Tag Archives: Pilipinas

Mas Masaya sa Pilipinas (Part 2 of 4)

Ang pangangailangan na i-rehab ang ating bansa ay hindi problema na lumitaw dahil sa bagong administrasyon.

Matagal na itong dapat ginawa ng mga nakalipas na pinunong hinalal natin. Matagal na nating dapat ginawa ito sa bansa natin (aminin man o hindi, involved tayong mga mamamayan sa prosesong ito).

Ako po ay isang OFW na mahigit 10 taon na ring nagta-trabaho sa Lupain ng Umaangat na Araw (Japan) at umuuwi sa ating bansa tuwing may pagkakataon (na makaipon ng perang napakabilis maubos sa Pilipinas) .

Nakarinig na rin ako ng iba’t ibang mga impression ng mga hapon sa ating bansa.

Merong gustung-gusto ang Pilipinas, merong delikado ang nabuong impression batay sa pagbisita nito sa Pilipinas, merong ni ayaw magtangkang pumunta sa Pilipinas.

Merong mga documentary minsan sa tv na ipinapalabas sa Japan kung saan ipinapakita kung gaano kahirap ang buhay ng ilang tao sa Pilipinas.

Ang Payatas na yata ang naging National Symbol for Poverty ng Pilipinas. Pwede na itong ituro sa paaralan na Pambansang Simbolo ng Kahirapan. Ito kasi lagi ang ipinapakita sa tv kapag kalagayan ng Pilipinas ang topic ng documentary. Yung mga tambak ng basura, mga nagbabasurang bata, pagkain nilang asin lang at kanin.

Kaya nga merong nagtanong na Hapon sa akin dati, “Mahirap bang bansa ang Pilipinas?”. Meron pang nagtanong sa akin, “Ano’ng ginagawa ng pamahalaan para sa mga taong ito?”. Gandang mga tanong, ‘no? Mas mahirap pa sa mga tanong sa Miss Universe contest. Ginugulo ko na lang ang usapan para malimutan nila yung tanong.

Mahirap itatwa ang obvious at nakikita sa national tv ng Japan. Baka pati sa ibang bansa ay ganito din ipino-portray ang Pilipinas kaya hindi natin maitatago ang mga eksena ng kahirapan sa bansa natin.

Meron din namang mga travel shows na ipinapakita ang magagandang beach sa ating bansa at nakaka-engganyo talaga sa mga Hapon na magpunta sa Pilipinas.

Gaya nung katrabaho kong Hapon na gustung gusto ang Boracay, tinanong n’ya rin ako dati, “Bakit ang daming mahirap sa Pilipinas?”

Ano ang nais kong ipaabot sa blog post kong ito? Hindi ko alam, nalimutan ko na. Ayoko na lang i-delete dahil nag-aksaya na ako ng oras sa pag-type nito.

(Itutuloy…)

Advertisements

Mas Masaya sa Pilipinas (Part 1 of 4)

Hindi ako expert, hindi rin ako nag-aral sa mga sikat na paaralan ng Maynila (pero nag-aral naman ako sa sikat na paaralan sa probinsya namin, o ha?)

Siguro para sa mga expert at mga matatalinong tao sa likod ng ating pamahalaan eh importanteng importante na mapalago ang turismo sa Pilipinas. Pero para sa isang pangkaraniwang tao na mahilig mag-internet kagaya ko, parang may mas maganda pang dapat i-prioritize at asikasuhin ang ating bansa.

Sariling tanong ko lang naman kung bakit hindi rin gumugugol ng malaking halaga ang ating pamahalaan sa pagpapabuti ng peace at order? Dahil kaya mas mahirap gawin yun?

Sana kung gaano ka-agresibo ang Department of Tourism sa pag-anyaya ng mga dayuhan sa bansa eh ganun din ka-agresibo ang mga awtoridad sa pagpapababa ng karahasan sa bansa natin.

Isa pang bagay na nai-imagine ko sa bansa natin eh para itong babaeng maraming personal na problema. Dinadaan na lang n’ya sa make-up at magandang (o seksing) pananamit ang sarili para makaakit ng mga tao. Pero pag nakilala na s’ya lalo ng taong inakit n’ya eh iiwan din s’ya dahil matutuklasan ang tungkol sa mga personal issues n’ya.

Bakit hindi muna magpa-rehab ang babaeng ito? Pag ayos na s’ya eh totoong magugustuhan na s’ya ng mga tao sa kung sino s’ya. Hindi n’ya siguro ito gagawin dahil mas mahirap gawin yun, mas magastos o nakakatamad gawin.

Hindi pa ako nakapunta sa New Zealand at wala pa akong nakitang advertisement na humihikayat sa mga banyaga na magpunta dun. Pero kung papalarin akong magkamal ng limpak limpak na salapi (sa legal na paraan) eh isa ang New Zealand sa mga bansang una kong pupuntahan para pasyalan.

Ang ganda kasi ng image n’ya. Parang tahimik at maraming magagandang tanawin at masasarap na pagkain. Gaya ng cheese, ice cream, yogurt, lamb chops (punas laway)

Bakit kaya hindi muna i-rehab o i-make over ang bansa natin para gumanda rin ang image natin? Mahirap kaya yun? Imposible kaya? Masyadong matagal? Magastos? Matrabaho? Nakakatamad gawin?

Hmm, gusto ko tuloy makatikim ng Cadbury chocolates…

(Itutuloy…)

Turismo

Bilib ako sa optimism ng Department of Tourism (DoT). Malupet ang misyon nilang ibenta ang Pilipinas (figuratively speaking) sa buong mundo pero hindi sila umaatras. Palaban sila.

Sa kabi-kabilang batikos at pagpuna sa mga idea ng DoT, sumuko na dapat ang mga miyembro nito at inamin sa kanilang mga sarili na nag-aksaya lang sila ng panahon at pera.

Pero andyan pa rin sila at ipinagpipilitang maganda sa Pilipinas at mas masaya dito kesa kahit na anong bansa sa mundo.

Paano kaya nila nagagawa ‘yun?

Wala akong idea sa kung paano nila napapanatili ang mataas na level ng positiveness at determinasyon nila, pero kung naging staff siguro ako ng DoT (at pinangakuan ng pagkalaki-laking sweldo) para i-promote ang bansa, ganito ang mga gagawin ko para ma-motivate:

1. Tuwing gigising sa umaga, uulit-ulitin kong sambitin ang mga katagang:
“Maganda sa Pilipinas”, “The Best ang Pilipinas”, “Ang SAYA SAYA sa Pilipinas”

2. Hindi ako magbabasa, manonood o makikinig ng balita (kahit 10sec flash report, bawal!)

3. Manonood ako araw-araw ng mga video footage ng magagandang beach sa Pilipinas

4. Titira ako malapit sa office para hindi marami ang makita kong mga tanawin sa kalsada araw-araw

5. Mga kapwa ko lang staff sa DoT ang kakaibiganin ko para makaiwas sa discouragement

6. Bago matulog sa gabi, uulit-ulitin kong sambitin ang mga katagang:
“Maganda sa Pilipinas”, “The Best ang Pilipinas”, “Ang SAYA SAYA sa Pilipinas”

7. Magbabakasyon once a month sa isang mayamang bansa at mag-imagine na Pilipinas ‘yun

Yun siguro ang mga gagawin ko.

Kasi para maging successful ako sa pag-promote ng anumang produkto, dapat kumbinsido rin ang sarili ko na totoo ang mga sinasabi ko. Kung alam kong hindi totoo ang mga sasabihin ko, kelangan ko munang i-brain wash ang utak ko.

Humahanga ako sa determinasyon ng Department of Tourism at sa lahat ng efforts nito. Panahon lang ang magsasabi kung ano’ng magiging resulta ng kanilang mga pagsisikap.

Pero para sa akin at sa iba na rin sigurong mga Pilipino, ang pag-aatas ng Pamahalaan sa DoT na humikayat ng maraming turista sa ating bansa ay kagaya nung drawing sa itaas: isang problemadong owner ng kainan na nag-uutos sa inupahang seksing promoter na maghakot ng customer.

Kasalukuyang Gabinete ng Pangulo

July 2016 Update: Narito ang bagong set ng mga Gabinete ng bagong Pangulo ng Pilipinas

=====================================================

Narito ang listahan ng kasalukuyang mga myembro ng gabinete ng Pangulong Duterte. Para sa mga kalihim ng iba’t ibang kagawaran, pumunta sa link na ito: Mga Kagawaran at Kalihim ng Pamahalaang Pilipinas

Cabinet Secretary
Leoncio “Jun” Evasco Jr.

Executive Secretary
Salvador Medialdea

Presidential Communications Operations Office Secretary
Martin Andanar

Presidential Spokesperson
Ernesto Abella

Presidential Legal Counsel
Salvador Panelo

National Security Adviser
Hermogenes Esperon Jr.

Presidential Assistant for the Visayas
Michael Diño

Special Assistant to the President/
Presidential Management Staff chief
Christopher “Bong” Go

Land Transportation Office (LTO) Head 
Edgar Galvante

Presidential Adviser on the Peace Process
Jesus Dureza

National and Economic Development Authority (NEDA) Director General
Ernesto Pernia

Presidential Security Group (PSG) Commander
Col. Rolando Bautista

Armed Forces of the Philippines (AFP) Chief
Lt. Gen. Ricardo Visaya

Philippine National Police (PNP) Director General
Gen. Ronald Dela Rosa

Bureau of Immigration (BI)
Jaime Morente

Philippine Drug Enforcement Agency (PDEA) Head
Isidro Lapeña

National Intelligence Coordinating Council (NICC) Chief
Alex Monteagudo

National Bureau of Investigation (NBI) Chief
Director Dante Gierran

Solicitor General
Jose Calida

National Disaster Risk Reduction & Management Council (NDRRMC) Chief
Ricardo Jalad

Bureau of Customs (BOC) Chief
Nicanor Faeldon

Bureau of Internal Revenue (BIR) Commissioner
Cesar Dulay

Land Transportation Franchising and Regulatory Board (LTFRB) Chairman
Martin Delgra

Philippine Amusement and Gaming Corporation (PAGCOR) Head
Andrea Domingo

Bureau of Corrections (BuCor) Director General
Alexander Balutan

Commission on Higher Education (CHED) Commissioner
Prospero “Popoy” de Vera III

Reference:
http://www.gov.ph/about/gov/exec/bsaiii/cabinet/
http://www.pcoo.gov.ph/dir-op.htm

Mga Konstitusyon ng Pilipinas

Kasalukuyang Konstitusyon ng Pilipinas:

Ang Konstitusyon ng 1987 ay inaprubahan ng 1986 Constitutional Commission nuong Oktubre 12, 1986. Ito ay hinatid kay dating Pangulong Corazon Aquino nuong Oktubre 15, 1986 at niratipika nuong Pebrero 2, 1987. Ipinahayag at ipinatupad nuong Pebrero 11, 1987.

Mga nakalipas na konstitusyon ng Pilipinas:

1. Ang 1899 Malolos Constitution
Inaprubahan ng Malolos Congress nuong November 29, 1898, isinauli ni dating Pangulong Aguinaldo nuong Disyembre 1, 1898 para maamyendahan subalit tinanggihan ng Kongreso; inaprubahan ng Pangulong Aguinaldo nuong Disyembre 23, 1898; ipinatupad nuong Enero 21, 1899.

2. Ang Philippine Organic Act of 1902
Isinabatas ng United States Congress nuong July 1, 1902

3. The Jones Law of 1916
Isinabatas ng United States Congress nuong Agosto 29, 1916.

4. Ang 1935 Constitution (Unang Bersyon)
Inaprubahan ng 1934 Constitutional Convention nuong Pebrero 8, 1935 at inayunan ng Pangulo ng Amerika nuong Marso 25, 1935, at niratipika sa pamamagitan ng plebisito nuong Mayo 14, 1935.

5. 1935 Constitution (Inamyendahang Bersyon)
Inamyendahan nuong Hunyo 18, 1940 at nuong Marso 11, 1947.

6. Ang 1943 Constitution
Inaprubahan ng Preparatory Committee on Philippine Independence nuong Setyembre 4, 1943 at niratipika ng KALIBAPI Convention nuong Setyembre 7, 1943.

7. Ang 1973 Constitution (Unang Bersyon)
Hinatid ng 1971 Constitutional Convention ang draft kay dating Pangulong Marcos nuong Disyembre 1, 1972; niratipikahan ng Citizens’ Assemblies nuong January 10-15, 1973. Ipinahayag at ipinatupad nuong Enero 17, 1973.

8. Ang 1973 Constitution (Inamyendahang Bersyon)
Inamyendahan nuong Oktubre 16-17, 1976, Enero 30, 1980, at Abril 7, 1981.

9. Ang 1986 Freedom Constitution
Ipinasinaya sa pamamagitan ng Presidential Proclamation nuong Marso 25, 1986.

Reference:
http://www.gov.ph/the-philippine-constitutions/