Tag Archives: magandang balita

Bayolenteng Jokes, Hihigpitan ng MTRCB

Quezon City, Philippines – Hihigpitan ng MTRCB ang paggamit ng mga salitang bayolente sa mga palabas o programang may layuning mang-aliw sa pelikula at telebisyon. Partikular na nais higpitan ng ahensya ay ang paggamit ng mga “bayolenteng jokes”.

Ayon sa bagong regulasyon na ilalabas ng MTRCB, ilang maseselang mga salita na hindi angkop sa mga batang manonood ang nais nilang higpitan sa media. Ilan sa mga salitang ito ay may kinalaman sa mga karahasan kagaya ng “murder” (pagpatay), “robbery” (pagnanakaw), “arson” (panununog), “bombing” (pagpapasabog), at “rape” (panggagahasa). (Makikita ang kumpletong listahan ng mga salita sa MTRCB website.)

Napagpasyahan ng MTRCB na bigyan ng regulasyon ang paggamit ng mga bayolenteng salita sa pagpapatawa at/o ibang paraan ng entertainment na ipinapalabas sa telebisyon o pelikula bunsod na rin sa mga reklamong natatanggap nito mula sa maraming mga magulang.

Sinabi naman ng ahensya na hindi magiging saklaw ng regulasyon ang mga palabas o programang may kinalaman sa pagbibigay ng balita, dokumentaryo o informative ang format.

MTRCB Chairman Eugenio Toto Villareal
MTRCB Chairman Eugenio Villareal
(mula sa MTRCB fb page)

Sinabi ni Eugenio Villareal, Chairman ng MTRCB, “We should be sensitive to the feelings of people who have been victims of these kinds of violence. We should never take these things lightly. It will be very callous for us to even use these words as laughing matter.”

(Tagalog: Dapat tayong maging sensitibo sa damdamin ng mga taong naging biktima ng mga karahasang ito. Hindi ito dapat tratuhin ng magaan. Napaka-manhid naman natin kung gagawin nating katatawanan ang mga bagay na ito.”)

Pinag-aaralan ngayon ng ilang mambabatas kung paano pa mapapalawak sa radyo at mga babasahin ang regulasyon sa paggamit ng mga bayolenteng salita.

Ngayon pa lang ay inaasahan na ng MTRCB na ilang mga palabas, gaya ng Bubble Gang at Gandang Gabi Vice, ang magpo-protesta laban sa bagong regulasyon na ito.

************************************************************************

Sa kasamaang palad, ang balitang ito ay kathang-isip at gawa-gawa lamang.

Advertisements

Corruption Ranking ng Pilipinas

July 2014 Update – In fairness, ang layo na ng nilundag natin sa latest Corruption Index ng Transparency International, ha? Kumpara sa puwesto natin nung 2008, masasabi nating nagi-improve ang perception sa atin ng ibang bansa with regards to corruption.

Heto ang kinolekta kong resulta mula sa Transparency International. Ang ayos ng ranking ay nagsisimula sa mga bansang hindi corrupt at habang tumataas ang perception ng katiwalian ng bansa ay bumababa naman ito ng ranggo sa listahan.

Makikita na ang perception ng katiwalian sa Pilipinas ay nababawasan. Totoo kaya ito? Ilang daang taon pa kaya ang gugugulin para mapunta tayo sa Top 20 least corrupt countries?

Sana naman pati ang krimen eh bumaba na rin. I-click ang chart para mabasa ng mas malinaw.

corruption ranking of the philippines
tinipong resulta at pagkukumpara mula sa data ng Transparency International

Reference: Transparency International

Related Posts: