Bakit Dapat Matutong Magtrabaho ang Kabataan Habang Nag-aaral Pa

Mula elementary, highschool hanggang mag-college ay naranasan ko ang mag-trabaho habang nag-aaral. Well actually, habang bakasyon sa pag-aaral. Atsaka hindi naman heavy labor at hindi rin full-time.

Masarap ang feeling ng kumikita ng sariling pera. Hindi ako pressured manghingi ng pera sa mga magulang ko kapag may kailangan akong bilhin at nasusustentuhan ko pa ang mga personal kong bisyo.

magtrabaho habang bata

okay lang magtrabaho habang nag-aaral pa (fb.com/JollibeePhilippines)

Ang mga bisyong pinagkakagastusan ko nung estudyante pa lang ako eh komiks, meryenda, komiks, mga gamit pang-drawing, komiks, album ng gusto kong music artist atsaka komiks.

Nasabi ko na bang mahilig ako sa komiks?

Anyway, marami akong natutunan sa aking pagtatrabaho ng part-time sa murang edad. At nais kong i-share ito sa lahat ng mga kabataang dumadaan dito at ginagawang reference para sa kanilang assignment ang blog na ito.

Ang mga magagandang bagay na naidudulot ng pagtatrabaho habang bata pa:

1. Tulong sa pamilya

Kay laki ng pasalamat ng mga magulang kung mapapagaan mo ang kanilang mga gastusin. Kapag may sarili kang pera, pwedeng sagutin mo na ang sarili mong pamasahe, pambili ng ilang gamit sa eskwela o kaya eh pang-photocopy ng mga assignment ng iyong kaklase, este lecture pala.

Matututo ka rin maging independent kung hindi mo iaasa sa iyong mga magulang ang lahat ng iyong mga financial needs. Kahit na anak ka pa ng isang politician.

2. Dagdag pocket money

Kung hindi mayaman ang iyong mga magulang at sapat lang pang-banana cue ang kaya mong bilhin sa baon mo, magpasalamat ka pa rin.

Natutustusan pa rin ang iyong pag-aaral at nakakapag-meryenda ka pa samantalang marami sa ating mga kababayan ang hindi man lang makatuntong sa paaralan dahil sa kahirapang dulot ng katiwalian ng mga walanghiya nating corrupt government officials na paboritong iboto ng publikong nagpapabulag sa panloloko ng mga pulitikong ito.

Nasaan na ‘ko?
Ah okay, naalala ko na.

As I was saying, kung may sarili kang pera, kahit paminsan-minsan eh magagawa mong makapag-meryenda sa McDo o kaya sa Congo Grille. Wag mo lang dadalasan.

3. Preparation para sa totoong pagtatrabaho

Hindi ko alam ang feeling ng first time na magtatrabaho pagka-graduate kasi marami na akong experience magtrabaho nung nag-aaral pa lang ako.

Pero base sa mga nakita ko sa mga kaklase kong first time pa lang sa buong buhay nila maghanap at pumasok sa trabaho, parang napakalaking chapter ng buhay ang kanilang papasukin. Parang tatalon sila ng bangin para makapunta sa kabilang ibayo.

Kaya mas maganda na habang bata ka pa, tingnan mo na kung paano ang buhay ng nagtatrabaho. At least habang nag-aaral eh medyo alam mo na kung ano ang naghihintay sa iyo pagka-graduate.

4. Training sa pakikipag-kapwa-tao

Ang maganda sa buhay estudyante, mapipili mo kung sino ang mga pakikisamahan mo. Kung sino ang sasabayan mo sa pagkain, kung sino ang sasabayan mong umuwi o kaya sino ang pagkakatiwalaan mo ng mga laman ng bag mo.

Pero pag nagta-trabaho ka na, iba-iba na ang edad. Iba-iba na ang ugali. Iba-iba na ang mga preferences. At madalas, hindi mo mapipili kung sino ang makakatrabaho mo.

Habang bata pa, magandang ma-expose ka na sa ganitong environment para hindi ka masyadong ma-shock kapag totoo na. Sa isip mo, alam mo na ang aasahan mo at may paghahanda ka nang magagawa.

5. Training sa paghawak sa pera

Kapag tumatanggap lang tayo ng pera, nate-take for granted natin ang ating mga biyaya at yung pinanggagalingan ng biyaya. Pero kung mararanasan mo ang kumita ng pera mula sa sarili mong pagpapagod, magkakaroon ka ng ibayong perspective sa pera. Mas papahalagahan mo na ang value ng pera.

Higit sa lahat, maa-appreciate mo rin ang ginagawa ng iyong mga magulang para maitaguyod ang inyong pamilya sa pamamagitan ng pagsisikap nilang kumita ng pera.

6. Training sa responsibilidad

Kapag nagtatrabaho ka, meron kang amo. Siya ang magbibigay ng sweldo sa ‘yo kaya kung meron mang mali sa iyong mga ginagawa, sa kanya ka mananagot.

Sa pagtatrabaho, matututunan mo ang magkaroon ng sense of responsibility. Pero hindi lahat ng nagtatrabaho ay nagiging responsableng tao. Magka-iba yun.

7. Credentials pag naghahanap ng trabaho

Bukod sa aking pagiging ubod ng gandang lalake ay naisip ko na kaya siguro agad ako natatanggap sa mga inaaplyan kong trabaho ay dahil sa aking wide variety of work experiences.

Kahit gaano kababaw o kaikli yung previous work experience mo, mas pagkakatiwalaan kang i-hire ng mga kumpanya kung alam nilang naranasan mo na ang magtrabaho dati.

Imagine kung ikaw ang naghahanap ng trabahador para sa iyong kumpanya. Pipiliin mo ba yung baguhan kesa sa meron nang konting nalalaman?

Kung pareho lang ang perang ibibigay mo sa trabahador, mas pipiliin mo syempre yung napatunayan na ang pagiging marunong magtrabaho.

8. Pampatay ng oras pag bakasyon

Mas maganda na yung hindi ka nakatambay lang sa bahay at nauutusan lagi ng nanay mo. Kapag bakasyon, maghanap ka ng trabaho. Hindi na nasasayang ang oras mo, may pera ka pa, may natututunan ka pang mga bagong bagay.

9. Pantustos sa mga bilihing hindi importante sa buhay

Gaya ng nabanggit na sa una, kung sapat lang ang kinikita ng iyong mga magulang para sa inyong pangangailangan, wala ng puwang pa para gumastos para sa mga luho. Pero kung magtatrabaho ka at kikita ng sarili mong pera, magagastusan mo ang iba mong mga interes, gaya ng komiks halimbawa.

10. Paglawak ng kaalaman sa labas ng eskwela

Kapag isa kang professional na estudyante, yung buong 12 years ng buhay mo eh ang alam mo lang sa buhay mo ay maging estudyante, nakakatakot nang mag-graduate.

Paaralan na ang iyong comfort zone at alien planet ang labas ng eskwela. Pero marami pang adventures at kapana-panabik na karanasan ang naghihintay sa labas ng paaralan.

Kung magtatrabaho ka habang nag-aaral, malalaman mong hindi pala nakakatakot ang buhay sa labas ng eskwela. Malalaman mong hindi pa pala katapusan ng buhay kapag graduate ka na.

Kung gusto mong kumita kahit bata pa, hindi ito imposible. Wag ka lang papasok sa mga illegal na gawain at yung malalagay sa peligro ang iyong personal na kaligtasan at kalusugan.

At yung hindi rin masasakripisyo ang iyong pag-aaral, siyempre.

Advertisements


Categories: Halu-halo

Tags: , , , , , , , , , ,

2 replies

  1. My sister said she and a friend applied for summer job at McDonald’s when she was a high school student in the Philippines. Their applications were rejected because ” there are people more in need of jobs “. They asked how did he know they didn’t need a job, … he said you’re both students of St. Scholastica’s College. So, there you go, DP. By the way, here in the US, I have not met a student who doesn’t have a part-time job. My classmate who drives a Benz works as a waitress.

    • your sister and her friend was unfortunate to encounter this employer. i’m sure they would have been hired by other food chains who are not “choosy” 🙂

      more young people in the philippines should also find part-time jobs like they do in the US. it’s not just the money but the things they can learn by working.

Mag-iwan ng mensahe

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: