Tag Archives: philippine violence

Inuubos ang Negosyante sa Pilipinas

Exaggerated siguro pero totoo po ‘yan. Bukod sa mga journalists, parang inuubos na rin ang mga negosyante sa Pilipinas. Sa mga balitang sinusubaybayan ko, tila yata araw-araw eh may mga negosyanteng pinapatay.

negosyante sa pilipinas 1

Narinig mo na siguro yung sinasabi ng ilang mga financial advisors na hindi ka yayaman kung namamasukan ka lang. Ini-encourage nila ang mga tao na mag-negosyo at maging sarili nilang amo.

Magandang payo ito lalo na sa kalagayan ng Pilipinas ngayon na mataas ang unemployment rate.

Ang mga negosyante ay nakakabawas sa kumpetisyon ng mga naghahanap ng trabaho. At ang mga successful na negosyante naman eh nakakalikha pa ng mga bagong trabaho para i-hire ang mga taong naghahanap ng mapapasukan.

negosyante sa pilipinas 2

Bukod sa mga company employees na sapilitang nagbabayad ng buwis, isa din ang mga negosyante sa bumubuhay sa ekonomiya ng Pilipinas dahil sa kontribusyon nito sa pagdagdag ng trabaho, pagpapadaloy ng pera sa merkado, at sa mga binabayarang buwis ng mga entrepreneur.

Imagine, hindi ka nag-migrate sa ibang bansa. Nagsikap kang itaguyod at palaguin ang iyong negosyo para guminhawa ang iyong buhay at ng iyong mga mahal sa buhay. Nakakatulong ka sa ekonomiya at sa mga umaasa sa iyong negosyo. Pero sa kasamaang palad, papatayin ka lang ng mga:

  • karibal mong negosyante
  • salot na kriminal na magnanakaw
  • naiinggit sa tagumpay mo

Ang uri ng peace and order na meron sa ating bansa ay nangangailangan ng malaking improvement para sustentuhan ang anumang economic breakthroughs na sinasabing nakakamit natin.

negosyante sa pilipinas 3

Pag-isipan sanang mabuti at gastusan ng malaki ng ating Pamahalaan ang pagpapanatili ng kaligtasan hindi lang ng mga negosyante kundi pati ng mga pangkaraniwang mamamayan.

Ilan siguro sa mga pwedeng gawin ay ang mga sumusunod:

1. 24 hour police visibility
2. maraming malinaw na CCTV camera
3. paghihigpit ng pagbabantay ng mga guard sa mga subdivision at all times
4. pagpapataw ng mabigat na parusa sa mga mamamatay-tao
5. entrapment operations sa mga gun-for-hire killers
6. pondo para sa malaking pabuya at proteksyon sa mga witness o informants
7. mahigpit na pagpapatupad sa mga gun ban at illegal firearms

Sa dami ng matalino sa gobyerno, siguradong makaka-isip sila ng paraan para ayusin ang napaka-mapanganib na buhay sa Pilipinas.

Hangga’t hindi hinahanapan ng pangmatagalang solusyon ang kriminalidad at karahasan sa ating bansa ay asahan nating patuloy lang mamamatay ang maraming mga negosyante sa Pilipinas.

negosyante sa pilipinas 4

Ang mga news clippings na nakapaskil dito ay ilan lamang sa mga balita ng mga pinatay na negosyante para sa buwan ng Setyembre 2013.

Sana lahat ng mga biktima ng ganitong karahasan eh binibigyan ng full media coverage. Sana lahat ng mga kasong ito ay binibigyan ng 2 milyong piso na reward sa kanino mang makakapagbigay ng impormasyon para mahuli ang mga salarin. Kaya lang hindi. Pili lang ang mga nabibigyan ng atensyon para sa mabilisang paglutas.

Nuong Setyembre 20, 2013 lang ay isang buong mag-anak at mga kasambahay ang pinagpapatay sa isang subdivision sa Angeles City. Pinaghihinalaan na inggit sa negosyo ang motibo sa ginawang pagpatay. Wala pang nalalaman tungkol sa mga may-sala sa mga oras na sinusulat ito.

negosyante sa pilipinas 10

Ipagdasal po nating mahuli ang mga salarin sa mga kasong ganito at ayusin sana ng Pamahalaan ang peace and order sa ating bansa.

Photo Source:  Ang lahat ng mga news clippings sa itaas ay kinuha mula sa Pilipino Star Ngayon

Advertisements

Bayolente ba ang mga Pilipino?

Ipagpapatuloy ko lang ang pagsasabi-sabi tungkol sa karahasan sa Pilipinas na dulot ng mga baril, loose firearms to be eksak. (Pangangatawan ko na ang pagtalakay sa topic na ito ngayong Enero. May 2 posts pa akong natitira tungkol dito 😀 )

Ayon sa isang statistic, kasama ang Pilipinas sa ranking ng “Worst Countries for Firearms Related Deaths” sa buong mundo. Hindi kasama sa ranking na ito ang mga bansang may kasalukuyang digmaan o giyera na nagaganap.

Death by Firearms Around the World (Source: Forbes.com)
1. El Salvador
2. Jamaica
3. Honduras
4. Guatemala
5. Swaziland
6. Colombia
7. Brazil
8. Panama
9. Mexico
10. Philippines
11. South Africa
12. United States

Mapapansin sa listahang ito na tayo lang ang galing sa Asia at mas mataas pa ang rate natin sa US.

Sa isa pang survey naman na ginawa ng GunPolicy.org, lumilitaw din na mas mataas ang rate ng gun homicide sa Pilipinas kesa sa US.

gunpolicyorg chart

Bakit ba kahit mga small-time holdaper na nanghoholdap ng mga pobreng pasahero ng dyip ay may baril? Para na lang bang celphone ang baril ngayon? Kapresyo na lang ba ng load ang mga bala ng baril?

Sa Pilipinas, ano ang kasiguruhan natin na hindi tayo malalagay sa ganitong mga pangyayari?

1. pagbagsak ng bala ng baril sa ating bubungan habang tayo ay natutulog
2. matamaan ng bala mula sa nagbabarilang pulis at kawatan sa kalsada
3. mabaril ng isang naghuhuramentadong siraulo sa kalye
4. maging sacrificial hostage ng mga masasamang loob
5. mapagkamalan ng mga gun for hire killers

Halimbawa bang maraming marami na tayong hawak na baril eh bababa na ang tsansa natin na ma-involve sa mga insidenteng nakasaad sa taas? Paano yung mga bata? Dapat na rin ba silang pabaunan ng baril kapag umaalis ng bahay?

Sapat na ang dami ng kolesterol na kinakain natin sa araw-araw para malagay tayo sa bingit ng kamatayan. Hindi na natin kelangan ng mga baril para dumagdag pa dito. Sa mga kinauukulan, sana naman po, mabigyan na natin ito ng pangmatagalan na solusyon.

So, bayolente ba ang mga Pilipino? Mahirap pa rin masabi, dahil naniniwala pa rin akong marami ang peace loving people sa ating mga kababayan.

Pero kung gusto mong maka-meet ng mga bayolente, subukan mong mag-post ng anti-Filipino message sa iyong twitter, facebook, instagram o youtube account.

hindi galit

Recommended Articles:

Isyu ng Karahasan

Ang isyu ng kriminalidad at karahasan ay kasing laki ng isyu ng katiwalian sa ating bansa. Wala akong statistical data sa bagay na iyan pero nang ipinanganak ako sa Pilipinas ay inabutan ko na ang mga ito at nananatili pa rin magpa-hanggang ngayon.

Nitong nakalipas na selebrasyon sa pagsapit ng bagong taon nangyari ang kalunus-lunos na pagkamatay ni Stephanie Nicole mula sa stray bullet.

Bagamat taun-taon na lang may namamatay sa stray bullet tuwing sinasalubong ang pagpasok ng bagong taon, napansin ko na mas maingay ang mga tao ngayon at ang media sa pagkondena ng pangyayaring ito.

Magandang indikasyon ito na hindi pa tuluyang namamanhid ang mga mamamayan sa karahasan na nangyayari sa ating paligid. Nakadagdag pa sa panawagan ng mahigpit na gun control ang mga insidente ng pamamaril sa Cavite kamakailan.

baril at mga bala
kapag may magka-away ba, barilan na kaagad? hindi ba pwedeng sapakan muna? (http://wallsdl.com/wallpaper/gun-guns-ammo/)

Hindi ko lang mawari kung bakit tila baga tahimik ang blogosperyo at ang maraming Pinoy Bloggers tungkol sa isyung ito.

Maraming nagpost ng kani-kaniyang opinyon tungkol sa Anti-Cybercrime Law at maging tungkol sa RH Bill (na isa ng batas ngayon) subalit hindi ko kinakikitaan ng parehong uri ng passion ang mga kapit-bloggers patungkol sa isyu ng karahasan o gun control sa ating bansa.

Naging kabi-kabila din ang mga post na pare-pareho ang topic nung pumasok sa finals si Jessica Sanchez sa American Idol, pati nung kumalat ang video ni Amalayer, at nung ma-knock out si Manny Pacquiao.

Pero nung maging maalingasngas ang usapin ng gun control recently eh halos wala akong namataang nagbo-blog ng reaksyon patungkol dito. Naiisip ko tuloy kung “taboo” ba ito sa blogosphere?

Bago lang ako sa pag-blog (9 months, baguhan pa bang matatawag iyon?) kaya hindi ko alam kung meron bang unwritten rule para huwag mag-express ng opinyon tungkol sa karahasan sa ating bansa partikular na sa mga karahasang involved ang loose firearms.

Medyo alangan tuloy akong gawing topic ito sa aking blog post. Pero bahala na. Hindi na popular na topic, kung hindi popular.

Ang post ko sa mga susunod na araw ngayong Enero ay tungkol sa usapin ng karahasan sa ating bansa, kaya patatawarin po sa mga maaaring ma-offend ng paksang ito. Express n’yo na lang po ang inyong reaksyon sa comment section or ignore n’yo na lang po ako for 1 month 🙂

Iba-iba ang opinyon natin patungkol sa karahasang dulot ng mga baril, pero naniniwala ako na napakaraming Pilipino pa rin ang pro-peace at anti-violence. Naniniwala akong lahat ng taong nasa tamang pag-iisip ay naghahangad na mabuhay ng ligtas at payapa sa Pilipinas.

Magandang pag-usapan ang isyung ito habang mainit pa dahil ilang weeks from now eh matatabunan lang ang isyung ito ng iba pang usapin. Mauungkat lang ulit kapag meron na namang kalagimang naganap.

Sana ay mas marami pang Pinoy Bloggers ang magpahayag ng kani-kanilang opinyon patungkol sa isyung ito ng karahasan sa ating bansa dulot man ng baril o karahasan in general.

Maiparinig sana natin ang ating boses sa kani-kaniya nating blog. Lahat tayo sampu ng ating mga mahal sa buhay ay potensyal na biktima ng karahasan sa ating bansa.

Nararapat lang na ipaalam natin sa madla, sa media at lalo na sa mga kinauukulan (na maaaring makabasa nito) ang katayuan, pananaw o panawagan natin para sa ligtas at
hindi bayolenteng Pilipinas.

warlord politicians
http://www.philstar.com/opinion/2012/11/06/863720/editorial-dismantle-them

Wala tayong private armies, wala tayong personal bodyguards, public transport lang ang marami sa atin. Hindi tayo nagpipirmi sa isang bullet proof na hawla. At tuwing lumalabas tayo, ang mga musmos nating anak, ang sweetheart natin, ang mga magulang natin, nae-expose tayo sa panganib ng karahasan sa Pilipinas.

Kahit nga nasa bahay lang, delikado na rin tayo sa mga panahong ito.

Ang isyu ng karahasan ay isyung umaapekto sa ating lahat at dapat nating i-pressure ang pamahalaan at lahat ng kinauukulan na gumawa ng mga hakbang para protektahan ang karapatan nating mabuhay ng ligtas at malayo sa krimen.

Sa mga hindi interesado sa topic na ito, isang taos puso pong paumanhin.