Tag Archives: total gun ban

Bayolente ba ang mga Pilipino?

Ipagpapatuloy ko lang ang pagsasabi-sabi tungkol sa karahasan sa Pilipinas na dulot ng mga baril, loose firearms to be eksak. (Pangangatawan ko na ang pagtalakay sa topic na ito ngayong Enero. May 2 posts pa akong natitira tungkol dito ūüėÄ )

Ayon sa isang statistic, kasama ang Pilipinas sa ranking ng “Worst Countries for Firearms Related Deaths” sa buong mundo. Hindi kasama sa ranking na ito ang mga bansang may kasalukuyang digmaan o giyera na nagaganap.

Death by Firearms Around the World (Source: Forbes.com)
1. El Salvador
2. Jamaica
3. Honduras
4. Guatemala
5. Swaziland
6. Colombia
7. Brazil
8. Panama
9. Mexico
10. Philippines
11. South Africa
12. United States

Mapapansin sa listahang ito na tayo lang ang galing sa Asia at mas mataas pa ang rate natin sa US.

Sa isa pang survey naman na ginawa ng GunPolicy.org, lumilitaw din na mas mataas ang rate ng gun homicide sa Pilipinas kesa sa US.

gunpolicyorg chart

Bakit ba kahit mga small-time holdaper na nanghoholdap ng mga pobreng pasahero ng dyip ay may baril? Para na lang bang celphone ang baril ngayon? Kapresyo na lang ba ng load ang mga bala ng baril?

Sa Pilipinas, ano ang kasiguruhan natin na hindi tayo malalagay sa ganitong mga pangyayari?

1. pagbagsak ng bala ng baril sa ating bubungan habang tayo ay natutulog
2. matamaan ng bala mula sa nagbabarilang pulis at kawatan sa kalsada
3. mabaril ng isang naghuhuramentadong siraulo sa kalye
4. maging sacrificial hostage ng mga masasamang loob
5. mapagkamalan ng mga gun for hire killers

Halimbawa bang maraming marami na tayong hawak na baril eh bababa na ang tsansa natin na ma-involve sa mga insidenteng nakasaad sa taas? Paano yung mga bata? Dapat na rin ba silang pabaunan ng baril kapag umaalis ng bahay?

Sapat na ang dami ng kolesterol na kinakain natin sa araw-araw para malagay tayo sa bingit ng kamatayan. Hindi na natin kelangan ng mga baril para dumagdag pa dito. Sa mga kinauukulan, sana naman po, mabigyan na natin ito ng pangmatagalan na solusyon.

So, bayolente ba ang mga Pilipino? Mahirap pa rin masabi, dahil naniniwala pa rin akong marami ang peace loving people sa ating mga kababayan.

Pero kung gusto mong maka-meet ng mga bayolente, subukan mong mag-post ng anti-Filipino message sa iyong twitter, facebook, instagram o youtube account.

hindi galit

Recommended Articles:

Advertisements

Kelangan Natin ng Kontrol

Gun control…kelangan natin ng gun control. Total gun ban man o mas pinaigting na gun control.

Meron akong bayaw na naholdap sa jeep. Tinutukan s’ya ng baril kaya hindi s’ya nakapalag. Buti na lang nakuhanan lang s’ya ng celphone at walang nangyaring¬†masama sa kanya pero ilang araw s’yang nasa state of shock pagkatapos ng insidenteng iyon.

Sa loob ng jeep. Mantakin mo ‘yon. Sa loob ng jeep?
Eh wala namang mayamang sumasakay ng jeep ah.
Kahit sa halagang 150 pesos yata eh pwede na ikamatay kung hindi ito ibibigay.

Kung sanang kutsilyo ang gamit ng mga kawatan eh madali pa silang matatakbuhan o pwede rin silang labanan kung mabilis ka sa kung fu.

Pero kapag baril ang hawak nila, sila ang hari.

Hindi ko pa rin alam kung paanong nangyari na mas madali magkaroon ng baril sa ating bansa na marami ang nagsasabing mahirap sila, nagugutom at walang pinagkakakitaan.

Ang alam ko ay nangangailangan pa rin ng pera para makakuha ng baril at hindi naman libre sa set ang mga bala. So, bakit marami ang may hawak na baril?

Walang may baril sa aming pamilya at last akong nakahawak ng baril ay nuong batang bata pa ako nang ipahawak ng aming kapitbahay ang kanyang 0.38 yata yun na baril sa akin.

Mabuti na lang at hindi ko ipinutok sa ulo n’ya ‘yung baril sa pag-aakalang laruan¬†lang ito. Ngayon ko lang naisip kung gaano ka-reckless ang ginawa n’yang iyon.

Kaya kung magkakaroon man ng total gun ban ay hindi apektado ang aking pamilya. Dahil wala nga kaming pag-aaring baril in the first place. ¬†Mula’t mula pa ay delikado na kami sa mga taong may legal o illegal na pag-aaring baril.

At sa tingin ko ay marami din ang mga katulad namin na pamilyang uunahin pang bumili ng pagkain kesa bumili ng mga baril at mga bala nito.

israel houses
dapat yata ang mga bahay sa pilipinas ay igaya sa mga bahay sa israel para walang tumagos na bala sa loob ng bahay (ginoogle na picture)

Marami ang tutol sa total gun ban lalo na yung nagkaroon na ng first hand encounter sa karahasan na laganap sa paligid natin.

Sinasabi ng ilan na hindi sagot ang total gun ban sa problema ng krimen. Na ang mga kriminal ay hahanap at hahanap pa rin ng ibang paraan para makapaghasik ng lagim, may baril man o wala.

Eh para saan pa yung total gun ban na ipinapatupad kapag election period?
Ano ba ang layunin ng patakarang ito? Hindi ba para pababain ang krimen?

Kung parati na lang walang silbi ang katwiran natin sa mga patakarang gustong ipatupad, mas mabuti kayang huwag na lang magpatupad ng kahit na anong batas ang ating pamahalaan?

Meron pang mga nagsasabi na kulang pa ang baril kaya nangyayari ang mga karahasang ito. Kung sakali bang bibigyan natin ang lahat ng mga tao ng access sa baril ay magiging ligtas na tayo at ang ating mga mahal sa buhay sa karahasan at pinsalang dulot ng mga baril?

Kaya kung matagumpay na maipapatupad ang gun ban sa election period, sana ipatupad na lang ito sa mas mahabang panahon. Mga 3 months before and after ng election. Bale 6 months na total gun ban sa buong Pilipinas every 3 years. O kaya, 1 entire year of total gun ban every election year.

Idagdag na rin yung total gun ban tuwing December at January.

Sa laganap na loose firearms, ang kaligtasan ng lahat ay hindi sigurado, law abiding citizen ka man, maimpluwensyang tao man, kahit na nga yung mga kawatan mismo.

Okay, everybody, repeat after me…

Walang saysay ang umasenso sa Pilipinas kung buhay natin ang kapalit nito
(Walang saysay ang umasenso sa Pilipinas kung buhay natin ang kapalit nito)

What’s fun sa Pilipinas kung lagi tayong may agam-agam sa ating kaligtasan
(What’s fun sa Pilipinas kung lagi tayong may agam-agam sa ating kaligtasan)

Walang kabuluhan ang humikayat ng mga dayuhang bumisita sa atin kung hindi na nga natin masiguro ang kaligtasan natin sa Pilipinas eh iisipin pa natin ang kanilang kaligtasan
(Ang haba naman…)

Recommended Blog Articles:

Isyu ng Karahasan

Ang isyu ng kriminalidad at karahasan ay kasing laki ng isyu ng katiwalian sa ating bansa. Wala akong statistical data sa bagay na iyan pero nang ipinanganak ako sa Pilipinas ay inabutan ko na ang mga ito at nananatili pa rin magpa-hanggang ngayon.

Nitong nakalipas na selebrasyon sa pagsapit ng bagong taon nangyari ang kalunus-lunos na pagkamatay ni Stephanie Nicole mula sa stray bullet.

Bagamat taun-taon na lang may namamatay sa stray bullet tuwing sinasalubong ang pagpasok ng bagong taon, napansin ko na mas maingay ang mga tao ngayon at ang media sa pagkondena ng pangyayaring ito.

Magandang indikasyon ito na hindi pa tuluyang namamanhid ang mga mamamayan sa karahasan na nangyayari sa ating paligid. Nakadagdag pa sa panawagan ng mahigpit na gun control ang mga insidente ng pamamaril sa Cavite kamakailan.

baril at mga bala
kapag may magka-away ba, barilan na kaagad? hindi ba pwedeng sapakan muna? (http://wallsdl.com/wallpaper/gun-guns-ammo/)

Hindi ko lang mawari kung bakit tila baga tahimik ang blogosperyo at ang maraming Pinoy Bloggers tungkol sa isyung ito.

Maraming nagpost ng kani-kaniyang opinyon tungkol sa Anti-Cybercrime Law at maging tungkol sa RH Bill (na isa ng batas ngayon) subalit hindi ko kinakikitaan ng parehong uri ng passion ang mga kapit-bloggers patungkol sa isyu ng karahasan o gun control sa ating bansa.

Naging kabi-kabila din ang mga post na pare-pareho ang topic nung pumasok sa finals si Jessica Sanchez sa American Idol, pati nung kumalat ang video ni Amalayer, at nung ma-knock out si Manny Pacquiao.

Pero nung maging maalingasngas ang usapin ng gun control recently eh halos wala akong namataang nagbo-blog ng reaksyon patungkol dito. Naiisip ko tuloy kung “taboo” ba ito sa blogosphere?

Bago lang ako sa pag-blog (9 months, baguhan pa bang matatawag iyon?) kaya hindi ko alam kung meron bang unwritten rule para huwag mag-express ng opinyon tungkol sa karahasan sa ating bansa partikular na sa mga karahasang involved ang loose firearms.

Medyo alangan tuloy akong gawing topic ito sa aking blog post. Pero bahala na. Hindi na popular na topic, kung hindi popular.

Ang post ko sa mga susunod na araw ngayong Enero ay tungkol sa usapin ng karahasan¬†sa ating bansa, kaya patatawarin po sa mga maaaring ma-offend ng paksang ito. Express n’yo na lang po ang inyong reaksyon sa comment section or ignore n’yo na lang po ako for 1 month ūüôā

Iba-iba ang opinyon natin patungkol sa karahasang dulot ng mga baril, pero naniniwala ako na napakaraming Pilipino pa rin ang pro-peace at anti-violence. Naniniwala akong lahat ng taong nasa tamang pag-iisip ay naghahangad na mabuhay ng ligtas at payapa sa Pilipinas.

Magandang pag-usapan ang isyung ito habang mainit pa dahil ilang weeks from now eh matatabunan lang ang isyung ito ng iba pang usapin. Mauungkat lang ulit kapag meron na namang kalagimang naganap.

Sana ay mas marami pang Pinoy Bloggers ang magpahayag ng kani-kanilang opinyon patungkol sa isyung ito ng karahasan sa ating bansa dulot man ng baril o karahasan in general.

Maiparinig sana natin ang ating boses sa kani-kaniya nating blog. Lahat tayo sampu ng ating mga mahal sa buhay ay potensyal na biktima ng karahasan sa ating bansa.

Nararapat lang na ipaalam natin sa madla, sa media at lalo na sa mga kinauukulan (na maaaring makabasa nito) ang katayuan, pananaw o panawagan natin para sa ligtas at
hindi bayolenteng Pilipinas.

warlord politicians
http://www.philstar.com/opinion/2012/11/06/863720/editorial-dismantle-them

Wala tayong private armies, wala tayong personal bodyguards, public transport lang ang marami sa atin. Hindi tayo nagpipirmi sa isang bullet proof na hawla. At tuwing lumalabas tayo, ang mga musmos nating anak, ang sweetheart natin, ang mga magulang natin, nae-expose tayo sa panganib ng karahasan sa Pilipinas.

Kahit nga nasa bahay lang, delikado na rin tayo sa mga panahong ito.

Ang isyu ng karahasan ay isyung umaapekto sa ating lahat at dapat nating i-pressure ang pamahalaan at lahat ng kinauukulan na gumawa ng mga hakbang para protektahan ang karapatan nating mabuhay ng ligtas at malayo sa krimen.

Sa mga hindi interesado sa topic na ito, isang taos puso pong paumanhin.