2012 pa lang ngayon, halos 2 years pagkatapos ng huling election. Hindi pa nakaka-recover ang mga natalo nung huling eleksyon eh heto na naman at medyo maalingasngas na ang tunog ng eleksyon para sa 2016!
Ano ba naman ‘yan, ang dami-dami pang problema ng bansa natin eh puro eleksyon na ang inaatupag ng ilang mga pulitiko.
Subalit ang pulitika ay isang uri na yata ng hanapbuhay para sa ilang mga pulitiko. Kaya nakakabalita tayo ng mga patayan sa pagitan ng mga magkakaribal sa pwesto. Yung iba naman, kapag nanalo na sa eleksyon, sisiguraduhing hindi na sila matatanggal kahit kelan kaya’t nagkakaroon ng mga political dynasty.
Kahit mga hindi expert sa political analysis, nagiging expert sa klase ng politika sa bansa natin. Ganito din kaya sa ibang bansa?
Ilang beses ng nagpalit ng Prime Minister ang Japan. Halos taun-taon ito kung magpalit. Si Koizumi lang ang alam kong nagtagal. Matagal na yung isang taon para sa isang Prime Minister. Nagre-resign sila pag hindi na nila kaya! Hindi ko alam kung mahihina ang loob nila o matindi lang talaga ang sense of responsibility nila kaya konting mali lang eh, pakiramdam nila hindi na sila karapat-dapat mamuno. Wala sila sa ilang mga pulitiko natin sa Pilipinas (hindi ko na kelangan i-elaborate).
(Itutuloy…)
hindi ko na maiintindihan ang politika dito sa ating bansa sa ngayon. hindi ko alam bakit nagsulputan nanaman ang mga walang hiyang marcoses na nag benta ng ating bansa sa world bank at hanggang ngayon pinag babayaran pa ng bawat pilipino. may mga tagong yaman sila na naungkat pero bakit hindi parin binabalik sa taong bayan.
Wow, grabe. Sila (Prime Ministers) talaga mismo ang sumusuko sa trabaho nila? O.O
Isa pa lang ang kilala kong nag-resign sa larangan ng pulitika dito sa atin. (Migz Zubiri)
Ayos ah.
Hi Kim. Pa’no ka napagawi dito? Nalimutan ko nang may sinulat pala akong ganito 😀 Pero tama ka, simula nung matapos ang term ni PM Koizumi nung early 2000’s, halos tig-isang taon na lang ang mga sumunod na PM. Walang nagtatagal dahil nahihiya sila pag sa tingin nila ay nawawalan na ng tiwala sa kanila ang mga mamamayan ng Japan. Ibang iba sa lagay natin sa Pilipinas.
Sa ngayon, ipaubaya mo na muna sa aming matatanda ang bagay na ‘yun. Hindi ka pa naman bumoboto kaya ‘wag mo muna kunsumihin ang sarili mo sa mga bagay na ito. Marami kang panahon gawin ‘yan sa future hehe Pero nabubuhayan ako ng loob sa mga kabataang may kamalayan sa bansa kagaya mo. May pag-asa pa nga ang Pilipinas.
Hehe, hinalughog ko po yung site niyo simula dun sa Lupang Hinirang. 😀
Namangha lang po talaga ako sa mga Prime Ministers sa Japan. Anlayo sa’tin. Haha!
Hiya naman ako sa ‘yo, nag-back read ka talaga? Inaksaya mo yung oras mo sa mga walang kapararakang mga post? ‘Yung parte ng buhay mo na iyon ay hindi mo na maibabalik kahit kailan.
Ginamit mo na lang sana ang oras mo sa paghahanap ng maganda’t patok na negosyo at i-sinuggest sa akin. Para mai-post ko’t maidagdag sa mga articles ko 😀
Hahaha sa susunod na maisipan ko uling mag-back read. 😀