Tag Archives: pag-aaral sa kolehiyo

Ano’ng Magandang Gawin Pagka-Graduate ng College?

Ano ba ang magandang gawin pagka-graduate ng College?

Mamasyal? Pwede.
Magpakasal na sa boyfriend/girlfriend? Pwede.
Magtambay muna ng ilang buwan sa bahay? Pwede rin.

Pero para sa iba, hindi na itinatanong kung ano ang gagawin pagka-graduate ng College. “Eh di maghanap na agad ng trabaho!”, ang naka-ready na sagot ng maraming graduates.

graduating student

Oo nga naman, dito sa Pilipinas, ano ba’ng dahilan kung bakit nag-aaral ang karamihan sa mga kabataan? Hindi naman para matuto, di ba? Mga abnormal lang na tao ang nag-aaral para matuto, di ba? 😀 Nag-aaral ang maraming tao sa Pilipinas para makahanap ng magandang trabaho na may magandang pasweldo para makapamuhay ng disente para gumaan ang buhay.

Pero magtrabaho na nga ba agad ang pinakamagandang kasunod na dapat gawin pagka-graduate sa eskwela?

Kung walang-wala na talaga at ikaw na lang ang inaasahan ng mga magulang mo para ihango ang buong pamilya ninyo sa kahirapan eh mabuti nga sigurong magtrabaho ka na agad.

Pero kung kaya pa ng iyong utak, at kaya ka pa naman sustentuhan nina Mommy at Daddy, I suggest, mag-aral ka pa muna.

HUWAAATT????!!! Mag-aral ulet??? Baliw ka ba, RP? Mahigit 10 years na akong nag-aaral! Sukang-suka na ako sa mga libro! Banas na banas na ako sa mga titser! Kating-kati na ako makahawak ng perang pinagtrabahuhan ko! Tapos, mag-aaral pa ako ulit?! Tao ka ba, RP?! Tao ka ba???!!

Yes, tao ako and please kalma lang and read on.

Narito ang ilan sa mga maaari mong gawin pagkatapos mong mag-aral:

  1. Mag-aral ng vocational course sa Tesda – magbibigay ito sa iyo ng mga karagdagang skills na pwede mong magamit pang-akit sa iba’t ibang kumpanya. Hindi masyadong pressure dito kagaya nang pag-aaral sa elementary, highschool o college. Mas mura din dito at minsan nga ay pwede ka pang makalibre ng pag-aaral.
  2. Mag-aral ka muna para sa Board o Licensure Exam – kung kailangan ito para sa tinapos mong kurso, magandang mag-test ka na agad ng board exam habang fresh pa sa iyo ang mga pinag-aralan mo sa Kolehiyo. Marami ka ring pwedeng makasabay na mga kaklase. Mas masaya mag-review at magtest na may kasama kesa sariling sikap lahat. Mas nakakatamad mag-aral at lumiliit ang chance mong makapasa kung magte-take ka ng board exam 2 or more years after mong mag-graduate sa College.
  3. Kumuha ka ng Masteral Degree – base sa iyong kurso, pwede kang kumuha ng Master’s Degree para maging espesyalista ka sa iyong larangan. Mas malaki ang bentahe ng mga may Masteral Degree kesa sa mga hindi na kumuha pa nito. Kung gusto mong magturo sa paaralan, as sideline or full-time, malaki ang tsansa mong matanggap kung may Master’s Degree ka. Mas mataas na pinag-aralan, mas maraming opportunity ang nagiging available para sa iyo.
  4. Mag-aral ng ibang kurso – bilang karagdagan sa iyong credentials, malaki ang maitutulong sa iyong career kung meron kang natapos na iba pang kurso. Halimbawang tapos ka na ng Civil Engineer eh tapos ka pa ng Electrical Engineer, aba eh saan pa pupunta yung mga nagpapakontrata kundi sa ‘yo? Hindi na sila maaabala maghanap ng iba’t ibang Engineer para sa proyekto nila. Ikaw lang, sapat nang punan ang mga pangangailangan nila.
  5. Mag-aral sa ibang bansa – pwede namang mag-aral sa ibang bansa nang libre basta qualified ka. Halimbawa sa Japan, sa Australia o sa Germany. Eh di namamasyal ka na, makakatapos ka pa ng pag-aaral sa ibang bansa, may allowance ka pang pwedeng ipunin galing sa foreign country. Grabe, ang lupet mo nun!
  6. Mag-aral habang nagtatrabaho – kung excited ka na magtrabaho, okay fine. Pero how about mag-aral ka habang nagta-trabaho? Pwede mo nang kunin yung matagal mo nang pangarap na course kung may pang-sustento ka na sa sarili mong pag-aaral. Pwede ka na rin mag-aral sa pangarap mong school (kung kaya ng budget). Makakatulong ang karagdagang edukasyon para madali kang makalipat sa greener pastures.
  7. Magpalipas muna ng ilang panahon at mag-aral muli – pwede kang magtrabaho muna, mamasyal muna, mag-asawa muna, etc. pero bumalik ka sa pag-aaral. Sa buhay naman eh lagi tayong nag-aaral kaya why not dagdagan na din ang iyong Educational background para lalo kang maging “sharp”? (Huwag natin gamitin yung word na “matulis”, iba yung meaning nun eh :D)

Sa lahat ng mga suggestion na nabanggit, nandun lagi ang pag-aaral. Kasi sa panahon ngayon, hindi na sapat ang elementary graduate, highschool graduate o college graduate. Hinahanap na ngayon sa ilang mga kumpanya ang mga may masteral degree. Balang araw siguro, ire-require naman ng mga kumpanya eh yung may PhD 😀

Of course, ang lahat ng ito ay mga suggestion lang naman.

Maraming mga College dropouts ang nagtagumpay sa buhay at tumiba ng limpak na limpak na salapi sa kanilang buhay. So, kagaya ng ibang mga desisyon sa buhay, ang karagdagang pag-aaral man eh isa sa mga diskarteng pwede mong subukan.

References:
Advertisements

Paano Makapasa sa Engineering Kahit Hindi Ka Genius

Sabi nila genius lang daw ang kumukuha ng engineering.
Sabi nila magagaling lang sa math ang nakakapasa sa engineering.
Sabi nila dapat analytical ka mag-isip para mag-survive sa engineering.

Isang malaking KALOKOHAN!

engineering math
first 2 years mo pa lang sa engineering, makakakita ka na ng ganito…

May kilala akong highschool student ilang dekada na ang nakakalipas. Average student lang s’ya. Okay ang mga grades n’ya sa maraming subjects maliban sa math. Tuwing lumalabas ang report cards, pinakamababang subject n’ya lagi ay math.

Weakness n’ya ang math. Bwisit na bwisit s’ya sa math.

Nung magtapos s’ya ng highshool, hulaan mo kung ano ang kinuha n’yang course sa college? Tama, engineering! Civil Engineering pa nga eh to be exact.

Naisip kasi n’ya nuon na ang Engineering ay hindi nalalaos na propesyon. At tama s’ya. Ang mga engineers, ano mang field sila nag-especialize ay hindi nawawala sa uso. Kahit saang bansa ay kinakailangan ang mga engineers.

Dahil nanggaling sa mahirap na pamilya, naisip ng estudyanteng ito na magandang investment para sa kanyang kinabukasan kung makakapagtapos s’ya ng engineering. Kaya kahit alam n’yang hindi s’ya nage-excel sa math, kumuha pa rin s’ya ng engineering at hinarap ang isa sa mga kinatatakutan n’ya sa buhay – ang subject na math!

Hindi kailangang maging genius, analytical mag-isip o maging magaling sa math para mag-survive sa engineering.

Narito ang ilang tips kung paano makapasa sa kursong Engineering.

  1. Don’t sweat the minor subjects. Huwag ipag-walang-bahala ang mga minor subject. Kahit na maliliit lang ang mga units nito, panghatak din ito ng overall grades. At kung sakaling maisipan mong lumipat ng course, at least make-credit pa ang mga ito at hindi mo na kelangang kunin ulit.
  2. Mag-advance study. Kung may kilala kang estudyante na ahead sa iyo ng one o two years, hiramin / hingin / bilhin mo yung mga luma n’yang notes at test papers. Pag-aralan mo yung mga major subjects (Trigonometry, Algebra, Calculus, Differential Equations, etc., etc.) ahead of time para may panahon ang utak mo na i-absorb ang mga mahihirap na bagay na bubunuin nito sa malapit na hinaharap.
  3. Mag-aral mag-isa. Importanteng mag-aral muna mag-isa para malaman mo kung ano ang mga bagay na hindi mo alam at dapat mong pagtuunan ng pansin. Subukan mong mag-set aside ng sapat na oras para tingnan ang iyong mga notes, sumagot ng mga practice problems at ilista ang mga hindi mo naiintindihan.
  4. Mag-group study. Importante ang group study dahil nakakapag-share kayo ng mga alam ninyo at hindi ninyo alam. Pwede kayong mag-set ng iyong mga kaibigan ng oras, araw at lugar kung saan maggu-group study.
  5. Practice solving as many problems as possible. Para sa mga mahihina sa math, hindi sapat ang isa o dalawang practice problems para masabing kabisado mo na ang formula o ang isang computation method. Kailangan mong sumagot ng sangkatutak na problema na may iba’t ibang kundisyon at sitwasyon bago ka maging confident na alam mo na nga gamitin ang nasabing mathematical formula.
  6. Kabisaduhing mabuti ang sariling calculator. Ang pagpili ng calculator ay parang pagpili ng mapapangasawa. Pakaisipin mo munang mabuti kung ano ang pipiliin mo dahil matagal kayong magsasama. At kapag nakapili ka na ng right calculator for you, see to it na makikilala mo ang lahat-lahat tungkol sa kanya. Alamin mong mabuti ang mga special functions n’ya, ang mga shortcuts, weaknesses and strengths. Pati yung mga secondary/tertiary button functions n’ya, alamin mo lahat as time passes. Commit to your calculator. Take good care of it. And it will not let you down.
  7. Durings tests, sagutin agad ang mga madaling problema. May mga nagpapayo na unahin muna daw ang mahihirap na questions sa mga test pero I never believed in that. Paramihan ng points ang test. Kaya para sa akin, answer as many problems as you can. Unahin muna ang mga madadali at tapusin ang mga ito as early as possible. Then, move on sa mga mahihirap at mabibigat na problema. Dun mo na ubusin ang oras mo. Hindi mo man matapos sagutin yung heavy problems, at least may points ka pa rin galing dun sa madadali.
  8. Kaibiganin ang mga henyo sa math. Tanggapin na natin na life is unfair. May mga gifted talaga sa math. Sila ang mga rockstar sa engineering. Pero don’t be bitter. Hindi naman komo lapitin sila ng mga magagandang kadalagahan o poging kalalakihan dahil magaling sila sa math eh wala na silang panahon sa ‘yo. Befriend them, be nice to them. Then, magtanong ka sa kanila paminsan-minsan tungkol sa mga hindi mo naiintindihan sa math.
  9. Unahin ang pag-aaral kesa sa anumang bagay. No need to explain. Gusto mong pumasa sa engineering nang walang bagsak? Bigyan mo ng mataas na priority ang pag-aaral at paghahanda para sa mga exams.
  10. Magdasal. Humingi ng talino, sipag, disiplina at pasensya sa ating Lumikha. Kahit mahina ka sa math, miracles can help you. Pero yung hindi ka mag-aaral at magdadasal ka na maipasa mo ang test, kahibangan yun on your part. Walang himalang mangyayari.

At sa habag at kabutihan ng ating Poong Lumikha, nag-graduate nga ang pobreng estudyante sa ating kuwento nang walang bagsak at minsan pa nga eh with flying colors. Yes, hindi rin n’ya kinailangang mangopya kapag merong test.

Hindi ko sasabihin na ako ang estudyanteng tinutukoy ko sa post na ito dahil ayokong amining mahina ako sa math.

Pero ang gusto ko lang sabihin ay hindi lang mathematical skills ang kailangan para magtagumpay sa math. Lalo na sa kursong kagaya ng engineering.

Hindi sapat na dahilan ang mahina ka sa math kaya igi-give-up mo na ang engineering course. Magagamit mo ang iba mong mga kakayahan at strong points para suportahan ang pag-aaral mo ng engineering. Medyo kailangan mo lang ng mas maraming oras para mag-aral kumpara sa mga gifted sa math.

Sa lahat ng nais maging engineer balang araw, hindi imposibleng mag-graduate sa engineering kahit na mahina ka sa math.

Marami ang kumukuha ng engineering, nagga-graduate, nakakapasa sa board exam at nakakahanap ng trabaho taun-taon kahit hindi magaling sa math.

Narito ang listahan ng grades na nagpapatunay sa aking mga sinasabi.

sample enginering grades
grades ng isang engineering student na mahina sa math…