Tag Archives: bakit hindi umuunlad ang pilipinas

Submission of SOCE Deadline Extension: Parang Tamad na Estudyante Lang

wala pang soce
listahan ng presidentiable at mga senatoriables na hindi pa nag-file ng soce…

Parang tamad na estudyante lang si Mar Roxas pati na yung ibang mga kumandidato nung 2016 elections na nagpapa-extend sa deadline ng submission ng kanilang statement of contributions and expenditures (SOCE).

‘Di ba yung mga estudyante, kapag binigyan mo ng specific deadline na mag-submit ng assignment o kaya project eh maaasahan mong merong mga magsa-submit at meron ding hindi magsa-submit?

Karaniwan sa mga hindi nagsa-submit on time eh yung mga mahilig sa petiks at tamad na estudyante. Hihingi lagi sila ng deadline extension.

At bigyan mo man sila ng 1 week, o 1 month, o 1 year para mag-prepare, hindi sila magsa-submit on time!

Kung ano man ang dahilan ni Mar Roxas at nung iba pa eh hindi na importante. Hindi sila tumupad sa isinasaad ng batas (RA 7166).

Sec. 14. Statement of Contributions and Expenditures; Effect of Failure to File Statement. – Every candidate and treasurer of the political party shall, within thirty (30) days after the day of the election, file in duplicate with the offices of the Commission the full, true and itemized statement of all contributions and expenditures in connection with the election.

Dapat sana eh pinatawan man lang ng parusa ang mga hindi sumunod sa deadline. Ang paglabag sa batas ay hindi dapat i-tolerate kahit na kapartido pa sila ng kasalukuyang administrasyon.

Sigurado lang, mas dadami pa ang gagaya sa mga ito sa susunod.

Related News:

Advertisements

Bakit Love na Love ng Pangulong Aquino si Purisima

Ang sarap sigurong maging kaibigan si Pangulong Noynoy. Ipaglalaban ka niya no matter what. Hanga ako particularly sa pagtatanggol na ibinibigay niya kay Purisima.

bff pnoy and purisima
si purisima at ang pangulong noy (rappler.com)

Napakasama na ng imahe ni Purisima sa madlang Pinoys all over the world pero hayagang ipinapaalam pa rin ng Pangulo ang kanyang buong-buo at intact na intact na tiwala at pananampalataya kay Purisima.

Sa lahat ng mga previous na iskandalong kinasangkutan ni Purisima:

  • PNP white house construction
  • Nueva Ecija mansion
  • Police uniforms deal
  • Fire arms deal
  • Pagtaas ng krimen sa lahat ng bahagi ng bansa
  • Mga absences
  • Pagkamatay ng 44 SAF Forces sa Mamasapano

Eh hinding hindi siya inilaglag ng Pangulo.

Kung hindi pa sinuspinde ng Ombudsman si Purisima eh hindi sana ito maaalis sa kanyang puwesto.

After 6 months ng suspension ay babalik na nga si Purisima sa puwesto. Bale nag-resign  lang pala siya sa pagiging PNP Chief at hindi sa PNP mismo. High ranking official pa rin si Purisima pagbalik sa PNP.

Bakit ganun na lang ang lubos na pagmamahal na ibinibigay ng Pangulong Aquino kay Purisima na isinusuka na ng madlang tao? At sinasabing responsable sa napakaraming pagkakamali?

Anong uri ng gayuma ang ibinigay niya sa Pangulo upang maging lubos-lubos ang affection na ibigay sa kanya nito?

Ang sagot ay wala. (Dahil hindi totoo ang gayuma.)

Marahil ay gayon na lamang talaga ang utang na loob na tinatanaw ng Pangulo sa serbisyong ibinigay sa kanila ni Purisima throughout these years mula nung nabubuhay pa ang dating Pangulong Corazon Aquino.

Ang loyalty ni Purisima marahil ang dahilan sa loyalty na ipinapakita ng ating Pangulo sa kanya. Ito ang larawan ng tunay at wagas na pagkakaibigan.

Ilang puntos man ang ibagsak ni PNoy sa mga survey, ilang milyong piso man ng kaban ng bayan ang malustay, ilang dosenang kapulisan man ang magbuwis ng buhay at  magkagulo man ang buong Pilipinas sa dami ng krimen ay hinding-hindi matitinag ang pagmamahalan ng Pangulong Aquino at ni dating PNP Chief Purisima.

Related Articles: