan, syota o asawa mo. Communicate with people during your idle time. Strengthen your personal relationships.

 

9) Exercise your brain

brain exerciseMagdala lagi ng sudoku, crossword puzzles, or installan ng games ang iyong smartphone o tablet. Nakakabawas daw ng risk ng Alzheimer’s disease ang regular na pag-ehersisyo ng katawan pati na rin ng ating utak (link). Stay sharp, men (and women).

 

10) Makipag-usap

communicateSubukan mong kausapin yung mga kasama mong mga nakapila. May mga impormasyon kang pwedeng makuha sa kanila. Impormasyon halimbawa sa murang bilihin, impormasyon sa mapagkakakitaang pera, o impormasyon tungkol sa mapapasukang bagong trabaho. Baka nga makilala mo pa yung future mong mapapangasawa kung makikipag-usap ka lang at lalawakan ang iyong network. Siyempre, mag-ingat ka ring wag mabiktima ng mga miyembro ng budul-budol o akyat-bahay gang dahil sa mga impormasyon maaaring i-share mo sa kanila. Tantiyahin mo kung sino ang kausap mo.

Gawing produktibo ang iyong mga oras nang paghihintay. Malay mo, sa kaka-absorb mo ng new knowledge tuwing naghihintay, baka umasenso ka sa buhay at di mo na kailangan pang maghintay sa mga hinihintay mo ngayon.

Saan-saan mo pwedeng gamitin ang mga suggestion na nakasaad sa itaas?
  • Habang nasa pila
  • Habang nasa loob ng sasakyan
  • Habang nagmamaneho
  • Habang may hinihintay na dumating
  • Anumang bagay na nangangailangan ng matagal na paghihintay

Gayahin natin si Mr. Bean. Isa siyang magaling na multi-tasker. Wala siyang sinasayang na oras 😀

Advertisements

Mga Palatandaang May Mga Mandurukot Sa Loob ng Sinasakyang Bus

Narito po ang isang very timely at kapaki-pakinabang na guest post upang makapag-ingat tayo sa mga mandurukot.

magnanakaw

Mga Palatandaang May Mga Mandurukot Sa Loob ng Sinasakyang Bus

ni Mamang Enhinyero

Tulad ng karamihang Juan ay isa ako sa mga umaasa sa mga bus na syang totoong hari ng kalsada (na minsan ay aakalain mong paga-ari nga nila ang EDSA). May ilang beses na rin akong nakakita ng mga bugok na mga mandurukot sa loob mismo ng bus at minsan na rin akong naipit ng mga kampon ni Mang Taning habang bumababa ako at natangay ang nakabulsa kong cellphone.

Kelangan talaga mag-ingat lalo na sa mga pampublikong transportasyon gaya sa loob ng bus. Dapat di ka sitting duck o easy prey. Pero paano mo ba sila makikilala at paano mo malalaman ang mga galawang pangkawatan nang ikaw mismo ay hindi kinakailangang maging mandurukot (eto e kung naniniwala ka sa kasabihang it takes one to know one)?

1. Merong siksikan sa may malapit sa pinto kahit di puno ang center isle.

Ang lehitimong pasahero ay ayaw na ayaw masiksik lalo na kung maluwag pa ang sinasakyang bus. Pinipili ng mga mandurukot ang malapit sa pinto para makalabas at makatakbo kaagad kapag nagkaipitan. Kung kaya very prone madukutan ang mga nasa malapit sa pinto gaya ng ibang mga pasahero na kahit Ayala pa bababa at kakasakay lang sa Quezon Ave. e gustong nasa may pintuan pa rin. Madalas sa mga ganito e mga babae at mga matatanda.

2. Nanlilisik ang mga mata, di mapakali, at lilinga-linga kahit napaka-ordinaryo ng sitwasyon.

Dito ay kailangan mo ng baseline para ma-detect mo ang mga galawang out of the ordinary. Kailangan mong maging mapagmatyag at maka-establish ng baseline behavior. Di mo kelangang maka-graduate ng psychology, kelangan mo lang magmasid.

3. May dalawa o higit pang mga taong biglang sumakay na may kahinahinalang kilos.

Madalang rumaket mag-isa ang mga mandurukot. Ulit, kailangan mong maging pamilyar sa mga out of the ordinary na mga kilos para mapansin mo sila.

4. Magkakalayo sila ng pwesto sa bus, malalakas mag-usap ng mabilis at hindi maintindihan (not necessarily ibang dialect, alam mong tagalog pero magtataka ka kung bakit di mo maintindihan).

Ang lehitimong pasahero malapit sa kausap, at madalas ay walang pakialam sa iba kahit marinig ang pinag-uusapan.

5. Di nagbabayad ng pamasahe kahit nasa harapan na nila ang kunduktor.

Nasaksihan ko ito ng personal habang sinusulat ko ito sa loob ng bus gamit ang lapis at notebook. Magkakalayo sila noon na nakaupo mga 3 katao. Nang naniningil na ang kunduktor sa harap ng isa sa kanila ay nagsalita ang kasama nya ng hindi maintindihan at sabay-sabay nagsibabaan. “Mga mandurukot yun a,” nasabi nalang ng kunduktor.

6. Iba makatingin sa gamit ng ibang pasahero, lalo sa bag at cellphone.

Iba yung nakatingin lang sa tingin ng taong may maitim na balak at budhi. Nasa East Avenue ako noon. May suot akong relo at kitang-kita ko ang pagtitig ng isa sa kanila sa suot ko. Buti nalang di niya tinangkang agawin. Mga 5-7 katao sila na sabay sabay bumaba nang hindi nagbabayad. Yung isa ay nakita ko pang namulot ng ticket.

7. Kapag nakatayo ka, binabangga ka kahit siksikan, ayaw kang padaanin ng mga nasa harap mo kapag bababa ka na.

Eto na yung aktwal na pandurukot. Naranasan ko ito nung pababa na ako ng bus sa may Espanya. Di talaga ako pinababa hanggang hindi nakuha yung cellphone na nasa bulsa ko. Buti nalang at lumang-luma yung cellphone at buti nalang at hindi nakuha yung sampung libo na nasa secret pocket ko. Pero syempre nakakasama parin ng loob na bukod sa nadukutan ako e nawala ng isang iglap yung mga contacts ko.

Naglipana sila kahit saan. Kung paano sila uubusin ay tanging new world order lang ang makakagawa nyan. The least na pwede mong gawin e wag kang maging biktima. Pero paano ka nga ba makakaiwas?

  1. Wag magbubulsa ng wallet. Although hindi na ata uso to ngayon. Wag ilagay ang mga importanteng dokumento gaya ng ID, ATM at iba pa sa wallet sabay lagay sa likod na bulsa.
  2. Tanggalin ang relo at hikaw pati singsing dahil para kang naglagay ng karatula sa noo mo na may nakasulat na “COME ON BEBE, ROB ME, ROB ME!!!”
  3. I-bag ang cellphone (UTANG NA LOOB!!!). Etong di ko maintindihan sa karamihan. Yung iba di bale nang di kumapit sa mga hawakan at mabangasan ang mukha kapag natumba sa loob ng humaharurut na bus basta nakahawak lang sa cellphone. BAKIT???!!!
  4. Alisin ang mga temptation. Kung chic ka (o kahit hindi) at magpakita ka ng legs o cleavage e siguradong titignan at titignan yan parehas ng mga manyakis at mga hindi. Ganyan din sa cellphone at iba pang mamahaling gadgets at gamit. Simple logic.
  5. Magmasid ka. Tigilan mo yung cellphone, tanggalin ang headset at itago mo muna yung libro. Alalahanin mong life skill ang maalam sa tinatawag na situational awareness.

*****************************************************************

Mamang Enhinyero

Isang enhinyerong nasa CBD na madalas nakatingin sa malayo kapag naglalakad dahil palaging may iniisip; madaling maagaw ang atensyon habang naglalakad sa Ayala Avenue dahil sa mga chics; isang mamang nakasakay sa ordinary o aircon bus at makikitang nagsusulat kahit umaandar ito o di kaya’y dinudutdut ang kanyang latest, state-of-the-art cellphone na Samsung Metro 312 bilang kanyang digital notebook; INFJ.

Lahat ng Uri ng Sasakyan, Ipagbabawal na sa Maynila

Pasay, Philippines – Ipagbabawal na ng Malakanyang ang lahat ng uri ng de-makinang sasakyan sa loob ng Kamaynilaan upang masolusyonan ang mabigat na trapiko sa lungsod.

Ito ang binanggit ni Department of Transportation (DOTr) Sec. Arthur Tugade sa isang presscon na dinaluhan din ng mga pinuno ng MMDA, NEDA, DPWH at iba pang mga opisyal ng lokal na pamahalaan.

“Ipinapapangako ko po sa inyo, sa oras na maaprubahan ang Emergency Powers na hinihiling natin sa Senado, ipagbabawal na po natin ang lahat ng uri ng sasakyang gumagamit ng motor o anumang klase ng makina.”

“Hindi lang po mawawala ang traffic jam, kundi pati mga aksidente sa kalsada, kasama na ang road rage, mawawala na pong lahat yan. Dahil hindi na po natin papayagan ang lahat ng sasakyan na tumakbo sa loob ng Maynila.”

“Wala nang mga barumbadong tsuper ng PUV, wala nang mga rapist na taxi driver, mga kriminal na riding in tandem, mga walang modong government vehicles, pati mga nagka-counter flow, mawawala na lahat yan.” komento ng Kalihim ng Transportasyon.

Sinusuportahan ng maraming ahensya ng Pamahalaan ang planong ito ng DOTr kabilang na ang LTFRB at LTO.

“Di na po kami magkakaroon ng lag sa pag-issue ng mga lisensya at plaka kasi wala na kaming i-issuehan nito. Kaya lang mababawasan yung delihensya namin. Uy, wag mong isali sa report mo ‘yan ha?” – saad ng isang LTO officer na ayaw ibigay ang kanyang pangalan dahil tinatamad siya.

Wala namang nagbigay ng komento kung ano ang ipapalit sa mga ambulansya, firetrucks, garbage trucks at police patrol cars.

Ang desisyong ito ay bunsod nang mapansing napakaluwag ng mga kalsada sa buong Metro Manila tuwing Mahal na Araw, Pasko at Bagong Taon, maging nitong nakalipas na ASEAN Summit.

*******************************************************************

Paunawa: Ang balita pong ito ay kathang-isip at gawa-gawa lamang.

Mga #WalangPasok Days Para sa Taong 2018

bakasyon pilipinas

Isang Mapagpalang Taon sa ating lahat!

2018 na at malapit na ring matapos ang bakasyon natin. Pero wag masiraan ng loob, narito na ang mga dapat nating abangan na mga Regular National at Special Non-working Holidays ngayong 2018.

Para sa mga Regular National Holidays:

  • New Year’s Day           –      January 1
  • Maundy Thursday      –      March 29
  • Good Friday                 –      March 30
  • Araw ng Kagitingan    –      April 9 (Mon)
  • Labor Day                     –      May 1 (Tue)
  • Independence Day      –      June 12 (Tue)
  • National Heroes Day  –      August 27 (Mon)
  • Bonifacio Day              –       November 30 (Fri)
  • Christmas Day             –       December 25 (Tue)
  • Rizal Day                      –       December 30 (Sun)
  • Eidul Fitr                      –       (To be announced)
  • Eidul Adha                   –       (To be announced)

Para sa mga Special (Non-Working) Holidays:

  • Chinese New Year       –       February 16 (Fri)
  • EDSA People Power   –       February 25 (Sun)
  • Black Saturday            –        March 31
  • Ninoy Aquino Day      –       August 21 (Tue)
  • All Saints Day              –       November 1 (Thu)
  • Immaculate Conception –  December 8 (Sat)
  • Last Day of the Year   –       December 31 (Mon)
  • Additional                    –       Nov. 2 (Fri) at Dec. 24 (Mon)

Maaari pang madagdagan ang mga ito ng mga emergency proclamations kagaya nung ginawa sa panahon ng ASEAN at tuwing may mga kalamidad o sakuna sa ilang mga partikular na lugar at iba pang mga kadahilanan.

Mayroon ding kani-kaniyang espesyal na pagdiriwang ang iba’t-ibang mga probinsiya kung saan nagdi-deklara ito nang walang pasok sa mga paaralan at lokal na tanggapan ng Pamahalaan.

So, kung empleyado ka man o estudyante, sikapan na ang trabaho o pag-aaral at planuhin nang maige ang mga darating na araw ng bakasyon.

Narito ang isang guide para sa long weekends ngayong 2018 mula sa Philippine Star.

long weekends sa pilipinas

Let’s get it on, 2018!

References:

Ano’ng Magandang Gawin Pagka-Graduate ng College?

Ano ba ang magandang gawin pagka-graduate ng College?

Mamasyal? Pwede.
Magpakasal na sa boyfriend/girlfriend? Pwede.
Magtambay muna ng ilang buwan sa bahay? Pwede rin.

Pero para sa iba, hindi na itinatanong kung ano ang gagawin pagka-graduate ng College. “Eh di maghanap na agad ng trabaho!”, ang naka-ready na sagot ng maraming graduates.

graduating student

Oo nga naman, dito sa Pilipinas, ano ba’ng dahilan kung bakit nag-aaral ang karamihan sa mga kabataan? Hindi naman para matuto, di ba? Mga abnormal lang na tao ang nag-aaral para matuto, di ba? 😀 Nag-aaral ang maraming tao sa Pilipinas para makahanap ng magandang trabaho na may magandang pasweldo para makapamuhay ng disente para gumaan ang buhay.

Pero magtrabaho na nga ba agad ang pinakamagandang kasunod na dapat gawin pagka-graduate sa eskwela?

Kung walang-wala na talaga at ikaw na lang ang inaasahan ng mga magulang mo para ihango ang buong pamilya ninyo sa kahirapan eh mabuti nga sigurong magtrabaho ka na agad.

Pero kung kaya pa ng iyong utak, at kaya ka pa naman sustentuhan nina Mommy at Daddy, I suggest, mag-aral ka pa muna.

HUWAAATT????!!! Mag-aral ulet??? Baliw ka ba, RP? Mahigit 10 years na akong nag-aaral! Sukang-suka na ako sa mga libro! Banas na banas na ako sa mga titser! Kating-kati na ako makahawak ng perang pinagtrabahuhan ko! Tapos, mag-aaral pa ako ulit?! Tao ka ba, RP?! Tao ka ba???!!

Yes, tao ako and please kalma lang and read on.

Narito ang ilan sa mga maaari mong gawin pagkatapos mong mag-aral:

  1. Mag-aral ng vocational course sa Tesda – magbibigay ito sa iyo ng mga karagdagang skills na pwede mong magamit pang-akit sa iba’t ibang kumpanya. Hindi masyadong pressure dito kagaya nang pag-aaral sa elementary, highschool o college. Mas mura din dito at minsan nga ay pwede ka pang makalibre ng pag-aaral.
  2. Mag-aral ka muna para sa Board o Licensure Exam – kung kailangan ito para sa tinapos mong kurso, magandang mag-test ka na agad ng board exam habang fresh pa sa iyo ang mga pinag-aralan mo sa Kolehiyo. Marami ka ring pwedeng makasabay na mga kaklase. Mas masaya mag-review at magtest na may kasama kesa sariling sikap lahat. Mas nakakatamad mag-aral at lumiliit ang chance mong makapasa kung magte-take ka ng board exam 2 or more years after mong mag-graduate sa College.
  3. Kumuha ka ng Masteral Degree – base sa iyong kurso, pwede kang kumuha ng Master’s Degree para maging espesyalista ka sa iyong larangan. Mas malaki ang bentahe ng mga may Masteral Degree kesa sa mga hindi na kumuha pa nito. Kung gusto mong magturo sa paaralan, as sideline or full-time, malaki ang tsansa mong matanggap kung may Master’s Degree ka. Mas mataas na pinag-aralan, mas maraming opportunity ang nagiging available para sa iyo.
  4. Mag-aral ng ibang kurso – bilang karagdagan sa iyong credentials, malaki ang maitutulong sa iyong career kung meron kang natapos na iba pang kurso. Halimbawang tapos ka na ng Civil Engineer eh tapos ka pa ng Electrical Engineer, aba eh saan pa pupunta yung mga nagpapakontrata kundi sa ‘yo? Hindi na sila maaabala maghanap ng iba’t ibang Engineer para sa proyekto nila. Ikaw lang, sapat nang punan ang mga pangangailangan nila.
  5. Mag-aral sa ibang bansa – pwede namang mag-aral sa ibang bansa nang libre basta qualified ka. Halimbawa sa Japan, sa Australia o sa Germany. Eh di namamasyal ka na, makakatapos ka pa ng pag-aaral sa ibang bansa, may allowance ka pang pwedeng ipunin galing sa foreign country. Grabe, ang lupet mo nun!
  6. Mag-aral habang nagtatrabaho – kung excited ka na magtrabaho, okay fine. Pero how about mag-aral ka habang nagta-trabaho? Pwede mo nang kunin yung matagal mo nang pangarap na course kung may pang-sustento ka na sa sarili mong pag-aaral. Pwede ka na rin mag-aral sa pangarap mong school (kung kaya ng budget). Makakatulong ang karagdagang edukasyon para madali kang makalipat sa greener pastures.
  7. Magpalipas muna ng ilang panahon at mag-aral muli – pwede kang magtrabaho muna, mamasyal muna, mag-asawa muna, etc. pero bumalik ka sa pag-aaral. Sa buhay naman eh lagi tayong nag-aaral kaya why not dagdagan na din ang iyong Educational background para lalo kang maging “sharp”? (Huwag natin gamitin yung word na “matulis”, iba yung meaning nun eh :D)

Sa lahat ng mga suggestion na nabanggit, nandun lagi ang pag-aaral. Kasi sa panahon ngayon, hindi na sapat ang elementary graduate, highschool graduate o college graduate. Hinahanap na ngayon sa ilang mga kumpanya ang mga may masteral degree. Balang araw siguro, ire-require naman ng mga kumpanya eh yung may PhD 😀

Of course, ang lahat ng ito ay mga suggestion lang naman.

Maraming mga College dropouts ang nagtagumpay sa buhay at tumiba ng limpak na limpak na salapi sa kanilang buhay. So, kagaya ng ibang mga desisyon sa buhay, ang karagdagang pag-aaral man eh isa sa mga diskarteng pwede mong subukan.

References:

Mga Tips sa Paggamit ng Facebook

Marami sa mga may account ng facebook (FB) ang parang hindi marunong gumamit ng facebook. Narito ang ilang mga tips sa paggamit ng facebook. Para maging kaaya-aya ang iyong experience pati na rin para sa iyong mga friends.

virtual friends versus actual

Una sa lahat, balikan natin ang kasaysayan ng FB. Ito ay nilikha ni Mark Zuckerberg sa Harvard nuong 1997 para sa isang school project at nag-evolve sa isang exclusive dating website para sa mga estudyante ng Harvard at nag-evolve sa pagiging isang 100 million dollar social networking website na umaabot na sa mahigit 1 billion users worldwide!

Whew, OKAY!

Well, wala naman talaga tayong pakialam kung sino mang Pontius Pilate ang umimbento ng FB at kung bakit niya ginawa ito.

Ang importante sa atin eh merong FB!

Marami sa ating mga Pilipino ang mahilig tumambay sa social media at ang FB ay isa sa mga pinakapopular na tambayan natin.

Unfortunately, kapag nag-login ka na sa FB, magkakanda-shock ka sa intimate information na pino-provide ng ilang mga users na hindi natin kilala at wala tayong koneksyon whatsoever.

Ilan sa mga nakita ko nang FB accounts ay kaya ko na siya gawan ng biography base lang sa dami ng impormasyong nakasiwalat sa buong daigdig na matatagpuan sa kanyang FREE FOR ALL TO SEE (!!!) na FB account.

So, heto ang ilang tips para bigyan naman ng konting privacy ang iyong online presence sa FB universe.

1. I-categorize ang iyong mga kaibigan

categorizing friends on fbAminin mo man o hindi, hindi mo naman talaga friend lahat ng friend mo sa FB. Kaya magiging wise para sa ‘yo kung i-categorize mo ang iyong mga friends. Madali na itong gawin sa FB ngayon.

I-categorize mo ang iyong mga family, close friends, acquaintances, classmates, church friends, co-workers, etc., etc., etc.

Hindi nila malalaman kung saang category mo sila inilagay kaya hindi mahu-hurt ang feelings nila kung hindi mo naman pala sila itinuturing na close friend kahit na close friend ang turing nila sa iyo 😀

2. Gamitin ang privacy settings

changing the fb privacy setting

Duon sa privacy settings mo maise-set kung sino ang mga pwedeng makakita sa profile mo. Hindi naman kasi komo may FB account ka eh ibubuyangyang mo na ang buong pagkatao mo sa buong daigdig ng laksa-laksang FB users.

Pinoproteksyunan ng privacy settings ang mga impormasyong available sa iyong account mula sa mga taong hindi nakakakilala sa iyo o hindi mo friend sa FB.

Pino-proteksyunan din nito ang profiles ng mga kaibigan mo sa FB para huwag makita ng ibang mga tao na wala namang kaugnayan sa inyo.

Unless na exhibitionist ka lang talaga at walang pakialam kung sino man ang makakita ng birthday, school, occupation, famiy members, address, telephone number at mga pictures mo eh hala sige larga lang. Sundin mo ang loob mo.

Wag ka lang magtaka kung balang-araw eh merong gumawa ng duplicate account mo at nagpo-post ng kung anu-anong kahindik-hindik na bagay patungkol sa ‘yo.

3. Gumamit ng alias

change name on fbOkay lang gamitin ang totoong pangalan para sa iyong profile sa FB para madali ka hanapin ng mga taong matagal ka nang walang connection with.

Pero maganda rin minsan na gumamit ng alias para proteksyon sa kabaligtarang dahilan. Para huwag kang makita agad ng mga taong humahanap sa iyo.

Ok na rin minsan yung totoong mga kaibigan mo lang ang nakakaalam sa profile account mo sa FB. That way, hindi mo na kelangan pa i-maintain ang pag-update sa category ng mga friends mo sa FB kung friend mo naman talaga sila lahat.

So kung gusto mong umiwas na ma-add ng mga taong ayaw mo maging friend sa FB, gumamit ng alias. Pero pag may nag-add pa rin naa ayaw mo maging friend sa FB, meron namang ignore. Meron ding block.

4. Huwag gamitin ang totoong picture

change fb profile picAgain, para lang lituhin ang mga hindi mo totoong kaibigan, huwag gamitin ang totoo mong picture para hindi ka agad i-add ng mga hindi mo kilala o ayaw mong maging friend sa FB.

When all else fails, merong ignore at block.

5. Piliin kung sino ang mga makakakita sa iyong mga post

choose who sees fb postMinsan hindi naman komo kaibigan mo eh ok lang na makita n’ya ang iyong mga post. HIndi rin naman lahat ng post mo eh gusto mong makita ng nanay mo.

Sa bagay na ito, dalawa lang ang pwede mo gawin: una, don’t post it in the first place. Pangalawa, kung di mo talaga matiis na huwag mag-post, piliin mo na lang kung sino ang mga makakakita ng post mong iyon.

Dito nakakatulong ng malaki kung naka-categorize ang mga friends mo sa FB.

6. Huwag mag-post ng picture ng loob ng inyong bahay

Dahil baka meron kang former classmate na kasalukuyan nang miyembro ng Akyat-Bahay Gang at pagnasaan ang inyong 42 inch flat screen tv. Mabuti na ang maging paranoid pero safe.

7. Huwag mong ilagay lahat ng detalye ng iyong pagkatao

Kung tinatamad kang mangutingting ng mga category-category, privacy-privacy setting ek-ek na yan, gawin mo na lang minimal ang impormasyon na inilalagay mo sa iyong FB profile.

Hindi ka naman naga-apply ng trabaho at hindi naman bio-data ang FB. Kaya hindi na importanteng isulat mo pa ang buong birthday, educational background, working experience at detalye ng mga dependents mo sa FB.

8. Huwag tanggaping friend ang hindi mo kilala

Para hindi ka mabiktima ng akyat-bahay at/o mga identity thieves at ayaw mo naman ayusin yung settings ng FB mo, i-add mo na lang na friend sa iyong FB ang mga totoo mong kaibigan.

Isama mo pa ang pamilya, mga kamag-anak, mga best-friend classmates at mga katrabaho mo, ok na yung may 20 kang friends sa FB.

Aanhin mo naman kasi yung 1500 friends sa FB? Buti sana kung namimigay ng pera si Mark Goldberg depende sa dami ng friends mo sa FB.

9. Huwag mag-share ng mga chain post na may sumpa, mapapanalunan, mala-himalang pagpapala o may kung anu-anong pagbabanta

Bukod sa good manners and right conduct ang hindi pag-send ng mga chain posts (na dating chain email, na dating chain letter), pinipigilan din nito ang mga spammers na mangolekta ng mga account ng FB users.

Ginagamit ng mga spammers ang mga nakokolektang user accounts para magpakalat ng spam advertisements or worse, destructive na mga digital virus.

At huwag kayong maniwalang mamimigay si Bill Gates o si Mark Gutenberg ng kanilang salapi dahil shinare ninyo yung post nung kung sinumang hinayupak na nagpapa-share ng post.

10. Observe Internet Etiquette: Think before you post

Okay, so walang kinalaman ito sa iyong online safety pero na-compel akong ilagay ito dahil alanganing tapusin ko ang listahan sa number 9 (bitin ‘di ba?). Gusto ko lang ipaalala na iba-iba tayong tao na may kanya-kanyang damdamin at kanya-kanyang pananaw sa buhay.

Kung gusto mong ipagyabang ang pinakabago mong Louis Vitton na private jet, isipin mo sa na marami sa mga makakabasa ng post mo ang hindi kasing-pinagpala mo.

Kung gusto mong manlait ng tao, isipin mo muna sana na baka maka-offend ka ng isang batalyong tribo na kamag-anak pala nung lalaitin mo.

Ipagpalagay na natin na pinagpala ka sa maraming bagay dito sa ating daigdig at ikaw lang ang tama mag-isip at kumilos sa buong kalawakan, hindi pa rin sapat na dahilan iyon para sabihin mo ang gusto mong sabihin kung kelan at kanino mo ito gustong sabihin.

Magpasalamat ka na lang sa ating Lumikha in private at huwag mo na lang ipangalandakan ang iyong kayamanan, katalinuhan at kaperpektuhan.

think before posting on fb
think before even liking…

So hayan, nakatulong sana ang mga tips na ito para mas maging kaaya-aya ang iyong experience sa paggamit ng popular na social media site na ito.

Mag-ingat, maging responsable at huwag masyado magbabad online!

Paano Gumawa ng Resume

Una sa lahat, sa mga hindi nakaka-alam kung ano ang resume (ré·su·mé: /ˈrezəˌmā/), paki-check na lang ang link na ito: What is a Resume?

Pangalawa sa lahat, sa mga hindi alam kung ano ang pagkakaiba ng bio-data, resume at curriculum vitae, tingnan ang larawan sa ibaba.

pagkakaiba ng bio-data, resume at curriculum vitae

At pangatlo sa lahat, kung ayaw mong gumawa ng sarili mong resume, punta ka dito: (link)

Okay, ayan nakatipid na ako ng oras sa pagsusulat. Focus na tayo sa kung paano gumawa ng sarili mong resume.

Ang paggawa ng resume ay hindi naman kailangang maging komplikado. In fact, habang sumi-simple ang resume, mas binabasa ito ng mga potential employers.

Narito ang mga dapat na maging laman ng iyong resume na karaniwang hinahanap ng mga employer:

  1. Sino ka
  2. Saan ka galing
  3. Ano ang kaya mong gawin

Gets? Okay.

Ngayon naman, himayin natin sila isa-isa.

SINO KA

Dapat mong ipaalam ang mga personal na bagay-bagay tungkol sa iyo kagaya ng iyong pangalan, picture (optional), home address, email address, phone number, purpose sa pag-apply ng trabaho, citizenship, gender, marital status at birthdate.

Siyempre para at least eh ma-imagine ng mga potential employers kung ano ang hilatsa ng iyong pagkatao at kung ano’ng klaseng stage ka na naroon sa buhay.

Wag ka na maarte, importante yun. Basta ilagay mo na lang. Sa resume pa lang, fini-filter na ng mga employer kung sino ang gusto nilang makausap o hindi. Kaya importanteng ipakilala mo ng mahusay ang iyong sarili sa pamamagitan ng iyong resume.

SAAN KA GALING

Bukod sa personal details at information, gustong malaman ng mga potential employer kung ano ang background mo. Gusto nilang malaman ang pinanggalingan mong edukasyon o karanasan sa trabaho.

Sa area na ito ng resume mo isusulat ang iyong pinanggalingang paaralan at kung ano ang pinag-aralan mo duon.

Kung may experience ka naman sa pagta-trabaho, gusto ring malaman ng mga employer kung ano ang mga kumpanyang pinanggalingan mo at kung anu-ano ang mga pinaggagawa mo dun.

ANO ANG KAYA MONG GAWIN

Achievements, accomplishments, seminars, lectures, certifications, accreditations, skills, special studies, etc., ay dapat mong ibida sa iyong resume.

Dapat malaman ng mga employer kung ano ang mga kaya mong gawin at kung mapapakinabangan ka ba nila sa kumpanya.

Narito ang ilang sample resume na pwede mong gamiting reference.

Reminder: USE COMMON SENSE! Makakagawa ka pa ng mas maganda pero simpleng resume kesa sa mga sample na nandito. Huwag mo ito kopyahin as it is.

Humingi rin ng tulong sa mga kilala mong magaling sa English. Yes, English only ang pagsusulat ng resume. Pero pwede mo ring isulat sa Tagalog at tingnan na lang kung ano ang mangyayari.

So, keep it simple, keep it concise. Gawin mong madali para sa iyong future employer ang pagbasa ng iyong resume.

Other useful references:

CY2015 ROSA Report at ang Karima-rimarim na Suweldo ng mga GOCC Officials

kahirapan sa pilipinas
mukha lang mahirap ang pilipinas pero mayaman talaga tayo, kokonti nga lang ang nakikinabang… (photo by: Alex Conrady)

Narito ang isang katibayan na hindi naman talaga naghihirap ang Pilipinas. Hindi lang ikinakalat ang yaman at iilang mga tao lamang ang nakikinabang.

Ang Commission on Audit (COA) ay naglabas ng kanilang 2015 Report on Salaries and Allowances (ROSA) ng ilang Government Officials kabilang na yung sa mga Government Owned or Controlled Corporations (GOCC).

report on salaries and allowances of government officials 2015

Ayon sa COA, ang report na ito ay:

2015 Report on Salaries and Allowances Received by Principal Officers and Members of Governing Boards of Government-Owned or -Controlled Corporations and of their Subsidiaries and by Secretaries, Undersecretaries, Assistant Secretaries  and Other Officials of Equivalent Rank of National Government Agencies

Ang report na ito ay for public consumption pero hindi masyadong pinapansin.

So, ano naman ang karima-rimarim dito?
Wait and see.

Makikita sa ibaba ang kinita ng ilang mga government officials para sa taong 2015 lamang (one year worth of income).

computation ng kinita ng mga govt officials
ito daw ang computation ng lahat ng kinita ng mga officials sa isang taon (coa.gov.ph)

Ayon sa COA, ang mga figures na ito ay:

The amounts herein listed are the grand totals of the salaries, allowances and other emoluments received by each official, the details of which can be found in Part VI – Details of Salaries and Allowances.

Pagkatapos mong makita ang mga suweldo ng mga taong ito, ikumpara mo iyon sa kung magkano ang lahat-lahat nang natanggap mo nang pera sa buong buhay mo.

Narito ang ilan lamang na listahan ng mga Ahensya at Officials nito na tumanggap ng limpak-limpak na salapi:

1. Development Bank of the Philippines

development bank of the philippines

2. Government Service Insurance System (GSIS)

government service insurance system

3. Bangko Sentral ng Pilipinas (BSP)

bangko sentral ng pilipinas

4. Securities and Exchange Commission (SEC)

securities and exchange commission

5. Land Bank of the Philippines (LBP)

land bank of the philippines

6. Social Security System (SSS)

social security system

Ikaw? Magkano ang lahat ng kinita mo nuong taong 2015? Php 500,000? Php 300,000? Baryang barya lang ‘yun sa mga taong ito.

Narito naman ang RANKING ng mga officials na nagkamal ng kasula-sulasok na halaga ng salapi nuong taong 2015 lamang:
government officials salary ranking 2015
partial list (click to enlarge)

Ano ang silbi ng mga taong ito sa buhay natin? Hindi natin alam.

Hindi rin natin alam kung ano ang trabaho nila at ano ang ginagawa nila para tumanggap ng ganung kalaking halaga ng pera pero ang alam natin, kayang kumita ng ganyang halaga ang mga tao sa ating Pamahalaan sa kabila ng kahirapan ng ating bansa.

Ilan lang na sample ang mga ‘yan. Marami ka pang makikita kung ida-download at babasahin mo ang buong report.

Pero sa kabila ng pagkalaki-laking kinikita ng mga posisyong ito taun-taon, madadagdagan pa ito lalo dahil sa batas na ipinatupad ng dating Pangulong Aquino na nagtataas sa suweldo ng mga GOCC Workers.

Pasensya tayo at walang konsensya ang mga Government Officials ng mga nakalipas na Administrasyon. Pero sana, may gawin ang kasalukuyang administrasyon tungkol dito.

Dear Food Establishments, Paki-control naman po yung mga langaw ninyo.

Dear food establishments na nakakabasa nito,

Kumakain po ba kayo sa kainan ninyo?

Convenient po kumain sa labas. Hindi na kailangang mamalengke, magluto, maghain, magligpit at maghugas. At kung medyo maganda-ganda ang kainan, sigurado malamig dun dahil air-conditioned.

Kaya lang, ang problema po sa maraming mga kainan ay LANGAW!
Kahit saan ka tumingin may langaw.

Langaw sa mesa.
Langaw sa sahig.
Langaw sa upuan.
Langaw sa pader.

At syempre, langaw sa pagkain!

Alam po namin na ginagawa ninyong lahat para sumarap ang pagkain ninyo at para maging ligtas ang mga kumakain mula sa food poisoning.

Pero kung hindi ninyo kokontrolin ang mga insekto sa mga kainan ninyo, pwedeng magkasakit ang mga parokyano ninyo kung hindi ninyo gagawan ng paraan yang mga insektong yan.

Lalo na nga ang mga langaw.

Alam ng marami na nagdadala ng mga mikrobyo at sakit ang mga langaw. Pero marami pa rin ang langaw sa mga kainan sa labas. Kasi, wapakels ang maraming kainan kung magkasakit man ang mga kustomer nito o hindi. Pero pwedeng tinatamad din lang magbugaw ng langaw yung mga staff.

Kung tinatamad po kayong magbugaw ng langaw, narito po ang ilang suggestion na pwede ninyong gamitin:

1. Electric insect killer

electric fly killer

2. Anti-insect scent repeller

hanging fly repellent

3. Anti-insect sticky mat

sticky mat trap

4. Electric racket bug killer

electric insect racket

5. Fly swatter

fly swat

6. Flame thrower

flame throwing

7. Dinamita

pampasabog

Sigurado lang po, kung mababawasan ang mga insekto, lalo na ang langaw sa kainan ninyo, dadami ang mga customer ninyo (except po kung gagamit kayo ng dinamita).

Gumagalang,

RP

***************************************

Disclaimer: Ang mga larawan po sa itaas ay hindi akin. Photos above belong to their respective owners.

Ang Nakakakilig na Unang Pagkikita ni Rody at Leni

Forget about Aldub, Jadine or Kathniel. Heto na ang tambalan na tataob sa lahat ng tambalan.

Sa wakas ay nagkita na rin ang dalawang pinakamataas na pinuno ng ating bayan. Ang ating pambansang Mommy at Daddy.

Matagal-tagal na rin naghintay ang mga tao na mag-meet finally ang dalawa at sa wakas ay nangyari na nga ang inaabangan ng marami.

‘Di ba? Ang cute nila together.

Mga Masasamang Ugali na Gusto Nating Mawala sa mga Government Workers

Change is coming na daw. At narito ang isang aspeto ng Pamahalaan na gustung-gusto na nating mabago agad.

Kung ikaw ay nakapunta na sa munisipyo o sa anumang ahensya ng gobyerno para maglakad ng required na dokumento para sa kung anong dahilan, hindi na lingid sa iyong kaalaman ang basurang serbisyo ng maraming government workers.

corruption garbage
ginagawang basura ng corruption ang mga taong sinasapian nito… (faq.ph)

Narito ang ilan sa mga masasamang ugali nila na gusto na nating mawala:

1. Late dumating, maagang umuwi

Kapag pumunta ka sa munisipyo, para kumuha halimbawa ng sedula, o kahit na simpleng application form lang, dapat ay dumating ka nang maaga dahil maraming nagpupunta sa mga government offices para mag-asikaso ng mga dokumento.

Madali mag-build up ang dami ng tao kaya dapat maaga ka pumunta sa mga government offices para mauna ka sa pila.

Pero ang problema, may mga government workers na late mag-umpisa ng trabaho.

Kahit pumila ka ng alas-6 ng umaga, hapon ka na matatawag dahil kung 8am ang start ng trabaho sa munisipyo, 9am pa lang darating ang government worker. Tapos, pagdating n’ya, maga-almusal muna yun atsaka magme-make-up (kung babae) at makikipag-kuwentuhan muna bago magtrabaho.

Kahit yung sinasabing no 12 noon break ay hanggang sa poster lang makikita dahil yung ibang mga ahensya, 11:30am pa lang ay nagtatanghalian na at 1:30 na ng hapon bumabalik para magtrabaho.

Wala silang pakialam kung may taong naghihintay sa kanila o wala.

Dumadami lang ng dumadami ang tao pero hindi nababawasan dahil hindi nagsisimula sa tamang oras ang ilang mga government workers natin sa Pilipinas.

Naaaksaya rin ang oras ng mga pumipila kapag maagang umuwi ang government workers. Alas-5 ng hapon ang tapos ng trabaho, pero 4pm pa lang, uuwi na sila or magme-meryenda na lang at hihintayin na lang dumating ang 5pm na hindi na nagtatrabaho.

2. Barumbado, walang modo, walang respeto, bastos, etc.

Kapag sinita mo ang mga government employee sa reject nilang trabaho, sila pa ang galit. Wala silang pakialam kahit galing pa sa buwis ng aplikante ang sweldo ng mga government workers na ito.

May nakita na ako dati sa POEA na sinisigawan yung aplikanteng OFW. Nakarinig na rin ako ng masama magsalita sa DFA.

At kapag marami na ang mga tao, nagiging iritado agad ang ibang mga government workers. Magtanong ka lang sa kanila, galit sila. Makaka-encounter ka ng ganyan kahit saang ahensya ng gobyerno natin. Basura na nga yung serbisyo, basura pa yung pag-uugali ng maraming government worker.

3. Tamad at mahilig sa petiks

Minsan, nung umuwi ako sa Pilipinas para magbakasyon, kitang-kita ko ang dalawang immigration officer na walang pakialam sa napakahabang pila sa kanilang harapan. Kuwentuhan lang sila ng kuwentuhan. May kanya-kanya na nga silang booth, nagagawa pa nilang magkuwentuhan.

Ganun din kapag kumukuha ng OEC, yung mga nasa POEA, OWWA at Pag-IBIG, kuwentuhan lang ng kuwentuhan yung mga staff. Hindi nila binibilisan ang trabaho, daldalan lang sila ng daldalan.

Ganyan din sa mga munisipyo, mapa-Police Clearance o Mayor’s Permit ang kukunin mo, makikipag-daldalan muna yung government worker sa mga kasamahan niya bago ka asikasuhin.

4. Matakaw sa pera

Punta ka sa LTO o kaya sa Bureau of Customs o kaya sa pagbabayad ng amilyar sa lupa. Makikita mo duon na wala sa kung sino ang nauna sa pila ang unang inaasikaso.

Inaasikaso nila kung sino ang nagbigay ng suhol para unahin yung papeles nila. Kaya wag kang umasang matatapos agad sa nilalakad mo kung marami kang kasabay na nanunuhol.

5. Walang common sense

May mga government agencies talaga na hindi nag-iisip ng paraan para mapadali ang trabaho nila o para pagaanin ang buhay ng mga aplikante.

Sa ilang government offices kagaya ng SSS, NBI at LTO, hindi nila ibinibigay ang telephone number nila para ma-check mo kung available na yung papeles mo o hindi pa. Ang gusto nila, iwan mo yung trabaho mo, magbyahe ka papunta sa opisina nila at dun ka magtanong mismo kung available na yung inapply mong papeles na isang taon mo nang hinihintay ma-release.

Tapos papaghihintayin ka ng isa hanggang tatlong oras bago ka makapagtanong. Kung hindi pa nila natapos yung dokumentong nilakad mo eh di sori ka na lang.

Problema rin yung hindi sila naglalagay ng satellite offices ang ilang mga government agencies sa mga probinsya. Magbibyahe ka pa galing sa malayo papuntang Maynila para lang lakarin yung simpleng dokumento.

6. Hindi chini-check ang accuracy ng mga impormasyong ibinibigay ng aplikante

Yung mga government workers ang dapat nakaka-alam sa tamang laman ng application form na ipapapirma nila sa ‘yo pero may mga pagkakataon, hindi alam ng mismong mga government workers kung ano ang tamang impormasyon na dapat mong ilagay sa kanilang form.

Ganyan ang mararanasan mo sa Bureau of Customs at sa DENR kapag kumukuha ka ng permit. Minsan, kahit mali-mali ang ilagay mong impormasyon, makakakuha ka ng permit kasi hindi naman nila chine-check. Ang itsi-check lang nila ay kung nagbayad ka o hindi.

Hindi mo tuloy alam kung ano ang tamang dapat isulat dahil wala namang nagko-korek sa iyo at kahit magtanong ka sa kanila, iba-iba ang sagot nila.

Basurang ugali, basurang serbisyo.

Kung irereklamo natin lahat ng mga dispalinghadong government workers sa Pilipinas, at iisa-isahin natin silang ipatanggal, baka wala nang matirang government employee sa ating bansa dahil halos lahat ng government agencies ay merong mga government workers na basura ang pag-uugali at basura ang klase ng pagtatrabaho.

Pero gusto nila, taasan pa ang sweldo at mga benepisyo nila.

Get to Know More About Leni and Rody

Mga karagdagang kaalaman tungkol kay Pres. Duterte at VP Robredo – RP

***************************

GETTING TO KNOW YOUR NEW LEADERS: President Rodrigo Duterte and Vice President Leni Robredo
by M2.0 Communications

GETTING TO KNOW YOUR NEW LEADERS: President Rodrigo Duterte and Vice President Leni Robredo

M2Comms is a PR agency in the Philippines. You can visit their website here.