Advisory: Paumanhin sa mga gals, for the boys muna ang aking post ngayon pero pwede n’yo itong i-forward o i-share sa mga kilala n’yong lalake. (Kung sa tingin n’yo useful 🙂 )
Ang post na ito ay dini-dedicate ko sa lahat ng mga batchmates kong lalake na single pa rin hanggang ngayon.
********************************************************************************
********************************************************************************
Pare ko, pasensya na sa sasabihin ko.
Wala akong intensyong makipag-basag-ulo.
Naalala ko lang kasi…
Araw na naman pala ng mga puso at…
at…
…single ka pa rin.
Pero alam ko naman, cool ka lang ‘di ba?
So what, ‘di ba?
Eh ano ngayon, ‘di ba?
Matagal ka ng single at hindi ka na affected.
Gastos lang ang lovelife.
Marami ka pang dapat gawin na mas importante.
Ine-enjoy mo pa ang blessedness ng singlehood.
Tama. Tama ka d’yan.
Napansin ko pala, kumpara 10 years ago, padami yata ng padami ang mga magagandang kadalagahan sa atin. Napansin mo rin ba? Hindi? Talaga?
Mas marunong na sila mag-ayos ng sarili.
Mas marunong na sila magdala ng fashionable na damit.
At hindi lang sila magaganda, may mga pinag-aralan at may trabaho pa. Pero sa estado mo ngayon, alam ko naman hindi mo masyadong iniisip ‘yan. Darating din ang soul mate mo sa tamang pagkakataon, ‘di ba?
Sabi nga pala sa estimate ng gender ratio eh hindi naglalayo ang dami ng mga lalake at babae kaya hindi natin masasabing merong kakulangan sa dami ng mga Pilipina. (Source)
Pero sa kabila ng pagkalat ng mga available at eligible bachelorettes, marami pa ring gaya mo na nasa tamang edad na (35 years old above) ang single pa rin hanggang ngayon.
Hindi ka naman bading.
May hitsura ka naman.
May maganda ka namang trabaho.
Interesting ka naman pag nakilala.
Mabait ka naman at maginoo.
So, ano ba ang problema? Oo nga pala, wala namang problema…
Pero ito ba ang uso ngayon? Magpakatandang binata? Magpaka-All by Myself?
Hindi ko naman tinatawaran ang dahilan mo sa pagiging single at alam ko namang maraming pwede at valid na dahilan para maging single ang isang middle aged na lalake. Walang sinuman ang maaaring humusga sa dahilan mong iyon.
Pero dahil pakialamero lang talaga ako (sa mga taong may malasakit ako) eh pwede ko bang ibahagi ang aking hamak na opinyon? Ano? Sigurado kang ayaw mong malaman?
Ganito kasi ‘yun eh, meron kasi akong suspetsang isa pang dahilan sa pagiging single mo.
Katamaran…
Tamad ka, kaya single ka pa rin.
Ops, ops, sandali lang, ibaba mo muna ‘yang hawak mong pamalo. Sabi na sa ‘yo ‘di ako naghahanap ng away eh. Nagse-share lang ako ng opinyon.
Alam mo, sa tingin ko kasi, marami sa mga matinong kalalakihan na kagaya mo ang tinatamad.
Tinatamad manligaw.
Tinatamad sumubok.
Tinatamad mag-isip ng approach.
Tinatamad gumastos.
Pero higit sa lahat, tinatamad lumandi.
Tama, lumandi.
Kelangang lumandi ang isang tandang para maka-bingwit ng inaheng manok.
Kelangang lumandi ang lalaking pusa para maka-score sa babaeng pusa.
Pero ang tinutukoy ko eh ‘yung pantaong landi.
Hindi landing panghayop.
Landi na pang-disenteng lalake.
Let me elaborate.
Tingnan natin ang pagkakaiba ng disenteng lalake na tamad kumerengkeng at ng disenteng lalake na marunong lumandi…
Kita mo naman ang resulta ‘di ba? Dahil sa katamaran, tinatapos mo yung lahat ng tsansa na inilalatag ng tadhana para sa ‘yo.
Pero tingnan natin ang ibang metodolohiya. Subukan mong lumandi ng konti…
Nakuha mo ba ‘yung gusto kong sabihin?
So kung ikaw na isang disenteng lalake ay nagtataka kung bakit pumapatol ang mga matinong babae sa mga may asawa na, sa mga total jerk, o sa mga chickboy-chikboyang sons of satan (term na gamit ni Manix Abrera) eh baka dahil isa ka na rin sa mga may kasalanan.
Kung marami lang sanang disenteng lalake kagaya mo ang magsisipag na manligaw sa mga matitinong kababaihan ng ating bayan eh di hindi sana napariwara ng landas ang maraming kadalagahan sa ating bansa.
Ayon, nasisi ka pa tuloy.
So, bilang unsolicited advice mula sa isang pakialamerong nagmamalasakit, bakit ‘di mo subukan lumandi?
Matuto kang lumandi.
Yung disenteng landi.
Yung pantaong landi.
Huwag mo namang landiin lahat ng kababaihang makita mo.
Hayop lang ang gumagawa nu’n.
Landiin mo lang yung special someone na hindi mo magagawang lokohin.
Tandaan mo, pare…ANG TUNAY NA LALAKI, MARUNONG LUMANDI.
indi naman kasi porket single..ay tamad na..ang iba naman..single sila kasi pagd na sila masaktan
Nabitag ako ng “paglandi” mo bro sa blog title. Hehe! Naaliw ako sa interesante at kwela mong presentasyon.
Sang-ayon ako, matututong lumandi sa “wastong paraan.” Hehe!
Kaya, bro, lumandi ka na rin ha? At balitaan mo ako pag “in a relationship” ka na. Hehe! 😀
uy, salamat sa pagbabasa, adrian 🙂 may asawa’t anak na ako kaya di na pwede lumandi hehe
Oo nga pala. Nabasa ko uli yan sa kwela mong introducation. I’m sorry. Nagkamali ako ng intindi dun sa dedication mo para sa mga “batchmates mong single pa rin hanggang ngayon.” Hehe!
Flirt with respect… 🙂 ayeiiiiii!
taaammaa 😀 hehe
Ouch! Hahaha.
Kaya naman ako single kasi gusto kong libre akong laging pantaong lumandi ng walang pagiimbot at pagaalinlangan. 😀
okay lang yan, basta hindi yung lahat na lang ng makita eh nilalandi hehe
ah hindi naman lahat. choosy kaya ako hehe conceited.
seriously, gusto ko tong post mo kasi may tama at kirot…nagpapaandar ng isip at damdamin at higit sa lahat may lesson sa likod ng artistic at nakakatawang pagpapahayag. 😉
Kadalasan hindi naman tinatamad din…. Kulang lang ng lakas ng loob at confidence. Meron kasing confident kahit mukhang utot pero may mukhang anghel naman na feeling niya mabaho siya… hehehe
hehe pwede rin…
Tama! Matuto tayong lumandi… Pakiramdam ko tuloy napakalandi ko…
hahaha, kahit sinong bumisita sa blog mo at mabasa ang mga post mo, mag-iisip nga ng ganyan 🙂
hahaha paki ramdam lang un
hello, RP… gusto ko ang drowings mo rito – ang galing. peyborit ko ang malanding guy, ahaha. sya na ang maraming natsa-charm… parang pinangarap mong maging ganyan no’ng araw? btw, ikaw ba ang nasa likod? 😉 parang it’s you – mukhang proper and tamed, harhar… cheers! 🙂
hello, ate san…salamat sa pagbabasa at compliments, oo ako nga yata yung nasa likod na nag-iisip hehe nung bata-bata pa kasi ako eh isa sa mga misteryo ng buhay sa akin kung paano nagkaka-lablayp ang mga tao lalo na yung mga “bad boy” kung tawagin.
ngayon, alam ko na hehe pero ‘di ko naman pinangarap na mangolekta ng babasaging puso (naks, makata!) faithful at loyal ang inyong lingkod sa isa lang hehe
hahahaha…tama nga naman.
galing mo talaga sir!
salamat, rj, belated happy valentine’s
marunong din ako pero hindi ko na ginagamit ahaha
oo nga, ako nga rin eh sayang na skill, joke hehe
haylavet! haha! maporward nga to sa mga barkada kong singgol, 🙂
haha, salamat sa pag-forward, makatulong sana hehe
Landi=flirt ?
In japan, the cold guys are called tsundere. I like the tsundere guy. The flirts turn me off, and I usually stay away from them. Ah, I don’t know.
Cheers !
in its strictest form, yes, landi would be flirt in english…but in this post, it’s more like “wooing”.
unfortunately for men, we have to learn this skill of wooing women as we grow up. some learn it late than others. nevertheless, it should be learned one way or another. i am promoting the decent and proper way of wooing.
i know that “cold” guys may look like cool for highschool girls or in movies and comics but in the real world, many japanese girls realize when they grow up that they prefer the foreign culture of men pursuing the women…that’s what i have observed here 🙂
charrrr
Mukhang ako yung nasa unang kategorya. Tamad kasi talaga ako sa lahat ng bagay. Pero di naman ako single. Hehehe =) Happy Valentine’s Sir Patriot =)
mukhang naging happy ang valentine’s mo ah, mabuti ka pa…huwaa! gusto ko na umuweee!
sad but true –tamad na talaga ang mga lalake ngayon hehe
oo nga eh, kala yata ng iba malalaglag na lang yung soulmate nila sa kandungan nila kahit walang effort hehe
very nice post, natuwa ako. piprint ko to!!! hahaha. 🙂
salamat nagustuhan mo at ipi-print mo pa talaga ha? hehe belated hapi valentine’s…
Yep, very informative in a magalang way. 🙂 (bibigay ko ke crush, joke.haha)
wupak!
sound effect ng ano ito? hehe
natuwa naman ako dito. pero tama dapat matutong lumandi yung pantaong landi. =D
salamat sa pagbasa, dapat talaga pantaong landi at hindi yung parang nanggaling sa animal kingdom hehe