Site icon The Pinoy Site

Forwarded Emails

Advanced Merry Christmas at Advanced Happy New Year!

Ang dami ng nangyari nung huli akong nakapag-post. Sumikat at lumubog si Amalayer, inireklamo at nagreklamo si Tito Sen, may tiba-tiba at may na-bankrupt sa pyramid scam at inabot na ng tatlong taon ang isang napakabagal na paglilitis.

Marami akong excuse, este, dahilan sa hindi pagpo-post ng matagal. Ilan sa mga ito ay ang Angry Birds, iFighter 45 atsaka Fruit Ninja.

Nag-reflect din ako kung ano’ng direksyon ang dapat kong tunguhin para sa blog na ‘to. Pagkatapos ng dalawang linggong pagninilay-nilay, wala pa rin akong naisip na magandang gawing matino para sa blog na ito. Naisipan ko na lang magdagdag ng isa pang category na pinamagatang Forwarded Emails.

whoever made this icon/logo, it’s very nice

Nung hindi pa uso ang social networking sites (Friendster/Facebook) eh sa e-mail nagchi-chikahan ang taumbayan.  Minsan, kahit walang maikuwento, nagfo-forward na lang ang mga tao ng akda ng ibang tao. Para lang makapag-keep in touch o makapagparamdam sa kaibigan.

Ilan sa mga forwarded emails na nagustuhan ko (hindi ko dinelete sa inbox) ang ipinost ko sa kategoryang Forwarded Emails. Mga nakakatawa at may makabayang tema lang ang ipinost ko dito. Censored na kasi yung iba, joke.

Sikat yung iba at na-publish na rin yata sa ilang libro. Kung sino man ang sumulat ng mga ito ay hindi na nabigyan ng credit (o royalty) pero nagpapasalamat ako sa kanila dahil nakakalibang ang kanilang katha. Hindi naaksaya ang ginamit kong oras sa pagbabasa ng mga ito.

Heto ang link: Forwarded Messages

Maraming salamat sa patuloy na pagbisita sa blog na ito 😀

Author: ResidentPatriot

Male, Engineer, Artist, Writer, tumatanggap din ng labada tuwing Sabado...

Exit mobile version