Site icon The Pinoy Site

Magandang Course na Walang Math

Note: Ang artikulong ito ay inupdate nuong Mayo 8, 2020

Isang bisita ng blog na ito ang nagtanong sa akin dati kung ano ang magandang course na walang math. Last year pa n’ya itinanong sa akin ‘yun at ngayon ko pa lang sasagutin.

Ms. Kath, pasensya na sa late kong reply, heto na ang sagot ko sa tanong mo.

Wala akong alam na course na walang math.

Ayon.

Ang pagkakaalam ko ay meron at merong subject na math ang anumang kurso at least sa unang dalawang taon man lang ng buong kurso.

PERO!!!

Maraming trabaho ang hindi nangangailangan ng kaalaman sa math. At malamang ay madaling madali lang ang math subject nito sa kanilang curriculum.

Kung interesado kang malaman ang masasabi kong “magandang” trabaho na walang math, tuloy lang sa basa.

andameng may ayaw sa math…

Kung hindi ka pa nakakapili ng iyong course hanggang ngayon, meron sana akong gustong isali sa listahan ng mga pinagpipilian mong course na walang math (or konti ang math). Baka gusto mong i-consider ang kursong ipapakilala ko.

Ang propesyon ng course na ito ay:

1)  may mababang competition sa job market
2)  high paying job (500 pesos per hour above)
3)  in demand sa pilipinas at sa ibang bansa
4)  kahit walang experience, makakapag-start agad mai-practice ang propesyon
5)  may significant contribution sa buhay ng tao
6)  flexible ang oras
7)  pwedeng kahit sa bahay mo gawin

Too good to be true? Siguro.

Ang tinutukoy kong course ay speech pathology.

Advanced Medical.net

Ang mga speech pathologists o speech therapists ay nagtuturo sa mga batang may speech development disorder na matutong magsalita. Tinuturuan nila ang mga bata na makipag-communicate. Pwede rin sila sa mga adult pero sa mas maraming sitwasyon ay bata ang kanilang inaasikaso.

Maraming dahilan ang speech disorder sa isang bata. Isa sa mga dahilang ito ang autism.

Isang malungkot na impormasyon ang ipinahayag ng Department of Health patungkol sa autism:

“In the Philippines, estimated cases of autism rose from 500,000 in 2008 to one million people at present…The number could be much higher since there are still a lot of areas in the Philippines not covered.”

(Source: Philippine Information Agency)

Bukod sa autism, may iba pang mga dahilan sa speech development disorder ng mga bata. Pwedeng developmental delay lang. Pwede din naman dahil sa hearing disorder at iba pang mga kadahilanan. Nakakadagdag ang mga dahilang ito sa dami ng mga kabataang may speech at/o communication disorder.

Kung ano man ang dahilan ng speech disorder ng bata, speech therapist ang gumagabay sa batang ito para matutong mag-express ng sarili sa pamamagitan ng verbal na pamamaraan.

Napakasakit para sa mga magulang ang hindi magawang makipag-communicate sa anak. Yung hindi nila makakuwentuhan ang anak. Yung hindi man lang nila matanong ang anak kung ano ang gusto nito o kung ano ang masakit sa kanya.

Merong mga magulang na naiirita sa mga anak na madaldal at makulit pero hindi lang nila alam kung gaano kabigat ang pighati ng mga magulang na napakaraming taon ng dinadala sa mga therapy session ang kanilang anak sa pag-asang balang araw ay masabi man lang nito ang sarili n’yang pangalan.

Ang speech therapist na makapagbibigay ng kakayahan sa bata na makipag-communicate ay isang hulog ng langit para sa kahit na sinong magulang.

Sa kasamaang palad, may malaking kakulangan sa bilang ng mga speech therapist ang ating bansa.

kung mahilig ka sa bata, baka pwede sa ‘yo ang maging speech therapist…
(bilinguistics.com)

Habang dumadami ang kaso ng speech disorder (o child developmental disorder) sa ating bansa, lalong nagiging importante at scarce commodity ang mga speech therapist sa atin.

Pinag-aagawan ang available schedule ng mga speech therapist kung alam mo lang. Kaya kahit mag-set sila ng mga demands, nahihirapan silang tanggihan ng mga magulang.

(Dini-discourage po ang cold hearted practice na ito ng ilang speech therapist. Pwedeng bumalik sa kanila ang gawaing ‘yan balang araw.)

Hindi sila mababakante lalo na kung may reputasyon ang therapist na nakakapag-produce s’ya ng agarang resulta sa tini-therapy na bata.

Kung dadami lang sana ang mga speech therapist sa Pilipinas, mas maraming magulang ang hindi na kelangang pumunta pa sa malalayong lugar maipa-therapy lang ang anak. Malaki na ang gastos sa therapy sessions, dagdag pa ang transportation.

Sana rin ay makapagbigay ang Pamahalaan natin ng ganitong serbisyo sa mga kapuspalad nating mga kababayan na namimighati sa anak na may problema sa komunikasyon.

Sa kasamaang palad, ang speech therapy course ay ino-offer sa iilan lamang na mga universidad sa BUONG Pilipinas. Kabilang na dito ang:

1. UP Diliman
2. University ng Sto. Tomas
3. Cebu Doctor’s University
4. Dela Salle University

Nabanggit na rin lang ang child developmental disorder, maaari mo na rin sigurong i-consider ang mga kursong may kinalaman dito gaya ng Occupational Therapy at Child Developmental Neurology at mga kagayang course.

Napakakonti lang ng math nito (kung meron man). Pero kelangan mo ng passion para sa mga bata.

Good luck sa pagpili ng iyong course.

—————————————-

Iba Pang References:

Author: ResidentPatriot

Male, Engineer, Artist, Writer, tumatanggap din ng labada tuwing Sabado...

Exit mobile version