Tag Archives: krimen

Hindi Safe Tumira sa mga Corrupt na Bansa

Ito ang lumilitaw na relasyon ng katiwalian sa pangkalahatang kaligtasan ng mga mamamayan ng isang bansa.

Ang Transparency International ay isang international organization na kumakalap ng impormasyon sa patungkol sa antas ng katiwalian sa iba’t-ibang bansa ng ating umiikot na daigdig. Narito ang pinaka-latest na resultang nakalap nila.

corruption ranking of the philippines

Samantala, isa pang international organization, ang Vision of Humanity ang kumakalap naman ng impormasyon sa antas ng kaligtasan (safety) ng iba’t ibang mga bansa. Ayon sa kanilang latest report, ang mga bansang Iceland, Denmark at Austria ang mga pinaka-safe na tirhang bansa sa buong daigdig.

Sa listahang ito, ang Pilipinas ay matatagpuan sa malayong bilang na 134.

mga ligtas tirhan na bansa

Pansinin natin na ang mga bansang may mababang antas ng katiwalian ang siya ring mga bansang pinaka-safe tirhan. Paano nakaka-apekto ang katiwalian sa overall peace and order ng isang bansa?

Ang sagot sa tanong na iyan ay hindi ko alam. Wala akong research firm at wala akong perang pampatayo nito.

So instead, ang gagawin natin ay huhulaan natin ang ilang mga posibleng dahilan kung bakit hindi safe tumira sa mga bansang mataas ang antas ng katiwalian.

Mga dahilan kung bakit hindi safe mabuhay sa mga bansang mataas ang antas ng katiwalian:

1. Hindi natatakot sa batas ang mga masasamang-loob

2. Hindi ipinapatupad nang maayos ang mga batas hinggil sa peace and order

3. Kakulangan sa mga pasilidad at kasangkapan upang maipatupad nang maayos ang mga batas

4. Hindi nagtatrabaho ng maayos ang mga nasa katungkulan

5. Ninanakaw ang pondong nakalaan para sa pagpapatupad ng peace and order

Kung magseseryoso ang Pamahalaan natin na solusyunan ang mataas na krimen sa ating bansa, kailangan din nitong pagbuhusan ng lakas at pwersa ang pagsugpo sa laganap na katiwalian sa ating lipunan.

Nagpapakahirap ang ating bansa na manghikayat ng mga dayuhan para bumisita at/o magtayo ng negosyo sa ating bansa pero kung hindi natin maipapakita sa kanila at sa ating mga mamamayan na ligtas mabuhay sa Pilipinas, ang lahat ng ito ay walang patutunguhan.

Yes to Peace and Order!
END CORRUPTION NOW!!!

Advertisements

Pork Barrel, Ilalaan sa Pagsugpo ng Krimen

Manila, Philippines – Limang Senador at dalawampung Kongresista na magtatapos ang term sa 2016 ang nagpahayag na ilalaan ang tatlong taong (3 years!) halaga ng kani-kaniyang Priority Development Assistance Fund (PDAF) o “Pork Barrel” upang labanan ang lumalalang karahasan at krimen sa bansa.

Bawat Senador ay mayroong 200 milyong piso na PDAF samantalang 70 milyong piso naman ang nakalaan para sa bawat Kongresista taun-taon. Ang halagang ilalaan ng mga nabanggit na mambabatas upang labanan ang krimen ay aabot sa 7.2 bilyong piso bukod pa sa budget na ilalaan ng Pamahalaan.

Ilan sa mga paggagamitan ng budget ay:

1. pagpapatayo ng malalaking kulungan sa mga isla ng Babuyan Islands
2. paglalagay ng maraming CCTV camera sa lahat ng pampublikong lugar
3. pagdagdag ng allowance at incentives para sa mga pulis
4. pagbuo ng Philippine Undercover Specialist Agents (P.U.S.A.)

Bago magtapos ang termino, nangako ang ilang mga mambabatas na makikipagtulungan ang Kongreso at Senado sa PNP at AFP upang makabuo ng isang grupo na tutugis at huhuli sa mga kriminal ng bansa.

Ang bagong grupo na ito ay bubuuin ng mga piling indibidwal na dadalhin sa ibang bansa upang bigyan ng training sa iba’t ibang larangan ng martial arts, paggamit ng mga sandata, pagmamaneho ng iba’t ibang uri ng sasakyan, survival skills, page-espiya at pagluluto ng iba’t ibang putahe gaya ng lumpia at embutido.

p.u.s.a
concept uniform para sa p.u.s.a.

Ayon sa ilang sources, ang mga piling indibidwal na ito ay itatago mula sa publiko at media. Sabi pa ng isang PNP staff na ayaw magpakilala dahil wala siyang awtoridad para magsalita sa bagay na ito (pero gusto pa ring magsalita), ang mga pipiliing miyembro ng P.U.S.A. ay mayroong IQ na hindi bababa sa 130 at nakakapagsasalita ng iba’t ibang lenggwahe at iba’t ibang dayalekto ng Pilipinas.

Layunin ng bagong grupo na tahimik at mabilis na dalhin sa hustisya ang lahat ng kriminal na elemento at salot ng lipunan maliit man o malaki. Mula sa mga gun for hire killers hanggang sa malalaking sindikato ng droga, robbery, carnapping, prostitusyon, smuggling at iba pang mga nagsasagawa ng illegal activities sa bansa.

Sinabi ng mga mambabatas na nakahanda silang i-depensa ang planong ito sa Commission on Human Rights at sa Korte Suprema.

********************************************************************************

Ang balitang ito ay kathang-isip at gawa-gawa lamang.

Kelangan Natin ng Kontrol

Gun control…kelangan natin ng gun control. Total gun ban man o mas pinaigting na gun control.

Meron akong bayaw na naholdap sa jeep. Tinutukan s’ya ng baril kaya hindi s’ya nakapalag. Buti na lang nakuhanan lang s’ya ng celphone at walang nangyaring masama sa kanya pero ilang araw s’yang nasa state of shock pagkatapos ng insidenteng iyon.

Sa loob ng jeep. Mantakin mo ‘yon. Sa loob ng jeep?
Eh wala namang mayamang sumasakay ng jeep ah.
Kahit sa halagang 150 pesos yata eh pwede na ikamatay kung hindi ito ibibigay.

Kung sanang kutsilyo ang gamit ng mga kawatan eh madali pa silang matatakbuhan o pwede rin silang labanan kung mabilis ka sa kung fu.

Pero kapag baril ang hawak nila, sila ang hari.

Hindi ko pa rin alam kung paanong nangyari na mas madali magkaroon ng baril sa ating bansa na marami ang nagsasabing mahirap sila, nagugutom at walang pinagkakakitaan.

Ang alam ko ay nangangailangan pa rin ng pera para makakuha ng baril at hindi naman libre sa set ang mga bala. So, bakit marami ang may hawak na baril?

Walang may baril sa aming pamilya at last akong nakahawak ng baril ay nuong batang bata pa ako nang ipahawak ng aming kapitbahay ang kanyang 0.38 yata yun na baril sa akin.

Mabuti na lang at hindi ko ipinutok sa ulo n’ya ‘yung baril sa pag-aakalang laruan lang ito. Ngayon ko lang naisip kung gaano ka-reckless ang ginawa n’yang iyon.

Kaya kung magkakaroon man ng total gun ban ay hindi apektado ang aking pamilya. Dahil wala nga kaming pag-aaring baril in the first place.  Mula’t mula pa ay delikado na kami sa mga taong may legal o illegal na pag-aaring baril.

At sa tingin ko ay marami din ang mga katulad namin na pamilyang uunahin pang bumili ng pagkain kesa bumili ng mga baril at mga bala nito.

israel houses
dapat yata ang mga bahay sa pilipinas ay igaya sa mga bahay sa israel para walang tumagos na bala sa loob ng bahay (ginoogle na picture)

Marami ang tutol sa total gun ban lalo na yung nagkaroon na ng first hand encounter sa karahasan na laganap sa paligid natin.

Sinasabi ng ilan na hindi sagot ang total gun ban sa problema ng krimen. Na ang mga kriminal ay hahanap at hahanap pa rin ng ibang paraan para makapaghasik ng lagim, may baril man o wala.

Eh para saan pa yung total gun ban na ipinapatupad kapag election period?
Ano ba ang layunin ng patakarang ito? Hindi ba para pababain ang krimen?

Kung parati na lang walang silbi ang katwiran natin sa mga patakarang gustong ipatupad, mas mabuti kayang huwag na lang magpatupad ng kahit na anong batas ang ating pamahalaan?

Meron pang mga nagsasabi na kulang pa ang baril kaya nangyayari ang mga karahasang ito. Kung sakali bang bibigyan natin ang lahat ng mga tao ng access sa baril ay magiging ligtas na tayo at ang ating mga mahal sa buhay sa karahasan at pinsalang dulot ng mga baril?

Kaya kung matagumpay na maipapatupad ang gun ban sa election period, sana ipatupad na lang ito sa mas mahabang panahon. Mga 3 months before and after ng election. Bale 6 months na total gun ban sa buong Pilipinas every 3 years. O kaya, 1 entire year of total gun ban every election year.

Idagdag na rin yung total gun ban tuwing December at January.

Sa laganap na loose firearms, ang kaligtasan ng lahat ay hindi sigurado, law abiding citizen ka man, maimpluwensyang tao man, kahit na nga yung mga kawatan mismo.

Okay, everybody, repeat after me…

Walang saysay ang umasenso sa Pilipinas kung buhay natin ang kapalit nito
(Walang saysay ang umasenso sa Pilipinas kung buhay natin ang kapalit nito)

What’s fun sa Pilipinas kung lagi tayong may agam-agam sa ating kaligtasan
(What’s fun sa Pilipinas kung lagi tayong may agam-agam sa ating kaligtasan)

Walang kabuluhan ang humikayat ng mga dayuhang bumisita sa atin kung hindi na nga natin masiguro ang kaligtasan natin sa Pilipinas eh iisipin pa natin ang kanilang kaligtasan
(Ang haba naman…)

Recommended Blog Articles: