Tag Archives: pulitika sa pilipinas

‘Tis the Season for the Mahihiraps to be Jolly

kahirapan sa bansa
kuha mula sa inquirer.net

Maligayang pagli-labor sa ating lahat ngayong Labor Day.

At dahil nga election season na naman, bida na naman ang mga manggagawa at lalo na ang mga mahihirap. Mahal na naman tayong lahat ng mga pulitiko. Ang kapakanan na naman natin ang focus (daw) ng mga platapormang inilalatag ng mga kandidato.

Marami na namang posters, tv ads, radio ads at newspaper ads na nagpapakita ng mga kandidatong may yakap na mahirap, may tinutulungang mahirap, may dinadalaw na mahihirap o nakikikain kasama ang mahihirap.

Bigla-bigla na lang, mahirap din daw sila. Nabuhay din daw sila sa hirap. Lumaki din daw sila sa hirap.

Makakarinig na naman tayo ng mga pangako ng pagbabago, ng mga pangakong gaganda na at giginhawa ang ating buhay basta iboto lang natin ang pulitikong nagmamaka-awa sa boto natin.

Mae-entertain na naman ang mga dukha sa pagsayaw-sayaw at pagkanta-kanta ng mga pulitiko at celebrity endorsers.

Busog na naman ang mga gutom sa mga libreng pagkain at give-aways na ipinamimigay ng mga pulitiko tuwing campaign period at miting-de-avance.

May dagdag panggastos na naman ang mga kapuspalad kapag nabigyan sila ng mga galanteng pulitiko sa kanilang pangangampanya.

Pero pagkatapos ng eleksiyon, pagkatapos ng resulta, pagkatapos ng panunungkulan, pagkatapos ng lahat-lahat, ano kaya ang mangyayari?

Sa kasawing-palad, sa bandang huli, ang mga mahihirap ay mahirap pa rin.

Hangga’t patuloy na magpapa-uto tayo at maniniwalang nasa pulitiko nakasalalay ang paggaan at pag-asenso ng ating buhay, sisiguraduhin lamang ng mga pulitikong ito na ang mga mahihirap ay manatiling mahirap. Forever.

kahirapan sa pilipinas
kuha mula sa philstar.com
Advertisements

Para sa mga Ayaw na Bumoto

Sa mga tinatamad bumoto tuwing taon ng halalan.

Sa mga ayaw nang bumoto. Sa mga sawa na bumoto. Sa mga hindi na boboto kahit kelan.

Please reconsider. At least hanggang 2016 man lang.

Marami tayong dahilan kung bakit ayaw na nating bumoto. Ako man ay wala nang gana bumoto dati. Isa sa mga dahilan natin ay ang hindi natin nakikitang pagbabago sa klase ng pagpapatakbo sa bansa natin (na hindi na rin masama for starters).

Bakit pa tayo boboto kung wala namang nangyayaring pagbabago? Bakit pa tayo boboto kung puro kabulastugan lang ang ginagawa ng mga kumakandidato? Bakit pa tayo boboto kung dadayain lang naman ang boto ko? Bakit pa ako boboto kung hindi rin naman mananalo yung iboboto ko?

‘Yang mga dahilan na ‘yan kung bakit ayaw nating bumoto ang siya ring mga dahilan kung bakit tayo dapat bumoto.

Wala akong nakuhang data kung ilan ang mga Pilipinong nasa voting age ang hindi bumuboto. Pero sa tingin ko eh marami. Maraming marami. Baka by the millions pa.

Mas marami pa akong kilalang hindi boboto kesa sa mga alam kong boboto.

Dinggin, I mean, basahin po ninyo ang aking argumeto sa kung bakit mahalaga pa rin ang boto natin.

Bakit gagastos ng 100 to 5000 pesos kada boto sa vote buying ang mga kandidato? Bakit sila namimigay ng pameryenda at tip sa mga naga-attend ng miting de avance? Bakit sila magsasasayaw at magkakakanta sa entablado ng walang kapararakan para lang mang-uto ng mga tao?

Dahil bumibilang pa rin siguro talaga ang ating mga boto. Dahil mas madali pa rin siguro para sa kanila na engganyuhin ang mga tao na iboto sila kesa manipulahin ang resulta pagkatapos makaboto ng mga tao.

Kung magde-decide tayo na hindi boboto hangga’t hindi nila inaayos ang Pilipinas, baka hindi na tayo makaboto kahit kelan…hangga-hangga habambuhay.

Para na rin natin sinabing hindi tayo gagawa ng mabuting bagay hangga’t hindi tayo nagiging banal at mabait. Hindi po iyon mangyayari kahit kelan.

I-konsidera po natin ang dalawang extreme examples na ito:

LAHAT NG TAO AY HINDI BOBOTO SA PANINIWALANG WALA RIN NAMANG PAGBABAGO…

…versus…

…LAHAT NG TAO AY BOBOTO REGARDLESS KUNG ANO ANG RESULTA

Alam na natin ang mga posibleng implikasyon ng bawat isa sa mga pamamaraang ito. ‘Yung isa, zero chances of change, yung isa, kahit paano may tsansa.

Sa ating bansa, ang nakapangyayari ay ang boto ng mga taong tinatawag nating BOBOTANTE, masang WALANG ALAM, mga taong HINDI NAG-IISIP at mga UTU-UTO.

Pero tawagin man natin sila ng kung anu-ano at murahin man natin sila ng murahin, sila pa rin ang mga nagpaparehistro. Sila pa rin ang mga matyagang bumuboto tuwing halalan.

Ang boto ng mga taong ito na kung tawagin natin ay BOBO, MANGMANG, WALANG ISIP at UTU-UTO ang siyang nabibilang. Sila ang namimili kung sino ang magpapatakbo sa Pamahalaan natin. Sila ang nagdedesisyon sa kinabukasan ng bansa natin. Sila ang nagiging identity ng ating pagiging Pilipino.

Tayong MATATALINO, tayong mga NAG-IISIP, tayong mga MAY MALASAKIT sa bayan, tayong mga NAKAKA-ALAM kung sino ang dapat at hindi dapat na mamuno sa atin, TAYO ANG HINDI BUMUBOTO!

Tayo ang nagtataka kung bakit bobo mamili ang mga Pilipino. Tayo ang unang-unang nagpupunta sa social media para murahin ng murahin ang mga siraulong botante at tuligsain ang mga mamamatay tao at magnanakaw na gumagahasa sa ating bansa ng maraming taon!

Tayo ang matatalino, tayo ang may malasakit, tayo ang mga nakaka-alam. Kung ganun, tama lang na tayo din ay dapat bumoto. Tama lang na mabilang din ang boto natin.

Aminin man natin o hindi, marami pa ring improvement ang kailangan ng bansa natin. At sa mga kaedad ko at mas matanda pa sa akin, baka lisanin natin ang daigdig na ito na hindi na nakikita ang pinapangarap nating Pilipinas. Nakaka-depress pero posible.

Tapos mag-iiwan pa tayo ng kultura sa mga susunod na henerasyon na huwag bumoto sa paniniwalang wala rin namang magbabago.

Isang destructive legacy ito na maiiwan natin sa mga kabataan.

Kung paanong naimpluwensiyahan tayo ng sinundang henerasyon, iimpluwensyahan din natin ang mga susunod na henerasyon.

May magagawa tayong mabuti para sa bansa natin kahit hindi tayo magkaroon ng posisyon sa Gobyerno. Pero mas malawak pa rin ang kabutihang magagawa kung mailuklok natin sa kapangyarihan iyong sa tingin natin ay karapat-dapat sa puwesto.

Hindi ako makakaboto ngayong 2013. Pero kung loloobin ng Poong Maykapal na mabuhay pa ako sa 2016, sisiguraduhin kong makapagparehistro at bumoto.

Sa mga ayaw na bumoto, please reconsider.

Malamang madismaya na naman tayo sa resulta ng eleksyon ngayong 2013 kaya bawi tayo sa 2016. For what it’s worth, bumoto na po tayo.

Related Articles:

Hindi Ako Boboto Ngayong 2013

Actually nung 1998 election pa ako last na bumoto. Hindi ko na na-update ang voter’s registration file ko mula nung naging OFW ako noong 2001 (baka may iba nang gumagamit sa voter’s identity ko ngayon).

So, mula 2001 hanggang 2010 elections ay hindi na ako bumoto pa ulit.
At hindi ako naging apektado. (Sa English, “I did not turn into affected.”)

Hindi na ako interesado bumoto mula noon.
Wala rin namang kwenta ang akala ko.
Nagrereklamo na lang ako ‘pag may mga iskandalo sa mga hinalal na pulitiko.

Kelan ko lang natanggap ang kahalagahan ng pagboto.

Oo nga naman. Pumapatay ng tao, magsisinungaling, manloloko, gagamit ng ninakaw na pera ang mga tiwaling pulitiko para makakuha ng boto.

In other words, masunog na ang kaluluwa nila sa impyerno, magkamit lang ng boto.

May kapangyarihan pa rin pala talaga ang boto ko…ang pinagsama-samang boto natin.

newzaroundus philippine elections 2010
eksena nuong 2010 elections…(newsaroundus.com)

Na-inspire ako sa mga bumoto noong 2010 na matyagang pumila, tiniis ang init, naghintay sa kung anu-anong delays at problema sa mga voting precincts gawa ng bagong sistema ng pagboto.

Nagtyaga sila noong nagpaparehistro pa lang at matyaga rin silang bumoto sa araw ng halalan.

Bumoto sila.
Nag-ambag sila sa pagbabago.

Ako, hindi.
Nagmamatyag lang ako kung ano ang mairereklamo.

Kaya ngayong 2013 ay ginusto ko bumoto.

Pero hindi pala pwede.
Dahil hindi ako nagparehistro.

Overseas absentee voting ang tsansa naming mga OFW para makaboto.
Pero hindi ako nagparehistro.

Wala akong magandang excuse.

Patawad po…

Sa buong Japan ay dadalawang lugar lang ang pwedeng puntahan para makapagparehistro. Yung isa ay halos 140km mula sa kinaroroonan ko, yung isa naman ay halos 640km.

Hindi gaya ng bansang Amerika, walang Registration by Mail system ang Philippine embassy sa Japan. Ewan ko sa ibang bansa, pero kelangan personal kang magpunta sa embassy sa Japan para lakarin ang pagpaparehistro.

Kung nag-leave ako ng isang araw sa trabaho at gumastos ng humigit kumulang 3000 pesos para magpunta sa embassy, nakapagpa-rehistro sana ako.

Pero hindi ako nagparehistro.

Hindi rin nagpaparehistro tuwing mayroong eleksyon ang daan-daang libong mga OFW na malalayo ang kinaroroonan sa Philippine embassy.

Sayang na mga boto.
Sayang na mga pagkakataon para maghalal ng pinuno.
Sayang na mga ambag sa pagbabago ng ating pamahalaan.

Dahil ‘di ako boboto ngayong 2013, heto ang ilan pang mga hindi ko gagawin sa susunod na tatlong taon:

♦ Hindi ko tutuligsain sa social media ang mga mananalo sa national elections
(anyway, who naman me to make tuligsa-tuligsa them?)

♦ Hindi ko babatikusin ang mga bumoto sa mga hindi ko gustong pulitiko
(at least bumoto sila, eh ako? nganga!)

♦ Hinding hindi ko na palalagpasin ang pagpaparehistro para sa 2016 elections

Samantala, sa mga susunod na tatlong taon ay heto ang aking personal resolution para makagawa pa rin ng mabuti para sa ating Inang Philippines:

♦ Ipagpatuloy ang blog na ito at magpost ng mga akdang kapaki-pakinabang
♦ Gampanan ang mga responsibilidad ko bilang OFW (remittances, government fees, taxes, etc.)
♦ Siguraduhing makapagpa-rehistro sa susunod na eleksyon

Ganun.

Sa lahat ng mga nakapagparehistro, please bumoto po kayo at please vote wisely.

Sa ating pamahalaan, sana ay magawan n’yo ng paraan para mapabuti ang paraan ng pagpaparehistro at pagboto ng mga Pilipino na nasa ibang bansa.

Siya nawa.

Gabay sa Matalinong Pagpili ng Iboboto

Gumala ako sa internet para maghanap ng gabay sa pagpili ng iboboto na nakasulat sa sarili nating wika pero wala akong nakita…kaya heto’t gumawa ako. Makatulong sana sa mga botanteng Pinoy ang mga simpleng gabay na ito.

Mga Gabay sa Matalinong Pagpili ng Iboboto

1. Alamin ang mga isyung mahalaga sa iyo

RH Bill, diborsyo, human rights, government transparency, katiwalian, kahirapan, unemployment, gun violence, mataas na crime rate, rural area development, pagkaubos ng kagubatan, polusyon sa kapaligiran, etc., etc., etc.

Magdesisyon kung ano ang usaping dapat bigyan ng pansin para sa iyo.

2. Gumawa ng listahan ng mga kandidatong napupusuan

Batay sa kanilang plataporma at paninindigang mahalaga sa iyo, gumawa ng listahan ng mga posibleng iboto.

3. Kilalanin ang iyong mga kandidato

– mag-attend ng meeting de avance
– panoorin ang kanilang debate at public discussion
– tingnan ang kanilang handouts
– panoorin ang mga non-partisan tv shows, radio shows, online sites na nagpapakilala sa kandidato
– bisitahin ang kanilang website o fan page

4. Makibalita sa background ng iyong kandidato

– isa-alang-alang ang mga puna/batikos ng ibang tao sa iyong kandidato
– alamin ang leadership background o karanasan sa pamumuno at/o performance ng kandidato
– ikonsidera ang sektor ng lipunan, pamilya o industriya na pinagmulan ng kandidato

5. Repasuhin ang listahan ng mga posibleng kandidato

Batay sa iyong mga nakalap na impormasyon, salain ang mga kandidatong nararapat sa iyong boto.

6. Bumoto

Sayang ang lahat ng paghahandang gagawin mo kung makakalimutan mong bumoto sa takdang araw.

Kumpara sa ibang bansa, mapalad pa rin tayong mga Pilipino sa pagkakaroon ng karapatang pumili ng mga taong magpapalakad ng ating pamahalaan. Huwag nating ipagwalang-bahala ang kalayaang ito.

halalan sa pilipinas
mula sa facebook page ng kaya natin!…

References:
SmartVoter.org
Mahalo.com
WikiHow.com

Anti-Political Dynasty Law? Asa Ka Pa!

Napanood ko ang napakagandang topic sa Failon Ngayon nuong October 20, 2012 tungkol sa mga Political Dynasties sa Pilipinas.

Nabanggit ni Ted Failon sa huli na bagamat merong bill na ginawa para pigilan ang paglaganap (pa lalo!) ng Political Dynasties eh matatagalan pa bago ito maisabatas dahil parang pumulot ng batong ipupukpok sa sarili nilang ulo ang mga mambabatas kapag ipinasa nila ang bill na ito.

Nasabi tuloy ni Ted Failon, “Maaaprubahan ba ang Anti-Political Dynasty Bill? Asa ka pa!” (actually, nalimutan ko na ang eksaktong mga salita, pero parang ganito 😀 )

political families ng pilipinas
The family that runs together, stays (in power) FOREVER

Ayon sa 1987 Constitution, Article 2, Section 26

Dapat seguruhin ng Estado ang pantay na pag-uukol ng mga pagkakataon para sa lingkurang pambayan, at ipagbawal ang mga dinastiyang politikal ayon sa maaaring ipagkahulugan ng batas.

(Source: 1987 Konstitusyon ng Pilipinas)

Pero dahil wala pang batas na nagbibigay kahulugan sa salitang “Political Dynasty”, walang pumapansin sa artikulong ito (kundi tayo 🙂 )

Ang House Bill No. 3413 o Anti-Political Dynasty bill na inihanda ni Cong. Teddy Casiño ay sumasaklaw mula sa Pangulo ng bansa hanggang sa Sangguniang Kabataan level. Ipinanukala ang bill nuon pang October 4, 2010 and my golly gee, 2 years na ang nakalipas, bill pa rin ito na pinagpepyestahan lang ng mga langaw.

Samantala, ang House Bill 5808 na ipinanukala nuong February 9, 2012 ay naaprubahang batas agad nitong September 12, 2012 (in 7 months!) at kilala na ngayon bilang Cybercrime Prevention Act of 2012 (RA 10175).

Sa mga napanood kong interview sa tv at nabasang balita sa internet, ang mga myembro ng political dynasty ay may pare-parehong sagot:

1. Hindi kami political dynasty
(kahit buong mag-anak silang nanunungkulan sabay-sabay)

2. This is our destiny
(wala na palang free will ang tao)

3. Wala namang masama sa political dynasty
(kapag na-corner na sila)

Kung nagmukhang summary ng episode ng Failon Ngayon tungkol sa political dynasty ang post na ito, tama ka, parang ganun na nga ito 😀

References:

Related Articles:

Ang Mga Senatoriables

Nov. 24, 2012 Update – Narito ang final na listahan ng mga kakandidatong senador na inaprubahan ng Comelec para sa eleksyon sa 2013.

Akbayan Party

1 Risa Hontiveros-Baraquel

Ang Kapatiran Party

2 John Carlos de los Reyes
3 Marwil Llasos
4 Rizalito David

Democratic Party of the Philippines

5 Baldohero Falcone
6 Christian Señeres
7 Greco Belgica

Independent

8 Edward Hagedorn
9 Francis Escudero
10 Grace Poe
11 Ramon Montaño
12 Ricardo Penson

LDP-Laban

13 Juan Edgardo Angara

Liberal Party

14 Bam Aquino
15 Jamby Madrigal
16 Ramon Magsaysay, Jr.

Makabayang Koalisyon ng Mamamayan

17 Teodoro Casiño

Nacionalista Party

18 Alan Peter Cayetano
19 Antonio Trillanes IV
20 Cynthia Villar

Nationalist People’s Coalition

21 Jack Enrile
22 Loren Legarda

PDP-Laban

23 Aquilino Pimentel III

Social Justice Society

24 Samson Alcantara

United Nationalist Alliance

25 Ernesto Maceda
26 Gregorio Honasan
27 Juan Miguel Zubiri
28 JV Ejercito
29 Mitos Magsaysay
30 Nancy Binay
31 Richard Gordon
32 Tingting Cojuangco

Source: Candidates in the Philippine Senate election, 2013

======================================================

Malapit na naman ang eleksyon kaya importante na naman ang mga pangkaraniwang Pilipino (para sa mga trapo).

Para sa mga boboto next year, narito ang listahan ng mga nag-file ng candidacy para maging Senador. Utang na loob, pumili po tayo ng maayos, parang awa n’yo na 😀 Marami na naman tayong pambobolang maririnig kaya itaas ang sensitivity ng ating “sinungaling” barometer at huwag pagoyo.

May 13, 2013 ang synchronized National and Local Elections
Oct 31, 2012 ang Deadline ng Voter Registration

Marami pang impormasyon dito:

AKBAYAN

1
HONTIVEROS
ANA THERESIA

 

ANG KAPATIRAN PARTY

2
DAVID
RIZALITO
3
DELOS REYES
JOHN CARLOS
4
LLASOS
MARWIL

DEMOCRATIC PARTY OF THE PHILIPPINES

5
FALCONE
BALDOMERO
6
SEÑERES
CHRISTIAN
7
BELGICA
GRECO ANTONIOUS BEDA

 

INDEPENDENT

8
AJEL
REMELYN
9
BAGUIO
FLORENTINO
10
BANTOLO
ROSARIO
11
BERNARDINO
AERIC
12
BULA
LEONARDO
13
CABRERA
RAFAEL
14
CADAG
VICTORIO ANGELO
15
CAILING
PATROCINIO
16
CAPULAR
ELIZABETH
17
DAZO
CATALINO
18
DIMAYA
ARSENIO
19
DONATO
JUANITO
20
ESCOSURA
ANICIO
21
ESCUDERO
FRANCIS JOSEPH
22
ESPINOSA
MANUEL
23
FACTOR
GENEROSO
24
FERNANDEZ
EDUARDO SYAMA-SUNDAR-DAS
25
GARAY
ROQUE
26
GOROSTIZA
BYRON ADRIANO
27
HAGEDORN
EDWARD
28
HANDUMON
BENJAMIN JR.
29
INSIGNE
MANUEL
30
JOLONGBAYAN
EDWIN
31
LACANLUISONG TAGEAN
SALAM ED SR.
32
LAGATA
MERLITO
33
LAWAG
VICTOR
34
LLAMANZARES
MARY GRACE
35
LOPE
WENDELL
36
MAGTIRA
DANIEL
37
MALUENDA JR.
SEVERO
38
MANDAP
ELENA
39
MARCOS
FRANCIS LEO
40
MONTAÑO
RAMON
41
NING
CARLITO
42
NOCON
VALERIANO III
43
PENSON
RICARDO
44
PO
MANUEL
45
RIRAO
MARLON
46
ROJAS
ERICSON ELI FELIX
47
SALANGSANG
PEPITO
48
SANTOSIDAD
REBECCA
49
SORIANO
COSME
50
SUERTE
ORLANDO
51
SULIBIT
NONATO
52
SY
JOHNNY CRIS
53
TALAG
ALFONSO, JR.
54
TOMOL
ROGELIO
55
VILLAMOR
ULYN

 

KILUSANG BAGONG LIPUNAN

56
ABELLA
ALMA
57
CADION
LEO
58
CHAVEZ
MELCHOR
59
GALANG
VIRGILIO
60
GUNDAYAO
VIRGILIO
61
LOZANO
OLIVER
62
NUEVA
NORMA
63
PANCHO JR.
WENCESLAO
64
WOOD
VICTOR

 

LDP-LABAN

65
ANGARA
JUAN EDGARDO
 

LIBERAL PARTY

66
AQUINO
PAOLO BENIGNO IV
67
MAGSAYSAY
RAMON, JR.
68
MADRIGAL
MARIA ANA CONSUELO

MAKABAYANG KOALISYON NG MAMAMAYAN

69
CASIÑO
TEODORO

 

NACIONALISTA PARTY

70
CAYETANO
ALAN PETER
71
TRILLANES
ANTONIO IV
72
VILLAR
CYNTHIA

 

NATIONALIST PEOPLE’S COALITION

73
ENRILE
JUAN PONCE JR.
74
LEGARDA
LOREN LORNA REGINA

 

PDP LABAN

75
PIMENTEL
AQUILINO MARTIN III

 

SOCIAL JUSTICE SOCIETY

76
ALCANTARA
SAMSON

 

UNITED NATIONALIST ALLIANCE

77
COJUANGCO
MARGARITA
78
EJERCITO
JOSEPH VICTOR
79
GORDON
RICHARD
80
HONASAN
GREGORIO
81
MACEDA
ERNESTO
82
MAGSAYSAY
MARIA MILAGROS ESPERANZA
83
ZUBIRI
JUAN MIGUEL
84
BINAY
MARIA LOURDES NANCY