Tag Archives: fresh graduates

Ano’ng Magandang Gawin Pagka-Graduate ng College?

Ano ba ang magandang gawin pagka-graduate ng College?

Mamasyal? Pwede.
Magpakasal na sa boyfriend/girlfriend? Pwede.
Magtambay muna ng ilang buwan sa bahay? Pwede rin.

Pero para sa iba, hindi na itinatanong kung ano ang gagawin pagka-graduate ng College. “Eh di maghanap na agad ng trabaho!”, ang naka-ready na sagot ng maraming graduates.

graduating student

Oo nga naman, dito sa Pilipinas, ano ba’ng dahilan kung bakit nag-aaral ang karamihan sa mga kabataan? Hindi naman para matuto, di ba? Mga abnormal lang na tao ang nag-aaral para matuto, di ba? 😀 Nag-aaral ang maraming tao sa Pilipinas para makahanap ng magandang trabaho na may magandang pasweldo para makapamuhay ng disente para gumaan ang buhay.

Pero magtrabaho na nga ba agad ang pinakamagandang kasunod na dapat gawin pagka-graduate sa eskwela?

Kung walang-wala na talaga at ikaw na lang ang inaasahan ng mga magulang mo para ihango ang buong pamilya ninyo sa kahirapan eh mabuti nga sigurong magtrabaho ka na agad.

Pero kung kaya pa ng iyong utak, at kaya ka pa naman sustentuhan nina Mommy at Daddy, I suggest, mag-aral ka pa muna.

HUWAAATT????!!! Mag-aral ulet??? Baliw ka ba, RP? Mahigit 10 years na akong nag-aaral! Sukang-suka na ako sa mga libro! Banas na banas na ako sa mga titser! Kating-kati na ako makahawak ng perang pinagtrabahuhan ko! Tapos, mag-aaral pa ako ulit?! Tao ka ba, RP?! Tao ka ba???!!

Yes, tao ako and please kalma lang and read on.

Narito ang ilan sa mga maaari mong gawin pagkatapos mong mag-aral:

  1. Mag-aral ng vocational course sa Tesda – magbibigay ito sa iyo ng mga karagdagang skills na pwede mong magamit pang-akit sa iba’t ibang kumpanya. Hindi masyadong pressure dito kagaya nang pag-aaral sa elementary, highschool o college. Mas mura din dito at minsan nga ay pwede ka pang makalibre ng pag-aaral.
  2. Mag-aral ka muna para sa Board o Licensure Exam – kung kailangan ito para sa tinapos mong kurso, magandang mag-test ka na agad ng board exam habang fresh pa sa iyo ang mga pinag-aralan mo sa Kolehiyo. Marami ka ring pwedeng makasabay na mga kaklase. Mas masaya mag-review at magtest na may kasama kesa sariling sikap lahat. Mas nakakatamad mag-aral at lumiliit ang chance mong makapasa kung magte-take ka ng board exam 2 or more years after mong mag-graduate sa College.
  3. Kumuha ka ng Masteral Degree – base sa iyong kurso, pwede kang kumuha ng Master’s Degree para maging espesyalista ka sa iyong larangan. Mas malaki ang bentahe ng mga may Masteral Degree kesa sa mga hindi na kumuha pa nito. Kung gusto mong magturo sa paaralan, as sideline or full-time, malaki ang tsansa mong matanggap kung may Master’s Degree ka. Mas mataas na pinag-aralan, mas maraming opportunity ang nagiging available para sa iyo.
  4. Mag-aral ng ibang kurso – bilang karagdagan sa iyong credentials, malaki ang maitutulong sa iyong career kung meron kang natapos na iba pang kurso. Halimbawang tapos ka na ng Civil Engineer eh tapos ka pa ng Electrical Engineer, aba eh saan pa pupunta yung mga nagpapakontrata kundi sa ‘yo? Hindi na sila maaabala maghanap ng iba’t ibang Engineer para sa proyekto nila. Ikaw lang, sapat nang punan ang mga pangangailangan nila.
  5. Mag-aral sa ibang bansa – pwede namang mag-aral sa ibang bansa nang libre basta qualified ka. Halimbawa sa Japan, sa Australia o sa Germany. Eh di namamasyal ka na, makakatapos ka pa ng pag-aaral sa ibang bansa, may allowance ka pang pwedeng ipunin galing sa foreign country. Grabe, ang lupet mo nun!
  6. Mag-aral habang nagtatrabaho – kung excited ka na magtrabaho, okay fine. Pero how about mag-aral ka habang nagta-trabaho? Pwede mo nang kunin yung matagal mo nang pangarap na course kung may pang-sustento ka na sa sarili mong pag-aaral. Pwede ka na rin mag-aral sa pangarap mong school (kung kaya ng budget). Makakatulong ang karagdagang edukasyon para madali kang makalipat sa greener pastures.
  7. Magpalipas muna ng ilang panahon at mag-aral muli – pwede kang magtrabaho muna, mamasyal muna, mag-asawa muna, etc. pero bumalik ka sa pag-aaral. Sa buhay naman eh lagi tayong nag-aaral kaya why not dagdagan na din ang iyong Educational background para lalo kang maging “sharp”? (Huwag natin gamitin yung word na “matulis”, iba yung meaning nun eh :D)

Sa lahat ng mga suggestion na nabanggit, nandun lagi ang pag-aaral. Kasi sa panahon ngayon, hindi na sapat ang elementary graduate, highschool graduate o college graduate. Hinahanap na ngayon sa ilang mga kumpanya ang mga may masteral degree. Balang araw siguro, ire-require naman ng mga kumpanya eh yung may PhD 😀

Of course, ang lahat ng ito ay mga suggestion lang naman.

Maraming mga College dropouts ang nagtagumpay sa buhay at tumiba ng limpak na limpak na salapi sa kanilang buhay. So, kagaya ng ibang mga desisyon sa buhay, ang karagdagang pag-aaral man eh isa sa mga diskarteng pwede mong subukan.

References:
Advertisements

Job Interview Tips Para sa Bagong Graduates (Part 1/2)

Hello fresh graduates.
Wini-welcome ko na kayo in advance sa real world.

MUWAHAHAHAHAHAHA!!!!
BWAHAHAHAHAHA!!!

Wala lang, feel ko lang maglabas ng carbon monoxide.
Este, dioxide pala.

Bilang bagong graduates, as soon as possible ay dapat makapag-move on na kayo sa pagiging estudyante. I-dilute na dapat agad ang hangover mula sa student life at tanggapin ang mapait na katotohanang tapos na ang inyong maliligayang araw.

JOKE!

Mas maaga kayong makapag-umpisa sa paghahanap ng trabaho, mas maaga ninyong maiintindihan ang kalakaran sa job hunting.

At gusto ko kayo tulungang mga fresh graduates na makapagbigay ng maangas na impression sa inyong potential employer.

Kaya read on.

Ang unang-unang dapat n’yo gawin para maging matagumpay sa job interview ay ipasa yung entrance exam ng kumpanya.

EXAM NA NAMAN???! GRADUATE NA’T LAHAT, EXAM PA RIN???

Oo, ang buhay ng tao ay walang katapusang exam kaya tumahimik ka na lang at ipasa ito.

Hindi naman ito kasing hirap ng board exam o entrance exam ng College.
Aptitude test lang at gusto lang alamin ang general IQ mo.

Pag naipasa mo na ang test, mag-ready ka na sa interview.

Pero meron yatang mga kumpanya ngayon na interview muna bago test. Alin man ang mauna, may test pa rin na dapat ipasa.

Bago ang lahat, gusto ko lang ipagyabang na lahat ng job interview na pinagdaanan ko ay ipinasa ko at ako ang namili ng kumpanyang gusto mag-hire sa akin.

O, ‘di ba? Ang yabang ‘di ba?

Kaya gusto ko i-share yung nalalaman ko para makapasa sa iyong job interview.

Job-Interview
careerguidetips.com

Heto ang mga mahihirap na tanong na lumalabas sa mga interview.

1. Bakit sa kumpanyang ito ka nag-apply?
2. Ano ang maiko-contribute mo sa kumpanyang ito?
3. Ang kurso mo ay ganyan pero ang trabaho dito ay ganito, kaya mo ba ang trabahong ito?
4. Ano’ng meron sa iyo na wala sa iba? Bakit dapat ka naming i-hire?
5. Kung sakaling matanggap ka sa kumpanyang ito, saan mo nakikita ang iyong sarili 5 years, 10 years from now? Ano na ang na-accomplish mo sa mga panahong iyon?

Ang hihirap na tanong ano?

Bago ko ibigay ang mga sagot sa tanong na iyan, heto muna ang mga dapat mong gawin bago yung interview.

1. Mag-research tungkol sa kumpanya

Alamin ang mga basic na impormasyon gaya ng ano ang produkto ng kumpanyang ito, ang mga benepisyong ibinibigay n’ya at schedule ng trabaho.

2. Mukha ka dapat tao sa araw ng interview

Walang pakialam ang kumpanya kung ilang araw kang tatagal nang hindi naliligo o ilang taon ka nang hindi nagpapagupit ng buhok o gaano karami ang tingga mo sa katawan.

Ipakita mo ang pinaka-maayos mong hitsura sa araw ng interview. Ibalik mo na lang yung tingga mo sa dila kapag na-regular ka na.

3. Mag-damit ng payak

Hindi gusgusin at mukhang yagit at hindi rin naman mukhang ikaw ang may-ari ng kumpanya. Parang magde-defend ka lang ng thesis o research paper. At huwag damihan ang paggamit ng pabango.

Plantsahin ang damit at linisin ang sapatos.

4. Sikaping magkaroon ng kumpletong tulog bago ang interview

Kailangan mong maging alert sa araw ng interview. Hindi mukhang distracted, matamlay at galing sa sakit. Kung mamimili ka ng isang araw sa buhay mo na masigla ka at punung-puno ng vibrance, glow, spontaneity at kung anu-ano pang positive vibes ay ito na ang araw na ‘yun.

Kelangan mo ng presence of mind sa araw ng interview.

5. Kumain ng mga siguradong pagkain

…na hindi sisira ng araw mo. Huwag mag-take risk sa mga pagkaing hindi ka sigurado kung ano ang magiging epekto sa iyo. Alam mo ang sarili mong katawan. Kumain lang ng mga pagkaing alam mong kasundo ng tyan mo.

6. Dumating ka bago ang oras

Dumating ka na ng tatlong oras na mas maaga sa schedule. Huwag na huwag ka lang pale-late ultimo isang minuto sa oras ng iyong interview dahil siguradong lagpak ka agad sa tardiness.

7. I-kondisyon ang isip at kalooban

Singhutin ang lahat ng confidence na mahahagilap sa iyong paligid. I-brain wash mo ang iyong sarili na lahat ng ibibigay na tanong sa iyo ay sasagutin mo ng may buong katalinuhan at karunungan.

Isipin mong ikaw ay nasa isang pakikipaglaban na kung saan ang mahina ay lalapain ng malakas. Kailangan may mentality ka ng isang warrior, isang gladiator, isang sundalo, isang MISS…UNIVERSE…CANDIDATE!

Ikaw ang pinaka-alert, pinakamabangis, pinaka-mabagsik na job hunter na nabubuhay! Wala silang makikitang kasing galing na empleyado na kagaya mo sa buong buhay nila saan mang sulok sila ng kalawakan magtungo.

You eat interviewers for breakfast! Growl! Growl! GRROOOOOWWWLLL!

comics-wolverine-get-mad-teaser
parang wolverine dapat ang mindset hehe (marvel.com)

Ganyan ang mentality pero huwag na huwag mong ibe-verbalize ‘yan na maririnig ng potential employer at baka ipatapon ka palabas sa guard.

Sa susunod na post, ibibigay ko ang mga panukala kong sagot dun sa mga madalas na tanong sa mga interview.

Itutuloy…