Site icon The Pinoy Site

Hindi Pa Hopeless ang Pilipinas!

Sa lahat ng mga negative na bagay na napapabalita at naririnig natin tungkol sa Pilipinas, minsan parang gusto na nating sumuko at tanggaping wala ng pag-asa ang Pilipinas. Hopeless na kumbaga.

Madalas pa nating marinig sa iba na kapag may hindi magandang bagay silang nakita sa Pilipinas eh “Only in the Philippines!” na kaagad ang hirit kahit hindi pa naman nakikita ang lagay sa ibang bansa.

Madaling isipin na ang Pilipinas na ang worst na bansa pagdating sa kundisyon ng trapiko, sa kawalan ng disiplina, sa klase ng mga tirahan at sa uri ng pag-uugali. Lalo na kung hindi pa natin napupuntahan ang iba’t ibang bansa sa daigdig para makita ang pagkakaiba ng ating bansa sa iba pang mga bansa.

Kaya nga ginawa ko ang mga meme na ito para maipakitang may pareho ring problema ang ibang bansa kagaya ng mga kinaiinisan natin sa Pilipinas. Minsan nga, parang mas malala pa ang sitwasyon sa ibang bansa.

Pero s’yempre hindi naman ibig sabihin nito na makuntento na tayo sa kasalukuyang kalagayan ng ating bansa dahil mas malala pa pala ang kundisyon sa ibang bansa. Kailangan pa rin nating i-improve ang kalagayan ng pamumuhay sa ating bansa. Problema na nung ibang bansa kung ayaw nilang mag-improve.

Gusto ko lang ipaabot sa mga meme na ito na bago natin tawagin ang Pilipinas na worst among the worst eh siguraduhin muna nating alam natin ang kalagayan sa ibang bansa. Dahil unfair naman na bansagan natin ang sarili nating bansa nang walang pinagbabasehan kundi ang negatibo nating pananaw sa Pilipinas.

Kaya nga patuloy nating isulong ang mabuting pagbabago sa Pilipinas dahil HINDI PA HOPELESS ANG PILIPINAS.

Author: ResidentPatriot

Male, Engineer, Artist, Writer, tumatanggap din ng labada tuwing Sabado...

Exit mobile version