Tag Archives: mga problemang dapat solusyunan

Dear Food Establishments, Paki-control naman po yung mga langaw ninyo.

Dear food establishments na nakakabasa nito,

Kumakain po ba kayo sa kainan ninyo?

Convenient po kumain sa labas. Hindi na kailangang mamalengke, magluto, maghain, magligpit at maghugas. At kung medyo maganda-ganda ang kainan, sigurado malamig dun dahil air-conditioned.

Kaya lang, ang problema po sa maraming mga kainan ay LANGAW!
Kahit saan ka tumingin may langaw.

Langaw sa mesa.
Langaw sa sahig.
Langaw sa upuan.
Langaw sa pader.

At syempre, langaw sa pagkain!

Alam po namin na ginagawa ninyong lahat para sumarap ang pagkain ninyo at para maging ligtas ang mga kumakain mula sa food poisoning.

Pero kung hindi ninyo kokontrolin ang mga insekto sa mga kainan ninyo, pwedeng magkasakit ang mga parokyano ninyo kung hindi ninyo gagawan ng paraan yang mga insektong yan.

Lalo na nga ang mga langaw.

Alam ng marami na nagdadala ng mga mikrobyo at sakit ang mga langaw. Pero marami pa rin ang langaw sa mga kainan sa labas. Kasi, wapakels ang maraming kainan kung magkasakit man ang mga kustomer nito o hindi. Pero pwedeng tinatamad din lang magbugaw ng langaw yung mga staff.

Kung tinatamad po kayong magbugaw ng langaw, narito po ang ilang suggestion na pwede ninyong gamitin:

1. Electric insect killer

electric fly killer

2. Anti-insect scent repeller

hanging fly repellent

3. Anti-insect sticky mat

sticky mat trap

4. Electric racket bug killer

electric insect racket

5. Fly swatter

fly swat

6. Flame thrower

flame throwing

7. Dinamita

pampasabog

Sigurado lang po, kung mababawasan ang mga insekto, lalo na ang langaw sa kainan ninyo, dadami ang mga customer ninyo (except po kung gagamit kayo ng dinamita).

Gumagalang,

RP

***************************************

Disclaimer: Ang mga larawan po sa itaas ay hindi akin. Photos above belong to their respective owners.

Advertisements

Pinag-ibayo na nga ang pwersa laban sa Illegal Drugs, may mga nagrereklamo pa rin?

Kapansin-pansin ang laman ng mga balita ngayon tungkol sa kabi-kabilang buy bust operations laban sa illegal drugs sa Pilipinas. Pati na yung pagkasamsam sa mga ready to consume drugs at pagkahuli o pagkapatay sa ilang mga drug pushers.

Ang dami na ring mga drug users at drug peddlers ang kusang sumuko at nangakong magbabagong buhay.

Wala pa sa puwesto si Duterte ay masigasig na ang mga kapulisan na sugpuin ang bawal na gamot sa Pilipinas. Hindi pa yata nangyari ang ganitong bagay sa kasaysayan ng bansa natin.

Dapat natin itong ikatuwa dahil at last meron tayong nakikitang determinasyon mula sa mga awtoridad na sugpuin yung pagkalat ng bawal na gamot.

Ang kaso, totoo talaga yung kasabihan na “You cannot please all people.” Kasi, meron pa ring mga nagrereklamo sa mga pagkilos na ito laban sa illegal drugs sa ating bansa.

illegal drugs philippines
mga nasamsam na drugs (rappler.com)
  1. Bakit ngayon lang?

    Nagrereklamo yung ilang grupo kung bakit ngayon lang daw ginawa ng mga awtoridad itong masigasig na pagtugis sa mga tulak ng bawal na gamot. Utang na loob naman. Maging masaya sana tayo at nakita pa nating nangyari ito. Dahil kung aasa lang tayo sa mga nakalipas na gobyerno, hinding-hindi na magiging masigasig ang mga kapulisan sa pagpuksa ng illegal drugs sa bansa natin kahit kailan. Kahit ngayon lang sila naging determinado gawin ito, ayus lang. Ang importante, naging masigasig na rin sila at last.

  2. Nagpapa-pogi lang ang kapulisan sa darating na bagong administrasyon

    Eh ano ngayon kung nagpapa-pogi? Eh di bigyan natin sila ng Mr. Pogi award at Mr./Ms. Philippines award! Ang importante masugpo nila yung drugs sa Pilipinas. Kung masusugpo ang pagkalat ng bawal na gamot at ang masamang epekto nito sa mga kabataan natin, hayaan na natin silang magpa-pogi ng magpa-pogi.

  3. Hindi naman hinuhuli ang mga big time drug lords, mga pipitsuging drug pusher lang

    Ilang weeks pa lang nagsisimula ang massive campaign laban sa illegal drugs, ang gusto eh big time drug lords agad? Excited? Buti nga kahit mga small time drug pushers ngayon eh hinuhuli na eh. Dati nga wala eh! As in, zero! Labas pasok lang sa kulungan o kaya eh pinapabayaan lang mag-operate ng drug business nila. Hayaan muna natin mag-warm up sa mga small time pushers ang kapulisan. Dahil kung seryoso talaga sila sa kampanyang ito, magle-level up din ang mga awtoridad at pupuntiryahin ang big boss. Parang yung mga game lang na nilalaro sa arcade o kaya PC. By stages ang pagpapatumba sa kalaban.

  4. Moro-moro lang ang ginagawang kampanya laban sa drugs

    Ang ibig sabihin ng moro-moro ay parang palabas lang. Kunwa-kunwari lang daw yung ginagawa ng mga awtoridad laban sa drugs. Eh kung may mga nagdududa sa ginagawa ng mga pulis, sumama dapat sila dun sa mga operasyon ng mga pulis. Manmanan nilang mabuti at obserbahan yung trabaho ng mga pulis. Sumama sila sa mga raid at sa mga imbestigasyon para mapatunayan nila at magkaroon sila ng basehan na palabas nga lang yung lahat ng ginagawa ng mga pulis.

  5. Kawawa naman yung mga drug pushers

    Eh di ampunin yung mga drug pushers! Pakainin natin ng masasarap na pagkain at patirahin sa mga magagarang tirahan. Mga buwiset! Ang dami ninyong arte!

Dapat nga imbestigahan kung talagang pinatatahimik lang ang mga drug pushers para huwag nilang ituro ang mga protektor nilang pulis, government officials o VIP sa lipunan.

Pero imbes na mag-reklamo tayo sa ginagawa nilang trabaho, dapat eh tulungan natin ang mga awtoridad para mas mabawasan pa lalo ang paglaganap ng illegal drugs sa bansa natin.

Submission of SOCE Deadline Extension: Parang Tamad na Estudyante Lang

wala pang soce
listahan ng presidentiable at mga senatoriables na hindi pa nag-file ng soce…

Parang tamad na estudyante lang si Mar Roxas pati na yung ibang mga kumandidato nung 2016 elections na nagpapa-extend sa deadline ng submission ng kanilang statement of contributions and expenditures (SOCE).

‘Di ba yung mga estudyante, kapag binigyan mo ng specific deadline na mag-submit ng assignment o kaya project eh maaasahan mong merong mga magsa-submit at meron ding hindi magsa-submit?

Karaniwan sa mga hindi nagsa-submit on time eh yung mga mahilig sa petiks at tamad na estudyante. Hihingi lagi sila ng deadline extension.

At bigyan mo man sila ng 1 week, o 1 month, o 1 year para mag-prepare, hindi sila magsa-submit on time!

Kung ano man ang dahilan ni Mar Roxas at nung iba pa eh hindi na importante. Hindi sila tumupad sa isinasaad ng batas (RA 7166).

Sec. 14. Statement of Contributions and Expenditures; Effect of Failure to File Statement. – Every candidate and treasurer of the political party shall, within thirty (30) days after the day of the election, file in duplicate with the offices of the Commission the full, true and itemized statement of all contributions and expenditures in connection with the election.

Dapat sana eh pinatawan man lang ng parusa ang mga hindi sumunod sa deadline. Ang paglabag sa batas ay hindi dapat i-tolerate kahit na kapartido pa sila ng kasalukuyang administrasyon.

Sigurado lang, mas dadami pa ang gagaya sa mga ito sa susunod.

Related News:

Tell Us Your BIR Corruption Experience Here

Nasaktan si outgoing Commissioner Kim Henares sa paratang ni Pangulong Duterte na isa sa mga pinaka-corrupt na ahensya ng Pamahalaang Aquino ay ang BIR (kasama ang Customs at LTO).

Read:

Gayundin, may kumalat pang balita na maraming BIR personnel ang maglulunsad ng mass resignation sa mismong araw na opisyal nang magsisimulang mamuno si Duterte sa bansa. Pero unfortunately, hindi daw totoo ang balitang ito.

Read: BIR denies newspaper report on mass resignation

Si Kim Henares ay either na “sinungaling” or “bulag” kung hindi n’ya talaga alam ang corruption na ginagawa ng mga tauhan niya. Para lang din siyang si outgoing na Pangulong Aquino na walang nakikitang mali sa kanyang administrasyon.

Bukod sa patotoo ng isang Facebook user, sang-ayon ang maraming Pilipino na corrupt talaga ang BIR.

mga korap na ahensya ng gobyerno

Heto ang halimbawa ng istorya ng corruption na personal kong nasaksihan. Ito ay nangyari nung 2015.

Nagkaroon ng violation ang kumpanyang aking pinagtatrabahuhan dito sa Pilipinas. Imbes daw na magbayad kami ng malaking halaga ng penalty, nanghingi ng bribe money ang BIR staff sa amin para sila na lang daw sa local office ang umareglo.

Pumayag ang mga Japanese bosses ko na magbigay para wala nang hassle at naisip yata nilang ganito talaga sa Pilipinas para hindi pahirapan ng BIR.

Lahat ng ito ay nangyari without my knowledge dahil HR at yung mga Japanese ang umareglo.

Tinawag na lang ng mga boss ko yung atensyon ko nung i-notify sila ng BIR office sa Manila about yung violation ng company namin. Meaning to say, hindi ginawa nung local BIR office yung sinabi nilang sila na ang aareglo. Tinanggap lang nila yung bribe money and walang ginawa sa violation namin.

Nagpadala ng “bag lady” sa office namin yung officer ng BIR Manila at nanghihingi ng 200,000 pesos para aregluhin yung violation namin para daw hindi kami maipasara. (Ang penalty sa violation namin ay hindi lalagpas ng 20,000 pesos at hindi subject for closure ng kumpanya.)

So, tinakot ng BIR officer ng Manila ang mga Japanese boss ko na ipapasara daw ang kumpanya namin pag hindi sila nakipag-areglo sa halagang hinihingi niya (200,000 pesos).

Nakiusap ako sa mga boss ko na huwag i-tolerate ito at kausapin muna namin ang attorney namin o yung mga ibang taga-government office na pwedeng makatulong sa amin. Pero hindi nakinig yung mga boss ko dahil sa takot na pahirapan kami ng BIR.

Nakipagtawaran yung boss namin, from 200k ay naging 130k yung suhol na ibinigay namin dun sa BIR officer ng Manila.

bir commisioner henares
outgoing BIR Commissioner Kim Henares

Another story ay yung narinig ko lang mula sa kaibigan kong accountant. Everytime daw na mago-audit ang BIR sa kumpanya nila ay dapat silang magbigay ng 7 figures (Millions of Pesos) na suhol para hindi sila pahirapan ng BIR. It is common practice daw everywhere.

So basically, tama nga siguro yung sinabi ni Henares na nadagdagan ang kita ng BIR. Pero at the same time, kumikita din ng malaki separately yung mga tauhan niya from bribe money.

Tapos magtataka pa tayo bakit hindi pa rin ganun karami ang nag-i-invest sa bansa natin. Maraming walanghiya sa BIR at sana totohanin na lang nila yung mass resignation na napabalita.

Kung may personal experience ka rin ng korapsyon sa BIR, please share sa comments section at baka sakaling mabasa ng susunod na BIR Commissioner.

Bayolente ba ang mga Pilipino?

Ipagpapatuloy ko lang ang pagsasabi-sabi tungkol sa karahasan sa Pilipinas na dulot ng mga baril, loose firearms to be eksak. (Pangangatawan ko na ang pagtalakay sa topic na ito ngayong Enero. May 2 posts pa akong natitira tungkol dito 😀 )

Ayon sa isang statistic, kasama ang Pilipinas sa ranking ng “Worst Countries for Firearms Related Deaths” sa buong mundo. Hindi kasama sa ranking na ito ang mga bansang may kasalukuyang digmaan o giyera na nagaganap.

Death by Firearms Around the World (Source: Forbes.com)
1. El Salvador
2. Jamaica
3. Honduras
4. Guatemala
5. Swaziland
6. Colombia
7. Brazil
8. Panama
9. Mexico
10. Philippines
11. South Africa
12. United States

Mapapansin sa listahang ito na tayo lang ang galing sa Asia at mas mataas pa ang rate natin sa US.

Sa isa pang survey naman na ginawa ng GunPolicy.org, lumilitaw din na mas mataas ang rate ng gun homicide sa Pilipinas kesa sa US.

gunpolicyorg chart

Bakit ba kahit mga small-time holdaper na nanghoholdap ng mga pobreng pasahero ng dyip ay may baril? Para na lang bang celphone ang baril ngayon? Kapresyo na lang ba ng load ang mga bala ng baril?

Sa Pilipinas, ano ang kasiguruhan natin na hindi tayo malalagay sa ganitong mga pangyayari?

1. pagbagsak ng bala ng baril sa ating bubungan habang tayo ay natutulog
2. matamaan ng bala mula sa nagbabarilang pulis at kawatan sa kalsada
3. mabaril ng isang naghuhuramentadong siraulo sa kalye
4. maging sacrificial hostage ng mga masasamang loob
5. mapagkamalan ng mga gun for hire killers

Halimbawa bang maraming marami na tayong hawak na baril eh bababa na ang tsansa natin na ma-involve sa mga insidenteng nakasaad sa taas? Paano yung mga bata? Dapat na rin ba silang pabaunan ng baril kapag umaalis ng bahay?

Sapat na ang dami ng kolesterol na kinakain natin sa araw-araw para malagay tayo sa bingit ng kamatayan. Hindi na natin kelangan ng mga baril para dumagdag pa dito. Sa mga kinauukulan, sana naman po, mabigyan na natin ito ng pangmatagalan na solusyon.

So, bayolente ba ang mga Pilipino? Mahirap pa rin masabi, dahil naniniwala pa rin akong marami ang peace loving people sa ating mga kababayan.

Pero kung gusto mong maka-meet ng mga bayolente, subukan mong mag-post ng anti-Filipino message sa iyong twitter, facebook, instagram o youtube account.

hindi galit

Recommended Articles:

State of the Nation Address 2012

state of the nation address 2012
Photo Source: Official Gazette of the Philippines

It’s that time of the year na naman ng taunang tradisyon ng pagsusunog ng effigy at pag-exercise ng muscles ng mga anti-riot police.

Tiningnan ko ang ilang mga news website para malaman kung ano ang reaksyon ng mga tao sa pinaka-latest na State of the Nation Address mula sa ating Pangulo at ako’y medyo nagulat sa na-obserbahan.

Marami pa rin ang tumutuligsa sa pamahalaan at sa Pangulo. Pero napansin ko na mas marami ang mga sumusuporta at nagtatanggol kay Pnoy. Nagpahayag din ng paghanga ang ilang mga tao sa mga binanggit ng Pangulo. Hindi pa ako nakakita ng ganito karaming pagpapahayag ng suporta sa kasalukuyang Pangulo ng ating bansa sa buong panahon ng aking pagiging Pilipino.

Isa sa tatlong bagay lamang ang maaaring maging ibig sabihin nito:

1. Umupa ng mga Pilipinong computer hackers ang Malakanyang para magpahayag ng suporta sa  Pangulo…araw-araw…oras-oras…sa iba’t ibang user names…sa iba’t ibang site

2. Parami na ng parami ang nabe-brain wash ng Pangulo na totoo ang mga sinasabi n’ya

3. Nakikita ng mga Pilipino na may sense ang bagong sistema at may magagandang pagbabago talaga silang nararamdaman

Gusto kong maniwala sa ikatlong bilang. Pero kung ano man ang dahilan ng tila paglaganap ng positibong pananaw sa ating bansa, naniniwala pa rin ako na may mga problema ang Pilipinas na kahit hindi iasa sa Pangulo ay magagawang bawasan o solusyunan ng pangkaraniwang Pilipino.

Ilan sa mga naging “best friends forever” nang problema ng Pilipinas na maaari nating mabawasan o mapagaan ay inilista ko sa ibaba (of course, hindi pa ito ang kumpletong listahan):

1.  baha dahil sa mga baradong drainage system
2.  mapanghing mga pader
3.  unsafe standards (nahuhulog na bus sa bangin, factory accidents, sinasagasaan na tao)
4.  tagas ng mga water pipes sa kalsada
5.  maruming ilog
6.   hazing
7.   abuso sa kalikasan (illegal logging, dynamite fishing)
8.   palakasan, padrino, kaanak, utang na loob system para matanggap sa trabaho
9.   street children at child labor
10. pagsuway sa traffic rules
11. gun related violence
12. water shortage dahil sa illegal na koneksyon ng tubig
13. power shortage dahil sa illegal na koneksyon ng kuryente
14. paggamit ng mga madayang timbangan
15. pagtangkilik sa mga carnap na sasakyan
16. paghahanda ng maruruming pagkain sa mga kainan
17. pagpapabaya sa trabaho (lalo na kung nakadestino sa water dam control)
18. nadidisgrasya pag new year (napuputukan at tinatamaan ng ligaw na bala)
19. dispalinghadong garbage disposal/recycling system
20. basag-ulo o patayan sa mga kasiyahan
21. maruming hangin (sasakyang nagbubuga ng usok, mga nagsusunog ng effigy)
22. illegal o undocumented ofw’s
23. pagboto sa mga political dynasties

May batas nang mga nilikha bilang sagot sa mga problemang nakalista sa itaas. Ipatupad man ito ng maayos o hindi, ang pagsunod natin sa mga batas na ito ay isang malaking bagay na maia-ambag natin sa pagsulong ng ating bansa.

Habang patuloy na nagma-mature ang ating bansa, pasasaan ba’t makakamit din natin ang “closure” sa maraming bagay na matagal na nating inirereklamo, ipinagpapalibang asikasuhin at patuloy na humihila sa atin pababa.

Sana nga lang kapag nangyari iyon ay buhay pa tayo para ma-enjoy ang Pilipinas na once and for all ay tunay nang malaya.

Link sa State of the Nation Address ng Pangulo: 3rd State of the Nation Address