Tag Archives: eleksiyon sa pilipinas

Millenials, Gustong Pagsisihan Ang Pagboto Kay Duterte

16th pangulo ng bansa

Intramuros, Manila – Nais pagsisihan ng ilang grupo ng mga kabataang botante ang pagboto nila kay presumptive President-elect Rodrigo Duterte sa nakaraang halalan.

Ngayon pa lamang ay pinaplano na diumano ng inaasahang bagong uupo na Pangulo ang pagpapatupad ng curfew sa mga kabataan, ang pagbabawal ng pag-inom (ng alcoholic beverages) sa mga pampublikong lugar at pag-ban sa mga maiingay na karaoke.

“Napaka-KJ naman pala ni Duterte!”, alma ng isang 27 anyos na empleyadong umamin na ikinampanya at ibinoto ang maangas na Mayor ng Davao.

“Akala ba namin eh mga kriminal ang pupuksain n’ya? Bakit pati pagsasaya namin, gusto n’ya pakialaman?”, tanong naman ng isang first time voter na estudyante.

 Sinabi naman ng kampo ni Duterte, sa pamamagitan ng kanyang spokesman, na dahil gusto ng mga Pilipino ng pagbabago, uumpisahan ito ng bagong Pamahalaan sa pagtuturo ng disiplina.

************************************

Paunawa: Ang balitang ito ay kathang-isip at gawa-gawa lamang.

Advertisements

Boboto Ka Ba?

Uy, musta na?
Ganda ng t-shirt mo ah.
Binili mo?

Hindi?
Gawa mo?
Ang galing ah.

S’ya ba yung President mo?

Ah oo nga.
Nakita ko nga sa newsfeed ko.

Grabe, todo suporta ka talaga sa kandidato mo ha.
Bilib ako sa ‘yo.
Wala akong tyaga sa ganyan eh.

Oo, yung selfie mo dun sa miting de avance n’ya, nakita ko nga.

Kuntodo attire ka nga eh, may banderitas, may pamaypay, may t-shirt, bag, bandana, etc.

Kala ko kung sinong international singer yung inattendan mong concert eh miting de avance pala.

Comments? Ah oo nabasa ko nga yun.
Yung nakipag-away ka dun sa nag-bash sa kandidato mo?
Haha angas mo nga eh!

Ano’ng oras nga pala punta mo sa presinto para bumoto?
Ah eh, sasabay na sana ako eh para may kasama ako sa pagboto sa Monday.

Ah, nag-volunteer ka para poll watcher kaya maaga kang pupunta sa presinto?

Ah okay sige, boboto ka na rin ba sa oras na ‘yun?
Hindi?
Bakit?

Hindi ka nakapagpa-rehistro?
Teka, ‘di ba one year yung palugit dun?

Hindi ka nakapunta dahil busy?
One year kang busy?

So, ibig mong sabihin, hindi ka boboto para sa kandidato mo?
‘Di mo naman alam na kakandidato pala s’ya?
So, kasalanan nung kandidato mo yung di mo pagpapa-rehistro?

Alam mo bang sa pamamagitan lang ng boto pwede manalo ang kandidato mo?

Oo nga, malaking bagay din yung nakakapagbigay ka ng suporta at kampanya para sa kandidato mo pero kung kayong lahat na supporters n’ya eh hindi naman pala mga registered voters eh ano’ng sense nun?

Paano ninyo masisiguradong mananalo ang kandidato ninyo kung ‘di n’yo naman pala s’ya kayang iboto?

Hinahangaan kita sa alab mong ikampanya nang libre ang kandidato mo pero mas matutuwa siguro ang kandidato mo kung maiboboto mo s’ya.

Oo, pwede ngang mahikayat mong bumoto sa kandidato mo ang ibang mga registered voters pero sa case ko, hindi effective ang kampanya ninyo.

Kasi registered voter ako at boboto ako sa Lunes.
Pero hindi kandidato mo ang iboboto ko.

mga kandidato sa pagka-pangulo 2016
may kandidato ka nga, kung di mo naman maiboto…nonsense!

‘Tis the Season for the Mahihiraps to be Jolly

kahirapan sa bansa
kuha mula sa inquirer.net

Maligayang pagli-labor sa ating lahat ngayong Labor Day.

At dahil nga election season na naman, bida na naman ang mga manggagawa at lalo na ang mga mahihirap. Mahal na naman tayong lahat ng mga pulitiko. Ang kapakanan na naman natin ang focus (daw) ng mga platapormang inilalatag ng mga kandidato.

Marami na namang posters, tv ads, radio ads at newspaper ads na nagpapakita ng mga kandidatong may yakap na mahirap, may tinutulungang mahirap, may dinadalaw na mahihirap o nakikikain kasama ang mahihirap.

Bigla-bigla na lang, mahirap din daw sila. Nabuhay din daw sila sa hirap. Lumaki din daw sila sa hirap.

Makakarinig na naman tayo ng mga pangako ng pagbabago, ng mga pangakong gaganda na at giginhawa ang ating buhay basta iboto lang natin ang pulitikong nagmamaka-awa sa boto natin.

Mae-entertain na naman ang mga dukha sa pagsayaw-sayaw at pagkanta-kanta ng mga pulitiko at celebrity endorsers.

Busog na naman ang mga gutom sa mga libreng pagkain at give-aways na ipinamimigay ng mga pulitiko tuwing campaign period at miting-de-avance.

May dagdag panggastos na naman ang mga kapuspalad kapag nabigyan sila ng mga galanteng pulitiko sa kanilang pangangampanya.

Pero pagkatapos ng eleksiyon, pagkatapos ng resulta, pagkatapos ng panunungkulan, pagkatapos ng lahat-lahat, ano kaya ang mangyayari?

Sa kasawing-palad, sa bandang huli, ang mga mahihirap ay mahirap pa rin.

Hangga’t patuloy na magpapa-uto tayo at maniniwalang nasa pulitiko nakasalalay ang paggaan at pag-asenso ng ating buhay, sisiguraduhin lamang ng mga pulitikong ito na ang mga mahihirap ay manatiling mahirap. Forever.

kahirapan sa pilipinas
kuha mula sa philstar.com

Sino Ang Iboboto Mo?

Alam mo na ba kung sino ang iboboto mo para maging kasunod na Pangulo natin? Ako, wala pa. Wala pa akong ganang bumoto. Este, nawalan na pala ako ng ganang bumoto.

binay for president

Excited pa mandin ako nung nagpa-biometrics ako sa Comelec kasi after more than 10 years eh makakaboto na ulit ako. Tapos, nung makita ko na ang mga pagpipilian, nakakadismaya.

grace poe for president

Sayang naman ang karapatan kong bumoto kung hindi ko magagamit. Pero wala talaga akong makabig eh. Puro tulak ang gusto ko gawin!

mar roxas for president

Hay naku, sana naman eh may matino-tino pang presidentiable candidate ang mag-file ng candidacy bago matapos ang deadline.

Paano Kokontrahin ang Boto ng Bobotante

Sino ang mga “bobotante”? At bakit kelangan nating kontrahin ang boto nila? Huway hon hearth should we care about them?

Ang mga tinaguriang bobotante ay kahit na sinong rehistradong botante na hindi nag-iisip ng maayos kung sino ang iboboto sa mga importanteng posisyon sa ating Pamahalaan.

pigilan ang mga bobotante

Ang mga bobotante ay walang pakialam kung corrupt, inutil, mamamatay-tao, rapist, magnanakaw, traydor sa bansa, sinungaling o lantarang immoral ang isang pulitikong kandidato.

Iboboto ng bobotante ang kahit na sinong pulitikong gusto nila regardless kung ano pa man ang kuwalipikasyon nito.

Ito ang dahilan kung bakit dapat nating kontrahin ang boto ng mga bobotante. In English, we must stop them!!!

Hindi natin maaaring ipagkatiwala sa kanila ang desisyon kung sino ang mamumuno sa ating bansa, lalawigan, munisipalidad o baranggay. Dahil wala sila sa tamang katinuan o kapasidad para pumili ng lider para sa atin.

Kung kaya’t nararapat lamang na tayong matatalinong mga mamamayan ng Pilipinas ay dapat magkaisa upang kontrahin ang kabobohang magiging desisyon ng mga bobotante.

Iboto natin ang matuwid.
Iboto natin ang tapat.
Iboto natin ang tunay na may malasakit sa bansa at hindi lang sa mga mahihirap (kuno).

Sa pamamagitan ng sama-sama nating boto ay makakapili tayo ng lider na hindi mga bobotante ang naghalal.

Sounds like a good plan, ‘di ba?

Pero bago tayo makaboto, ang kelangan muna eh magparehistro tayo para sa halalan next year. At ang deadline nito ay sa October 31, 2015 na!!!

Wala na tayong dahilan para hindi makapagpa-rehistro. Ang Comelec registration ay nagkalat na kung saan-saan.

1.) Meron sa inyong malapit na local Comelec Office

local comelec office

2.) Meron sa NAIA Airport

ofw voters registration naia

3.) Meron sa mga popular na malls

comelec in malls

4.) Meron din sa Internet

online registration

Tamad ka na lang talaga at walang pakialam kung hindi ka pa rin magpapa-rehistro para makaboto.

Ito na ang chance natin to make a difference kahit once every 3 or 6 years lang. Kaya magparehistro na at bumoto!

Marami pang impormasyon dito: Comelec Website

Kung Nagiging Boto ang mga Likes sa Facebook

Alam natin na tech savvy ang mga Pinoy at laman tayo ng mga social media. Kung kaya naman, sinisikap din ng mga pulitiko na maramdaman ang presensiya nila sa cyber world.

Ano kaya kung ang dami ng mga followers ng mga pulitiko ang nagde-decide kung sino ang susunod nating Pangulo para sa 2016?

Narito ang mga facebook account screenshots ng mga posibleng kandidato bilang pangulo sa 2016 at ang bilang ng mga likes/followers nila habang sinusulat ang post na ito.

Kung bibilangin natin ang mga likes o followers ng mga posibleng kumandidato bilang pangulo sa 2016, narito ang kanilang magiging rankings at posibleng kalabasan ng botohan kung likes lang ang pagbabasehan.

7th Place
Sen. Ferdinand “Bongbong” Marcos, Jr.: current number of followers, 0.11M

bongbong fb page

6th Place
Sen. Grace Poe – Llamanzares: current number of followers, 0.2M

grace poe fb page

5th Place
Sen. Francis “Chiz” Escudero: current number of followers, 0.49M

chiz escudero fb page

4th Place
DILG Sec. Manuel “Mar” Roxas II: current number of followers, 0.7M

mar roxas fb page

3rd Place
Davao City Mayor Rody Duterte: current number of followers, 0.71M

rody duterte fb page

2nd Place
Vice President Jejomar Binay: current number of followers, 0.82M

jojo binay fb page

1st Place
Sen. Miriam Defensor – Santiago: current number of followers, 2.3M

miriam santiago fb page

Kung magpaparehistro at pupunta sa mga presinto para bumoto ang mga taong nagla-like na ito at sumusubaybay sa mga pulitiko sa itaas, makikita natin ang maaaring maging trend ng halalan sa 2016. Pero, siyempre hindi naman pwedeng gawing batayan talaga ang mga likes na ito dahil hindi naman lahat ng Pilipino ay may access sa internet o merong facebook account.

At kung papayagan lang ang kasalukuyang Pangulo natin na kumandidato ulit, malamang may laban pa siya (kung likes lang ang basehan).

pnoy fb page

So, kung may access ka sa internet, nasa voting age, may access sa internet at merong napupusuang kandidato para sa 2016, show your support! I-follow ang iyong hinahangaang politician. I-share sa lahat ng iyong mga cyberfriends ang magagandang plataporma at kahanga-hangang track record ng iyong pambato sa 2016 at tulungan mo siyang mas makilala ng maraming tao. Who knows? Baka sakaling ito ang magpapanalo sa kanya sa 2016.

Wag lang sana pag-interesan ni Anne Curtis ang maging  Presidente dahil ilalampaso niya ang mga kalaban.

anne curtis fb page

Pacquiao, Nakiusap sa Publiko: ‘Wag N’yo Na Akong Iboto, PLEASE!

General Santos City, Saranggani – Nakiusap ang People’s Champ Manny Pacquiao sa madlang tao sa pamamagitan ng isang press conference na huwag na siyang iboto ulit sa susunod na eleksiyon.

Manny Pacquiao
si Cong. Manny Pacquiao

“Kumakandidato lang po ako bilang pabor sa aking mga kaibigan, kaya tatanawin ko pong malaking utang na loob kung hindi ninyo ako iboboto sa anumang posisyon sa Pamahalaan.” saad ng dating 8 division world champion sa harap ng mga media men.

Si Manny Pacquiao (buong pangalan: Emmanuel Dapidran Pacquiao) ay kasalukuyang naglilingkod ng kanyang 2nd term bilang kongresman ng nag-iisang distrito ng Saranggani kung saan siya ay nanalo nuong 2010 at 2013 May National Elections. Subalit bukod dito, si Pacquiao ay isa ring full time boxing champion, full time basketball coach, tv host, recording artist, movie actor, commercial model, negosyante at isa sa mga paboritong target ni Kim Henares ng BIR.

Sa tala ng House of Representatives, ang Pambansang Kamao ay isa sa mga may pinakamataas na bilang ng absences sa hanay ng mga Kongressman.

Idinagdag pa ng kasalukuyang Kia Sonteros Coach na hindi makakatulong sa bansa kung isa na namang celebrity ang iuupo ng taumbayan upang mamuno sa kanila.

“Muli po akong tatakbo sa 2016 National Elections para naman sa pagka-Senador, bilang tulong sa aking mga kaibigan sa United Nationalist Alliance (UNA) Party. Subalit ipinapakiusap ko po na huwag na ninyo akong iboto. Sapat na po yung pumunta kayo sa aming mga miting-de-avance at magpakita ng suporta sa aking mga ka-Partido sa UNA.

Isa po akong celebrity na abala sa maraming bagay. Hindi ko po magagampanan ang aking mga administrative duties sa Pamahalaan dahil sa dami na ng aking mga responsibilidad. Hindi ko na rin po kelangan ng karagdagang pera o ng kapangyarihan. Masaya na po ako sa katayuan ko sa buhay.

Para sa lahat ng aking mga fans at minamahal na mga kababayan, huwag na po ninyo akong iboto ulit.”

**************************************************

Advisory: Ang balitang ito ay kathang-isip at gawa-gawa lamang.